San Mateo 4:3 - Bible in Tzeltal de Oxchuc y Tenejapa

³ Jich te pucuje tal yilbey yo'tan te Jesuse. Jich la yal: —Teme ja'at Snich'anat te Diose, albeya in tonetic to te ya xc'atp'uj ta waje —xi' te pucuje.

Nuevo Testamento Tzeltal de Amatenango

³ Jaꞌ yuꞌun te pukuje tal yilbe yoꞌtan te Jesuse. Jich a yal: —Teme jich awal te Xnichꞌanat te Diose, albeya i tonetik to te ya xkꞌajtaj ta waje —xchi te pukuje.

Bible in Tzeltal Bachajón

³ Tal ta stojol te jlo'loywanej, hich halbot yu'un: Teme ha'at Snich'anat Dios, hala te yacuc xc'atp'uj ta pan te tonetic ini, xchi.

San Mateo 4:3 Referans Kwoze

1 Tesalonicenses 3:5

Jich yu'un te bit'il ma sts'ijq'uix cu'un te jo'one, jich la jticunex ta ilel. Yu'un jich me ya caiy stojol teme ay to te xch'uunjel awo'tanique. Ja' la jmel co'tan yu'un teme ay bit'il la ach'uunic lo'layel yu'un te pucuje. Jich tojol ch'ay a te cat'el abi.

Apocalipsis 2:10

Ma me xiwat yu'un te bit'il ya xc'ax bayal awocole. Melel te pucuje ya me yaq'uex ta chucjibal swenta yu'un jich me ya yilbeyex awo'tanic ta apisilic. Tey me ya xc'ax awocolic lajuneb c'aal a. Ja'uc me to, junuc me awo'tan ta jtojol, manchuc teme ya xlajat tey a. Jich me ya cac'bat acorona swenta cuxlejal.

San Mateo 3:17

Soc ay mach'a c'opoj tel ta ch'ulchan: —Ja' in to, ja' te Jnich'an te bayal c'ux ta co'tane, bin nax co'tan yu'un —xi'.

Hebreos 12:16

Ma me ayuc jtuluquex te ya xyalex ta mulile, soc te ma'yuc sc'oplal ta awo'tanic te bila ch'ultesbile, jich bit'il Esaú te ma'yuc sc'oplal ta yo'tan te bit'il ba alale. Melel la sjel ta jun nax buelta swe'el te bendición te sc'oplal ya yich'e.

Éxodo 16:3

Jich la yalic: —¡Teyuc la smilotic a te Cajwaltic ta Egipto! Tey joinejtic ta naclej te yoxmal jti'baltic, we'otic ta lec ja' to c'alal la sc'an co'tantic. Yan te ja'exe la awic'otic tel yu'un ya amilotic ta wi'nal jpisiltic ta jochol taquin q'uinal —xiic.

Hechos 9:20

Te Saulo ta ora nax jajch' ta yalel ta bay sinagogaetic te ja' Snich'an Dios te Jesuse.

San Lucas 4:9

Soc ic'ot xan bael yu'un te pucuje ta bay lum Jerusalén. Jich c'o tejc'anotuc yu'un ta bay jol templo te Jesuse. Jich la yal te pucuje: —Teme ja'at Snich'anat te Diose, ch'oja aba coel li'to.

San Lucas 4:3

Te pucuje jich albot yu'un: —Teme ja'at Snich'anat te Diose, albeya te ya xc'atp'uj ta waj te ton in to —xi' te pucuje.

San Mateo 14:33

Jich te mach'atic ayic ta barcoe la squejan sbaic ta stojol te Jesuse. Jich la yalic: —Melel nix a te ja'at Snich'anat te Diose —xiic.

San Mateo 16:16

La yal te Simón Pedroe: —Ja'at Cristoat te Snich'anat te cuxul Diose —xi'.

San Mateo 26:63

Ja'uc me to, te Jesuse jp'al ma c'opoj. Jich yu'un te muc' sacerdote la yalbey xan: —Ya me awal ta melel ta stojol te cuxul Dios teme ja'at Cristoat te Snich'anat te Diose —la yut.

San Marcos 1:1

Ja' xjajch'ibal te lec yach'il c'op yu'un Jesucristo te [Snich'an te Diose.]

San Marcos 3:11

Te pucujetic te ochem ta yo'tan te ants-winiquetique, ora la squejan sbaic ta stojol te c'alal la yilic te Jesuse. Cajic ta aw: —Ja'at Snich'anat te Diose —xiic.

San Marcos 5:7

Jich la yal ta aw: —Jesús, ¿bistuc tal awochintayon ja'at te Snich'anat te Ch'ul Dios te ay ta ch'ulchane? Ya calbat wocol ta stojol Dios: Ma me xawuts'inon —xi' ta aw.

San Lucas 1:35

Jich la yal te ch'ul abate: —Ya xjul ta awenta te Ch'ul Espiritue. Ya me yaxintesat ta yu'el te Ch'ul Dios te mero toyol aye. Jich te ch'ul alal ya x'ayin awu'une, Snich'an Dios ya xc'ot te sbiile.

San Lucas 4:41

Soc loc' pucujetic ta yo'tanic tsobol ta jtul te mach'atic ayic ta chamele. Awun te pucujetique: —Ja'at Snich'anat te Diose —xiic ta aw. Te Jesús la scom ta c'op te pucujetique, yu'un sna'ojic te ja'ix te Cristoe.

San Lucas 22:70

Spisilic la sjojc'obeyic: —¿Yu'un bal ja'at Snich'anat te Diose? —la yutic. La yal te Jesuse: —Jichon te bit'il la awalique —xi'.

San Juan 1:34

Jich la quil te jo'one. Jo'on testigoon yu'un te ja' Snich'an Dios stuquele —xi' te Juane.

San Juan 1:49

Te Natanael la yal: —Maestro, ja'at Snich'anat te Diose, soc ja'at muc' ajwalilat yu'un te lum Israele —xi'.

San Juan 9:35

La yaiy stojol Jesús te la sloq'uesiquix te mach'a ma'sit ta neelale. La sta sba soc te winique. Jich la yalbey: —¿Ya bal ach'uun te Snich'an Diose? —xi'.

San Juan 20:31

Ja' nax la yich' sts'ibuyel sc'oplal in yipal señaetic to, swenta yu'un jich me ya xch'uun awo'tanic te ja' Cristo soc Snich'an Dios te Jesuse, swenta yu'un, teme ya xch'uun awo'tanique, jich me ya xcuxinex ta swenta te Jesuse.

2 Corintios 1:19

Melel te Snich'an Diose, ja' te Jesucristoe, te la jcholbeyex sc'oplal ta atojolic te jo'on soc te Silvano soc te Timoteoe, ma'yuc banti xtal xbajt' nax te bila ya yale, teme ya xju' o ma xju'.

Gálatas 2:20

Jich pajal lajemon soc ta cruz te Cristoe. Cuxulon ts'iin, ja'uc me to, ma jo'oconix te cuxulone. Ja' cuxulix ta co'tan te Cristoe. In te bit'il cuxulon to ta q'uinal soc te jbaq'uetale, ja' cuxulon yu'un te xch'uunjel co'tan ta swenta te Snich'an Diose, ja' te mach'a c'ux la yaiyon ta yo'tan soc te la yac' sba ta lajel ta jwentae.

Hebreos 4:14

Te Jesús, te Snich'an Diose, ja' mero Muc' Sacerdote cu'untic te ochemix bael ta bay ay te Diose. Jich yu'un ma me xquijq'uitaytic te bila yacotic ta xch'uunele.

Hebreos 7:3

Ma'yuc banti nacal ta jun sbiil te sme'-state soc te antiguo sme'-state. Ma chicanuc xjajch'ibal soc slajibal te xcuxlejale, jich pajal soc te Snich'an Diose. Sbajt'el q'uinal ay ta sacerdoteil stuquel.

1 Juan 3:8

Yan te mach'a yat'elinej sleel te smule, ja' yu'un te pucuje. Melel te pucuje stalel yat'elinej sleel smul ta xjajch'ibal to tel. Melel ja' swentail te xtaluc ta balumilal te Snich'an Diose, yu'un tal slajinbey sc'oplal te bila yat'elinej spasel te pucuje.