San Mateo 4:22 - Bible in Tzeltal de Oxchuc y Tenejapa

²² Ta ora nax la yijq'uitayic jilel te sbarcoique soc te statique. La sts'aclinic bael te Jesuse.

Nuevo Testamento Tzeltal de Amatenango

²² Ora nax a sjilesik te sbarkoike y sok te statike. La soyinik bael te Jesuse.

Bible in Tzeltal Bachajón

²² Ora la yihquitayic hilel te barco soc te statique, la st'unic bahel te Jesús.

San Mateo 4:22 Referans Kwoze

San Mateo 10:37

“Ja' te mach'a c'ax jich c'ux ya yaiy ta yo'tan sme'-stat te bit'il c'ux ya yaiyone, ma snujp'in te ja' cu'un ya xc'ote. Soc te mach'a ja' c'ax c'ux ya yaiy ta yo'tan yal-snich'an te bit'il c'ux ya yaiyone, ma snujp'in te ja' cu'un ya xc'ote.

San Lucas 14:26

—Te mach'a ya xtal ta jtojole, teme ma c'axuc jich c'uxon ta yo'tan a te bit'il te state, te sme'e, te yiname, te snich'nabe, te sbanquiltaque, te xwixitaque, te yijts'inabe, soc uuc te xcuxlejal ta q'uinale, ma xju' te jnopojel ya xc'ot cu'une.

San Marcos 1:20

Te Jesús ora la yic' tel xchebal. Jich la yijq'uitayic jilel te sbarcoique, te yaj'at'elique soc te statique, ja' te Zebedeoe. La sts'aclinic bael te Jesuse.

2 Corintios 5:16

Jich yu'un, te jo'otique ma jichuc jnopojtic te bit'il ay te yantique, jich te bit'il ya yalic te mach'atic ayic ta balumilale. Manchuc teme jich jnopojbeytic sc'oplal Cristo jich te bit'il ya yalique, ta ora to ma jichuc c'oemix ta co'tantic te bit'il ya yalique.

San Lucas 14:33

Ja' nanix jich te ja'exe, teme ma xawijq'uitay ta awo'tanic spisil te bila ay awu'unique, ma xju' te jnopojel ya xc'oex cu'une.

San Mateo 4:21

C'ax xan bael jtebuc te Jesuse. Tey la yil yan cheb winiquetic te yermano sbaique, ja' te Jacobo soc Juan te snich'nab Zebedeoe. Ayic ta barco soc te statique. Yacalic ta stsaquel te xchojaq'uil stsacjibal-xchayique. La yic' te Jesuse.

San Mateo 4:23

Been ta spamal sq'uinal Galilea te Jesuse. La yaiy p'ijubteswanej ta sinagogaetic te banti c'ax ta beele. Soc la xcholbey yaiyic te lec yach'il c'op yu'un te bit'il ay ta ajwalinel te Diose. Soc la slamantesbey spisil te bitic chamelil te ay ta sbaq'uetalic te ants-winiquetique soc spisil ta jchajp te bila c'ux ta aiyele.

San Lucas 5:11

C'alal loq'uic tel ta ti'ja' soc te sbarcoique, la yijq'uitayic jilel spisil te bila ay yu'unique. La sts'aclinic bael te Jesuse.