San Mateo 4:9 - Bible in Tzeltal de Oxchuc y Tenejapa

⁹ Soc la yalbey: —Teme ya aquejan aba ta jtojol soc teme ya awich'on ta muq'ue, ya me cac'bat spisil in to —xi' te pucuje.

Nuevo Testamento Tzeltal de Amatenango

⁹ Y la yalbe: —Teme ya akejan aba ta jtojole ya me kaꞌbeyat spisil tsꞌin to —xchi te pukuje.

Bible in Tzeltal Bachajón

⁹ hich halbot yu'un: Spisil ya ca'bat ini teme yac aquejan aba ta jtojol soc teme yac ach'uhuntayone, xchi.

San Mateo 4:9 Referans Kwoze

2 Corintios 4:4

Melel te dios yu'un in balumilal to, sc'atp'unej ta ma'sit te mach'atic ma ba xch'uunejic te Diose. Jich ma xju' ya sna'ic stojol xujt'uc. Swenta yu'un jich ma xyilbeyic xojobil yutsilal te lec yach'il c'op yu'un te Cristoe, melel te Cristoe pajal yilel soc te Diose.

Apocalipsis 19:10

La jpajc'an jba ta yacan te ch'ul abate, yu'un c'an jlajin jba ta stojol. Ja'uc me to, jich la yalbon: —Ma me xapas jich. Melel te jo'one, yabaton uuc te Diose, jich te bit'ilate soc spisil awermanotac te jun yo'tanic ta xch'uunel te testigo-c'op la yal te Jesuse. Ja' me x'alajin aba ta stojol te Diose —la yuton. Melel te testigo-c'op la yal te Jesuse, ja'ix te ya x'at'ej ta yo'tanic te mach'atic j'alwanejetic yu'un te Diose.

San Juan 16:11

Te castigo yu'un mulil, ja' te ya yich' castigo te ajwalil yu'un te balumilale.

1 Timoteo 3:6

Te mach'a ya x'ac'bot yich' yat'ele ma me ja'uc te mach'a xch'uunbel to te Diose, teme repente ya xcaj stoy sba soc te yat'ele. Teme jiche, pajal me castigo ya yich' soc te pucuje.

Salmos 72:11

Ac'a tal squejan sbaic ta stojol spisil te muc' ajwaliletic. Ac'a yac' sbaic ta abatinel yu'un spisil te nacionetic.

Apocalipsis 19:16

Soc ay sbiil ts'ibubil ta bay te sc'u'e soc ta bay te ya'e: “Muc' Ajwalil yu'un te muc' ajwaliletique, Ajwalil yu'un te ajwaliletique”, xi' te sbiile.

San Juan 14:30

“Ma spasix te bayal bi ya calbeyex xane, melel jtalelix te ajwalil yu'un in balumilal to. Ma'yuc bi xju' yu'un te ya spasbon ta jtojole.

San Juan 12:31

Melel la staix yorail te ya x'ich'bot sc'op yu'un smulic te mach'atic ayic ta balumilale. Soc la staix yorail te ya xch'ojotix loq'uel uuc te ajwalil yu'un te balumilale.

San Mateo 26:15

Jich c'o yal: —¿Bila ya awac'bonic a teme ya cac'beyex ta ac'abic te Jesuse? —xi'. Jich la snopic te ya yac'beyic lajuneb xcha'winic (30) ta jsejp plata-taq'uin.

Daniel 4:32

Ya me awich' loq'uesel ta yolil te ants-winiquetic, ya me xbaat ta nainel soc chambalametic. Ya me alo' wamal jichuc wacax. Jich me ya x'ainat juqueb ja'wil tey a, ja' to me teme c'ot ta awo'tan te ay yip yu'el ta stojol spisil nacionetic ta balumilal te Dios mero toyole, soc te ja' stuquel te ya yac'bey yat'el ta ajwalil te mach'a ya sc'an ya yac' ochele —xi'.

Proverbios 8:15

Jo'on ta jwenta te ya xju' yu'unic mandalteswanej a te muc' ajwaliletique, soc te ya xchajbanic te leyetic yu'unic te jmandalteswanejetique.

San Mateo 4:10

Jesús la yalbey: —Baan, q'ueja aba, Satanás. Melel jich ts'ibubil ta Sjun Dios: “Ja' nax me x'awich' ta muc' te Cajwaltic te Diose, soc ja' nax me ya awac' aba ta abatinel ta stojol stuquel”, te xie —xi'.