San Mateo 5:11 - Bible in Tzeltal de Oxchuc y Tenejapa

¹¹ “Bin nax me awutsilic teme ya sbolc'optayex, soc teme ya yuts'inex, soc teme ya slotbeyex ac'oplalic te ants-winiquetic ta jo'on jwenta.

Nuevo Testamento Tzeltal de Amatenango

¹¹ “Ben me tsaꞌam alekilik teme ya sbolkꞌoptayexe, sok teme ya yilbajinelexe, sok teme ma tsaꞌamuk akꞌoplalik ta lot yuꞌun te genteetike teme joꞌon ta jkuentae.

Bible in Tzeltal Bachajón

¹¹ Bayel me awutsilic teme ho'on ta jcuenta te ya yixta'c'optayex, ya yuts'inex, soc ya yalic spisil ta chahp c'opetic ta lot ta atojolic.

San Mateo 5:11 Referans Kwoze

1 Pedro 4:14

Teme ta scaj te ach'uunejic Cristo te ayex ta bolc'optayele, bin nax me awutsilic yu'un, te melel xojobajem ta atojolic te yutsilal te Espíritu yu'un te Diose. Amen sc'oplal yu'unic te Diose; yan te ja'exe, lec sc'oplal awu'unic stuquel.

San Lucas 21:17

Soc ya me yilayex ta spisilic ta swenta jbiil.

San Marcos 13:13

Ya me awich'ic ilayel yu'un spisil ants-winiquetic ta jwenta. Te mach'a ya xcujch' yu'un c'alal ta slajibal, lec me ayix abi.

San Mateo 24:9

“Ya me x'ac'otex ta uts'inel, soc ay me ya xlajex ta milel. Ya me awich'ic ilayel yu'un spisil ants-winiquetic ta swenta jbiil.

San Lucas 6:22

“Bin nax me awutsilic ja'ex teme ayex ta ilayel yu'un te ants-winiquetique, soc teme ya stenex loq'uele, soc teme ya sbolc'optayexe, soc teme ya sp'ajex te bit'il amenex ta sc'opic ta scaj te Nich'anile.

1 Pedro 2:23

Te c'alal laj ta ixtac'optayele, ma la sujt'esbey te yixta-c'opique. Te c'alal c'ax swocole, ma ba loc' utaw ta ye. Ja' nax la yac' sba ta sc'ab te Diose, te toj ya xchajbanwan stuquele.

San Juan 15:21

Spisil in to ya spasbeyex ta jo'on jwenta, melel ma sna'beyic sba te Mach'a la sticunon tele.

San Mateo 10:22

Ya me awich'ic p'ajel ta apisilic ta swenta jbiil. Te mach'a ya xcujch' yu'un c'alal ta slajibale, ja' me ya xcol stuquel.

Isaías 66:5

Aiybeya awaiyic stojol sc'op te Cajwaltique, ja'ex te awich'ojbeyic ta muc' te sc'ope: —Te ja'exe ay alumalic nix te ya slab-o'tantayex soc ya yuts'inex, melel ya atabonic ta alel te jbiile. Jich ya yalic: “Ac'a yac' ta ilel yutsilal ta atojolic te Cajwaltique; ya jc'antic te binuc nax awo'tanic ya quiltique”, xiic. Ja'uc me to, ya xq'uexawic jilel.

San Mateo 10:39

Te mach'a c'ux nax ya yaiy sba soc te xcuxlejale, ya me xch'ay soc te xcuxlejale. Yan te mach'a ma xc'uxtay sba soc xcuxlejal ta jo'on jwenta, ja' me ya xcuxin stuquel.

Apocalipsis 2:3

C'axemix te awocole soc ts'ijq'uem awu'un, tulan at'ejemat ta jwenta, ma ba comen awo'tan.

San Mateo 19:29

Spisil mach'a ay bi ya yijq'uitay jilel ta jwenta, chican teme sna, sbanquiltac, xwixitac, yijts'inab, sme'-stat, yinam, snich'nab, o ja' te sq'uinale, jo'winic buelta ya x'esmaj sjelol te ya x'ac'bote, soc ya me x'ac'ot cuxinuc sbajt'el q'uinal.

2 Corintios 4:11

Melel te jayeb c'aal cuxulotic ta q'uinal, te jo'otique ayotic ta lajel ta scaj te Jesuse, swenta yu'un jich me ya xchicnaj ta swenta jbaq'uetaltic te ya xlaje te bit'il cuxul stuquel te Jesuse.

1 Corintios 4:10

Cuybilotic ta bol, ta swenta te Cristoe. Yan te ja'exe, ay ap'ijilic ta swenta Cristo. Te jo'otique, ma'yuc quiptic. Yan te ja'exe, bayal awipic. Ayex ta ich'el ta muc' yu'un te ants-winiquetique. Yan te jo'otique, p'ajbilotiquix.

Romanos 8:36

Jich te bit'il ts'ibubil jilel ta Sjun te Diose: “Ja'at ta acaj te quechelotic ta lajel spisil ora; jichotic ta yo'tanic te bit'il chijetic te ya yich'ic milele”, te xie.

San Lucas 21:12

“Soc neel me ya stsaquex soc ya me snutsex. Ya me yaq'uex ta chajbanel ta sinagogaetic, soc ya me yaq'uex ta chucjibal, soc ya me yiq'uex bael ta stojol muc' ajwaliletic soc ta stojol gobernadoretic ta swenta jbiil.

San Lucas 9:24

Melel te mach'a ya xc'uxtay sba soc te xcuxlejale, ch'ayel me ya xbajt' soc te xcuxlejale. Yan te mach'a ya yac' sba ta lajel soc xcuxlejal ta jwentae, ya me xcuxin stuquel.

San Marcos 8:35

Melel spisil mach'a ya xc'uxtay sba soc te xcuxlejale, ya me xlaj soc te xcuxlejale. Yan te mach'a ya yac' sba ta lajel soc xcuxlejal ta jwenta soc ta swenta te lec yach'il c'ope, ja' me ya xcuxin stuquel.

San Mateo 10:25

Jich te jnopojele tic'uc me ya yaiy a teme pajal ya xc'ot soc te yajmaestroe. Soc jich uuc te mach'a ay ta abate, tic'uc me ya yaiy a teme pajal ya xc'ot soc te yajwale. Teme Beelzebú xi' sc'oplal te jwolwanej yu'un te jwol nae, ¿ja'uc to bal a te mach'atic ay yu'un ta snae?

Hechos 9:16

Jo'on ya me cac'bey sna' stojol spisil ta jchajp swocol te ya sta ta jwentae —xi'.

Salmos 44:22

Pero ja'at ta awenta spisil ora te quechelotic ta lajel; jichotic ta yo'tanic te bit'il chijetic ya yich'ic milele.

San Marcos 13:9

“Te ja'exe tsajtaya me abaic. Melel ya me x'ac'otex ta sc'ab te muc'ul tsobleje, soc ya me awich'ic majel ta bay te sinagogaetique. Ya me awich'ic tejc'anel ta stojol ajwaliletic soc ta bay muc' ajwaliletic ta scaj te ach'uunejonique. Jich me testigo ya xc'oex cu'un ta stojolic.

San Mateo 27:39

Te mach'atic yacalic ta c'axel tey a, la sjimulay sjolic ta sbolc'optayel:

San Marcos 4:17

Ja'uc me to, te bit'il ma ba c'uben ta lec te yisime, jich ma xjalajic. Teme ya xtal yiljibal yo'tanic soc uts'inel ta stojolic ta scaj te sc'op Diose, tic' ya xch'ay xch'uunjel yo'tanic a.

San Mateo 10:18

soc ya me yiq'uex bael ta stojol ajwaliletic soc ta stojol muc' ajwaliletic ta jo'on jwenta. Jich me ya awalic testigo-c'op ta stojolic soc ta stojol te jyanlumetique.

San Juan 9:28

Jich caj yutic te winique, jich la yalbeyic: —Te ja'ate yaj-nopojelatix atuquel. Yan te jo'otique jnopojelotic yu'un Moisés.

Salmos 35:11

Ya yac' sbaic ta testigo te mach'atic amenique, soc ya sjojc'obonic te bitic ma jna'e.

Isaías 25:8

Te Cajwaltic ya sjin ta sbajt'el q'uinal te lajele. Ya me scusbey loq'uel ya'lel sitic ta spisilic; ya me yac' xch'ay ta jc'axel ta spamal balumilal te bit'il boloben sc'oplal te lum yu'une. Te Cajwaltic ja' yaloj stuquel.

Isaías 51:7

“Aiybon awaiyic stojol ja'ex, te ya ana'ic te bila toje, te ay sc'oplal ya xc'ot ta awo'tan te p'ijubtesel cu'une. Ma me x'axi'ic te bolc'optayel yu'un te ants-winiquetique; ma xawac' abaic ta pejc'anel yu'un te yixta-c'opique.

Jeremías 37:14

Te Jeremías la sjac': —Ma meleluc, ma ba ya xboon ta bay caldeoetic —xi'. Ja'uc me to, te Irías ma la sc'an yaiy stojol, ja' nax la yac' ochel ta chuquel te Jeremías soc la yic' bael ta stojol te mach'atic ay yat'elique.

Filipenses 1:29

Te melel ma ja'uc nax ac'botex ta awentaic xch'uunel te Cristoe, ja' ac'botex ta awentaic uuc te ya xc'ax awocolic ta swentae.