San Mateo 4:17 - Bible in Tzeltal de Oxchuc y Tenejapa

¹⁷ Jich yorail te Jesús jajch' yal ta bayuc ta stojol ants-winiquetic te lec yach'il c'op yu'un te jcoleltique. Jich la yal: —Sujt'esa awo'tanic ta stojol te Diose, yu'un nopol ya xjajch'ix ta ajwalinel te Dios ta ch'ulchane —xi' te Jesuse.

Nuevo Testamento Tzeltal de Amatenango

¹⁷ Jaꞌix yorail a te Jesuse lijk yal ta bayuk nax ta skuenta te genteetike te lek yachꞌil kꞌop yuꞌun te jkoleltike. Jich a yal: —Sujtesa awoꞌtanik yuꞌun te amulike yuꞌun ya xlijkix ta pasaw ta mantal te Diose —xchi te Jesuse.

Bible in Tzeltal Bachajón

¹⁷ Ta hich ora hahch ta yalel sc'op Dios te Jesús, hich la yal: Suhtesa awo'tanic, como nopolix yorahil te cuentahinel yu'un te ch'ulchane, xchi.

San Mateo 4:17 Referans Kwoze

San Mateo 3:2

Tey jajch' yalbey ta stojol spisil te ants-winiquetique: —Sujt'esa awo'tanic ta stojol te Diose, yu'un nopol ya xjajch'ix te bit'il ay ta ajwalinel te Diose —xi' te Juane.

Hechos 2:38

La yal te Pedroe: —Sujt'esa awo'tanic ta stojol Dios, soc ac'a abaic ta ich'ja' juju-jtulex ta swenta sbiil te Jesucristoe. Jich me ya spasbeyex perdón yu'un te amulique, soc jich me ya yac'beyex te Ch'ul Espiritue.

San Lucas 5:32

Melel ma ja'uc tal quic' te mach'atic tojique. Ja' tal quic' te jmulawiletic te ya sujt'es yo'tanic ta stojol te Diose —xi'.

San Lucas 24:47

Soc ja' ta swenta te ya yich' alel ta bay chajbalchajp nacionetic te ya sujt'es yo'tanic yu'un te smulique, swenta yu'un jich me ya spasbotic perdón yu'un. Tey me neel ya xjajch' ta alel ta bay Jerusalén.

Hechos 17:30

Te Diose, ma'yuc bila la yal yu'un te jich yipal c'aal ayiquix tel te ants-winiquetic te bit'il ma la sna'ic stojole. Yan ta ora to, ya spasix ta mandal spisil ants-winiquetic ta bayuc te ya sujt'es yo'tanique.

San Mateo 9:13

Baan, nopaic te bi ya yal te Sjun Diose: “Ja' ya jc'an te ya awaiyic c'uxtaywaneje. Ma ja'uc ya jc'an te milbil majt'anile”, te xie. Melel ma ja'uc tal quic' te mach'atic tojique. Ja' tal quic' te jmulawiletic te ya sujt'es yo'tanic ta stojol te Diose —xi' te Jesuse.

Hechos 26:20

Ja' sbabial la cal ta lum Damasco, soc ta patil ta lum Jerusalén, soc ta spamal sq'uinal Judea, soc ta stojol te jyanlumetique. La calbey te ya sc'an te ya yijq'uitayic te smulique, soc te ya sujt'es yo'tanic ta stojol te Diose, soc te ya sc'an xyanaj xcuxlejalic ta stojol te Diose, soc te ya sc'an ya xchicnaj ta yat'elic te bit'il sujt'emix yo'tanic ta melele.

San Lucas 15:7

Jich yu'un ya calbeyex, te c'ax jich ay sbujts' yo'tanic te mach'atic ayic ta ch'ulchan te c'alal ya sujt'es yo'tan yu'un smul te jtul jmulawil, te bit'il balunlajuneb yo'winic (99) ta jtul te toj yo'tanic ta stojol Dios, te ma yejt'aluc ya sujt'es yo'tanic yu'un te smulique.

Hechos 3:19

Jich yu'un sujt'esa awo'tanic ta stojol te Diose, soc ch'uunaic. Jich me ya stup'beyex te amulique. Jich me ya sta yorail te ya yac'beyex xan yip awo'tanic te Diose

San Lucas 15:10

Ya calbeyex te jich nix bin nax yo'tanic te ch'ul abatetic yu'un Dios ta ch'ulchan teme ya sujt'es yo'tan yu'un smul te jtul jmulawile —xi' te Jesuse.

Hechos 20:21

Jamal la calbey yaiy te judioetique soc te jyanlumetique, te ya sc'an ya sujt'es yo'tanic ta stojol Dios soc te ya yac' xch'uunjel yo'tanic ta stojol te Cajwaltic Jesucristoe.

Hebreos 6:1

Jich yu'un ac'a me cantaytic te bit'il ya xju' cu'untic te muc'ul ants-winic ya xc'ootique. Ya sc'an ya to quijq'uitaytic te xjajch'ibal te bit'il ay ta nopel sc'oplal te Cristoe. Ma me ja'uc nax ya jnopilaytic te xjajch'ibale: Jich bit'il ya sc'an ya sujt'es co'tantic yu'un cat'eltic te ya yac'otic ta lajele, soc te bit'il ya sc'an ya cac'tic xch'uunjel co'tantic ta stojol te Diose,

Hechos 11:18

Te c'alal la yaiyic stojol spisil in to te mach'atic la stijic ta c'op te Pedroe, ch'abic ta c'op yu'un soc la yalbeyic jelawen yutsil sc'oplal te Diose. Jich la yalic: —¡Dios la yac'beyix sujt'es yo'tanic yu'un smulic te jyanlumetique, swenta yu'un jich me ya xcuxinic sbajt'el q'uinal uuc! —xiic yu'un.

San Mateo 25:1

Soc la yal xan te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te ay lajuntul tec'tojom ach'ixetic te la yich'ic bael sc'ajq'uic te ba staic tel te winic ya xnujbine.

San Mateo 13:47

“Soc te bit'il ay ta ajwalinel te Dios te ay ta ch'ulchane, ja' pajal c'oem soc te muc'ul stsacjibal-chay te ya stsob tel spisil ta jchajp te chayetique.

San Mateo 10:7

Jich me xawalic ta xcholel: “Nopol ya xjajch'ix ta ajwalinel te Dios te ay ta ch'ulchane”, xaex me.

San Lucas 9:2

La sticun bael ta xcholel te bit'il ay ta ajwalinel te Diose soc ta slamantesel jchameletic.

San Mateo 11:12

“Te c'alal tal te Juan J'ac'-ich'ja'e ja' to ta ora to, jajch' ta controinel yu'un te bit'il ay ta ajwalinel te Dios te ay ta ch'ulchane. In te mach'atic yich'oj sbaic ta muc' soc te yipique, yo'tanuc ya yu'uninic.

San Mateo 13:24

Jesús la yal yan seña-c'op. Jich la yal: —Te bit'il ay ta ajwalinel te Dios te ay ta ch'ulchane, jich c'oem te bit'il la sts'un lequil awalil ta sq'uinal te jtul winique.

San Mateo 13:9

Te mach'a ay xchiquine, ac'a me yaiy stojol ta lec —xi' te Jesuse.

San Mateo 13:11

Te Jesús la yalbey yaiyic: —Te ja'exe Dios ya yac'beyex ana'ic stojol te bit'il ay ta ajwalinel te Dios te ay ta ch'ulchan te ma'yuc ta na'el ta neelal toe. Yan te yantique, ma x'ac'bot sna'ic stojol stuquelic.

San Mateo 6:10

Ac'a c'otuquix yorail te ya awich' ajwalinele. Ac'a pasuc sc'anjel awo'tan ta balumilal, jich bit'il te yac ta pasel ta ch'ulchane.

San Lucas 3:23

C'alal ayix lajuneb xcha'winic (30) ja'wil ya'wilal a te Jesuse, jajch' ta at'el. Cuybil te ja' snich'an te José, te jich ay moel ta cumulcum te sts'umbale: