San Mateo 4:2 - Bible in Tzeltal de Oxchuc y Tenejapa

² Te c'alal la spas ayuno cha'winic c'aal soc cha'winic ajc'ubal te Jesuse, la yaiy wi'nal.

Nuevo Testamento Tzeltal de Amatenango

² Te Jesuse maꞌ weꞌ kuarenta kꞌaal y kuarenta akꞌubal, y beno wiꞌnaj.

Bible in Tzeltal Bachajón

² Ta patil te la scom swe'el cha'winic (40) c'ahc'al soc cha'winic ahc'abal, wi'naj.

San Mateo 4:2 Referans Kwoze

Deuteronomio 9:18

Patil la jtinan jba coel c'alal ta lum ta stojol te Cajwaltique, jich nix te bit'il la jpas ta neelal toe. Cha'winic (40) c'aal soc cha'winic (40) ajc'ubal ma'yuc bi la jwe'elin. Jich la jpas ta scaj te mulil la apasique. Jich la awuts'inbeyic yo'tan te Cajwaltique, soc la awac' ilinuc ta atojolic.

1 Reyes 19:8

Te Elías jajch', och ta we'el ta uch'ajel. Te we'elil ac'bot yip yu'un, been cha'winic (40) c'aal soc cha'winic (40) ajc'ubal, ja' to c'ot c'alal ta Horeb, ja' te wits yu'un te Diose.

Éxodo 34:28

Te Moisés la sjoin te Cajwaltic cha'winic c'aal soc cha'winic ajc'ubal. Mero ma ba we', soc ma'yuc bi la yuch' tey a. La sts'ibuy tey a ta pejch'el tonetic te c'opetic yu'un te trato, ja' te lajuneb mandaliletique.

San Lucas 4:2

Tey ain cha'winic c'aal a, soc tal ta ilel yo'tan yu'un te pucuje. Xujt' ma ba we' te jich yipal c'aal tey ae. Patil la yaiy wi'nal.

Deuteronomio 9:9

Te jo'one moon bael ta wits, ja' ba quich' tel te cha'pejch' tonetic, ja' te pejch'el tonetic yu'un te trato la spas ta atojolic te Cajwaltique. Tey jalajon cha'winic (40) c'aal soc cha'winic (40) ajc'ubal a, xujt' ma ba we'on.

Deuteronomio 9:25

Te bi ora la yal te Cajwaltic te jc'axel ya slajinexe, la jtinan jba coel c'alal ta lum ta stojol Cajwaltic cha'winic (40) c'aal soc cha'winic (40) ajc'ubal.

Éxodo 24:18

Och bael Moisés ta yolil te tocale, mo xan bael ta wits. Tey jalaj cha'winic c'aal soc cha'winic ajc'ubal a.

San Juan 4:6

Ta sq'uinal Jacob tey ay a te pozo spasoje. Te bit'il luben ta beel te Jesuse, jich la snajc'an sba tey a ta bay te pozoe. Nopol staix olil c'aal a.

San Marcos 11:12

Ta sacubel q'uinal loq'uic bael ta Betania. Ay ta wi'nal te Jesuse.

Deuteronomio 18:18

Jo'on me ya cac' chicnajuc ta yolilic j'alwanej yu'unic, jich bit'il te ja'ate. Te ya cac' chicnajuque, ja' ni me jtul te slumalique. Ya me x'albotic yu'un te bila ya calbey. Ja' me ya sc'asesbey yaiyic te bila ya calbeye.

San Mateo 21:18

Ta sacubel q'uinal sujt' xan bael ta muc'ul lum te Jesuse, ay ta wi'nal.

San Mateo 25:35

Melel te c'alal ayon ta wi'nale, la amac'linon. Soc te c'alal ay taquinti'il la caiye, la awac'bon ja' cuch'. Soc te q'uejel talemon la awile, la awic'on ochel ta ana.

San Mateo 25:42

Melel te bit'il ayon ta wi'nal la awile, ma la awac'bon jwe'el. Soc te bit'il ayon ta taquinti'il la awile, ma la awac'bon ja' cuch'.