San Mateo 4:24 - Bible in Tzeltal de Oxchuc y Tenejapa24 Pujc' sc'oplal ta spamal sq'uinal Siria te Jesuse. La yiq'uic tel ta stojol Jesús spisil te mach'atic ayic ta chamele, chican bila chameliluc te yich'ojique soc chican te bila toyol xc'uxul ya yaiyic ta sbaq'uetalique. Ay mach'atic ay pucuj ta yo'tanic, soc ay mach'atic ayic ta tujp'ul ic', soc ay mach'atic lajem xchial te yoc sc'abique. Spisil lecub yu'un te Jesuse. Gade chapit laNuevo Testamento Tzeltal de Amatenango24 Pujk skꞌoplal te Jesuse ta spꞌejel estado yuꞌun Siria. La yikꞌtalanik tal ta skuenta te jayeb machꞌatik ayik ta chamele, chikan te tutikuk chamelil te kꞌux ya yaꞌiy ta stiꞌbalulike. Ay machꞌatik ochem pukuj ta yoꞌtanik sok ay machꞌatik staoj tupꞌtupꞌ-ikꞌal sok ay machꞌatik kꞌolbil yok-skꞌabik te la slekuteslan te Jesuse. Gade chapit laBible in Tzeltal Bachajón24 Puhc sc'oblal ta spisil sq'uinal Siria; la yiq'uic tal ta stojol spisil mach'atic ay banti c'ux ya ya'iyic soc te yich'ojic bayel ta chahp chamel soc te bayel swocolic, soc te mach'atic ay pucuj ta yo'tanic, te mach'atic ya xtup' yiq'uic, soc mach'atic chamen schihalic; la slecubteslan te Jesús. Gade chapit la |
San Mateo 4:24
41 Referans Kwoze
Melel awaiyojbey stojol sc'oplal te Jesús te talem ta lum Nazarete. Dios la yac'bey yu'el ta swenta te Ch'ul Espíritu te la yac'bey yiq'ue. Jich bayuc been ta scoltayel te ants-winiquetic soc ta slamantesel spisil te mach'atic ay swocolic ta uts'inel yu'un te pucuje. Jich ju' yu'un spasel, melel sjoinej te Diose.
Been ta spamal sq'uinal Galilea te Jesuse. La yaiy p'ijubteswanej ta sinagogaetic te banti c'ax ta beele. Soc la xcholbey yaiyic te lec yach'il c'op yu'un te bit'il ay ta ajwalinel te Diose. Soc la slamantesbey spisil te bitic chamelil te ay ta sbaq'uetalic te ants-winiquetique soc spisil ta jchajp te bila c'ux ta aiyele.
Jich la yal: —Teme jun awo'tanic ya awaiybonic stojol te bila ya cal te jo'on Ajwalilon te Dioson awu'unique, soc teme ya apasic te bila lec co'tan yu'une, teme ya ach'uunic te mandaliletic cu'une, soc teme ya ac'otes ta pasel te bila ya yal te mandaliletic cu'une, ma'yuc bi ora ya xtal tulan chamel ta atojolic te bit'il la cac'bey te egipcioetique, melel jo'on te Ajwalilon te ya jlamantesbeyex achamelique —xi' te Cajwaltique.
Te antsil-ajwalil yu'un Sabá la yaiybey yutsil sc'oplal ta alel te Salomón te ju'em yu'un swenta yich'jibal ta muc' te Cajwaltique. Jich bajt' ta Jerusalén swenta yu'un ay bitic wocol ta na'el ba sjojc'obey swenta prueba. Te c'alal c'ot ta Jerusalén, jchajp ta ilel st'ujbilal soc a te sbiluque, soc camelloetic te scuchojic perfumeetic, bayal oro soc t'ujbil tonetic. C'alal c'ot ta stojol te Salomón, la sjojc'obey te jayeb bitic snopoj ta yo'tane.
Te Jesús la yocliy spisil te muc'ul lumetique soc te ch'in lumetique. La yaiy p'ijubteswanej ta sinagogaetic ta juju-jpam lum. La xcholbey yaiyic te lec yach'il c'op te bit'il ay ta ajwalinel te Dios te ay ta ch'ulchane. Soc la slamantesbey biluc nax chameliluc te ay ta sbaq'uetalique, soc spisil ta jchajp te bila ay xc'uxule.
Ta spisil co'tan la cat'elin xchajbanel te bitic ya xtuun ta pasel a te templo yu'un te Dios cu'une, jich bit'il te oro, plata, bronce, hierro soc te te'etic, chican te bitic ya sc'an pasel juju-jchajpe, soc cornalina, t'ujbil tonetic te ya yich' labele, te bitic ya xtuun ta mezcla, ch'in lequil-tonetic te ya yich' pasel mosaico a, spisil ta jchajp te t'ujbil tonetic soc te alabastro-ton te mero bayale.
Piblisite