San Mateo 5:10 - Bible in Tzeltal de Oxchuc y Tenejapa

¹⁰ “Bin nax me yutsil te mach'atic ya xc'ax swocolic ta uts'inel ta scaj te yat'elinejic spasel te bila toj ta pasele, te melel ja' me ya x'ochic ta banti ay ta ajwalinel te Dios ta ch'ulchane.

Nuevo Testamento Tzeltal de Amatenango

¹⁰ “Ben me tsaꞌam slekilik te machꞌatik ya xkꞌax swokolik ta ilbajinel yuꞌun ta skꞌaj te yaꞌtelinejik spasel te tut ya skꞌan te Diose, jich jaꞌ mukꞌ Dios yuꞌunik te ay ta chꞌulchane.

Bible in Tzeltal Bachajón

¹⁰ Bayel me yutsilic te mach'atic ay swocolic ta uts'inel ta scaj te toj ya'telic, como ha yu'unic te cuentahinel yu'un te ch'ulchane.

San Mateo 5:10 Referans Kwoze

Santiago 1:12

Bin nax yutsil te mach'a jun yo'tan ya xts'ijc' yu'un te swocole. Yu'un teme cujch' yu'un te swocole, ya me yich' corona swenta cuxlejal, ja' bi ja' te yaloj Dios te ya yac'bey spisil te mach'atic c'ux ta yo'tanic te Diose.

2 Corintios 4:17

Melel te bila ya xc'ax jwocoltic yu'un li'to ta q'uinale, c'axel nax ay soc ma'yuc lec sc'oplal stuquel. Ja' ya jtatic bayal cutsilaltic ta c'axem to xan a ta swenta sbajt'el q'uinal.

San Mateo 5:3

—Bin nax me yutsil te mach'atic me'ba ya yaiy sba ta yo'tanic, te melel ja' me ya x'ochic ta banti ay ta ajwalinel te Diose.

San Lucas 6:22

“Bin nax me awutsilic ja'ex teme ayex ta ilayel yu'un te ants-winiquetique, soc teme ya stenex loq'uele, soc teme ya sbolc'optayexe, soc teme ya sp'ajex te bit'il amenex ta sc'opic ta scaj te Nich'anile.

2 Timoteo 2:12

Teme ts'ijc' cu'untic te jwocoltique, ya me join jbatic ta ajwalil soc. Teme la jmuc ta co'tantique, ya me smucotic ta yo'tan uuc.

Filipenses 1:28

Xujt' ma me x'axi'ic te mach'a ya scontrainexe. Ja' seña ya yilic te ch'ayel ya xbajt'ique; soc ja' seña ya awilic uuc te ja'ex te ya xcolex atuquelique, yu'un jich nix yaloj te Diose.

San Lucas 21:12

“Soc neel me ya stsaquex soc ya me snutsex. Ya me yaq'uex ta chajbanel ta sinagogaetic, soc ya me yaq'uex ta chucjibal, soc ya me yiq'uex bael ta stojol muc' ajwaliletic soc ta stojol gobernadoretic ta swenta jbiil.

San Juan 15:20

Juluc me ta awo'tanic bila la calbeyexe: “Ni jtuluc abat te cajal ya xc'ot ta stojol te yajwale”, te xoone. Teme la yuts'inon te jo'one, ya me yuts'inex uuc. Teme la yich'bonic ta muc' te jc'ope, jich nix ya yich'beyex ta muc' uuc te bila ya awalic te ja'exe.

Apocalipsis 2:10

Ma me xiwat yu'un te bit'il ya xc'ax bayal awocole. Melel te pucuje ya me yaq'uex ta chucjibal swenta yu'un jich me ya yilbeyex awo'tanic ta apisilic. Tey me ya xc'ax awocolic lajuneb c'aal a. Ja'uc me to, junuc me awo'tan ta jtojol, manchuc teme ya xlajat tey a. Jich me ya cac'bat acorona swenta cuxlejal.

2 Timoteo 3:11

Soc awilojbon jwocol ta uts'inel soc ta woclajel, jich bit'il ta lum Antioquía soc ta lum Iconio soc ta lum Listra. Bayal c'ax jwocol ta uts'inel tey a, ja'uc me to, ta spisil la scoltayon loq'uel te Cajwaltique.

San Mateo 25:34

“Jich yu'un te muc' ajwalile ya me yalbey te mach'a ayic ta swa'el sc'abe: “La'ic te ja'exe te bin nax awutsilic ta stojol te Jtate. Ochanic, u'uninaic te utsilal te chajbanbil ta awentaic ta xjajch'ibal to tel balumilal.

Salmos 37:12

Te mach'a amen yo'tan ya xchap bi ya yut ya slebey swocol te mach'a lec yo'tane, ya xc'ux ye yu'un slab yo'tan ta stojol.

San Marcos 10:30

jo'winic buelta ya x'esmaj sjelol ya yich' li'to ta q'uinal, chican teme sna, sbanquiltac, xwixitac, yijts'inab, sme', snich'nab, o sq'uinal. Soc ya me yich' uts'inel uuc, soc ta patil bael ya me x'ac'ot cuxinuc sbajt'el q'uinal.

San Lucas 6:20

Te Jesús la yilbey sit te jnopojeletic yu'une, jich la yal: —Bin nax me awutsilic ja'ex te me'baexe, te melel ya me x'ochex tey a ta banti ay ta ajwalinel te Diose.

San Mateo 10:23

Te c'alal ya snutsex in lum to, ananic bael ta yan lum. Jamal ya calbeyex, ma to xnup' ta ilel awu'unic spisil a te lumetic yu'un israeletic te c'alal ya xtal te Nich'anile.

1 Juan 3:12

Ma me jichucotic te bit'il te Caine. Melel te bit'il u'uninot yu'un te pucuje, jich la smil te yijts'ine. ¿Bi yu'un te la smile? Yu'un lec yat'el la yil te yijts'ine. Yan stuquel, amen te yat'ele.

Hechos 8:1

Te Saulo lec yo'tan yu'un uuc te laj ta milel te Estebane. Jich ora jajch' ta uts'inel te jch'uunjeletic te ayic ta lum Jerusalene. Spisilic pujq'uic bael ta sq'uinal Judea soc ta sq'uinal Samaria. Ja' xanix jilic ta Jerusalén te jpuc-c'opetique.

Hechos 5:40

Spisil te mach'atic ayic ta tsobleje, c'ot ta yo'tanic. Jich la yiq'uic ochel te jpuc-c'opetique, soc la yalic mandal te ya yich'ic majele, soc la scomic te ma me xyalbeyic xan sc'oplal sbiil te Jesuse. Jich la scoltayic bael.

Isaías 66:5

Aiybeya awaiyic stojol sc'op te Cajwaltique, ja'ex te awich'ojbeyic ta muc' te sc'ope: —Te ja'exe ay alumalic nix te ya slab-o'tantayex soc ya yuts'inex, melel ya atabonic ta alel te jbiile. Jich ya yalic: “Ac'a yac' ta ilel yutsilal ta atojolic te Cajwaltique; ya jc'antic te binuc nax awo'tanic ya quiltique”, xiic. Ja'uc me to, ya xq'uexawic jilel.

San Mateo 19:14

La yal te Jesuse: —Ma me x'acomic. Ac'a taluc ta jtojol te alaletique, melel te mach'atic jich yo'tanic te bit'il in alaletic to, ja' me ya x'ochic ta banti ay ta ajwalinel te Dios te ay ta ch'ulchane —xi'.

San Marcos 10:14

C'alal la yil te Jesuse, ma lecuc la yaiy. Jich la yal: —Ac'a taluc ta jtojol te alaletique. Ma me x'acomic, melel te mach'a jich yo'tanic te bit'il in alaletic to, ja' me ya xju' ya yajwalinic te Diose.

San Lucas 22:29

Jich yu'un te jo'one ya me cac'beyex awat'elic ta ajwalil jich nix te bit'il yac'ojbon cat'el ta ajwalil te Jtate.

Santiago 5:11

Jich ay ta co'tantic te bin nax me yutsilic te mach'atic ya sts'ijc' yu'unic te swocolique. Jich bit'il Job, te awaiyojbeyic stojol sc'oplal te bit'il ts'ijc' yu'un te swocole, soc ana'ojic te bit'il c'ot ta loq'uel yu'un Cajwaltic ta patile. Melel te Cajwaltique bayal xc'uxul yo'tan soc ya sna' yo'bolil jbajtic stuquel.