San Mateo 4:10 - Bible in Tzeltal de Oxchuc y Tenejapa

¹⁰ Jesús la yalbey: —Baan, q'ueja aba, Satanás. Melel jich ts'ibubil ta Sjun Dios: “Ja' nax me x'awich' ta muc' te Cajwaltic te Diose, soc ja' nax me ya awac' aba ta abatinel ta stojol stuquel”, te xie —xi'.

Nuevo Testamento Tzeltal de Amatenango

¹⁰ La yal te Jesuse: —Baan, kꞌeja aba Satanas. Jich tsꞌibabil: “Jaꞌ nax me ya akejan aba ta stojol te Kajwaltik Dios awuꞌune sok jaꞌ nax me ya awakꞌ aba ta abatinel ta skuenta stukel”, xchi me —xchi.

Bible in Tzeltal Bachajón

¹⁰ La yal te Jesús: Loc'an, Satanás, como hich ts'ihbabil: Ha nax me xach'uhuntay soc ha nax me xawac' aba ta a'batinel yu'un te Cajwaltic te Dios awu'un, la yut.

San Mateo 4:10 Referans Kwoze

Deuteronomio 10:20

“Ich'aic ta muc' te Cajwaltic te Dios cu'untique, ch'uunaic ta mero stuquel nax, junuc me awo'tanic ta stojol. Teme ay bila jc'axel ya awalique, ja' me xachapic ta swenta stuquel.

Josué 24:14

—Ja' yu'un ya calbeyex, ich'aic ta muc' te Cajwaltique, soc ac'a abaic ta abatinel ta stojol soc yutsil awo'tanic ta mero melel. Ijq'uitayaic te diosetic yu'un te antiguo ame'-atatic, te la xch'uunic ta ti'ti'ja' Éufrates soc ta sq'uinal Egipto. Ja' xawac' abaic ta abatinel ta stojol te Cajwaltique.

San Lucas 4:8

Te Jesús jich la yalbey: —Loc'an ta jtojol, Satanás, melel jich ya yal te Sc'op Dios ts'ibubil jilele: “Ja' nax me ya aquejan aba ta stojol te Cajwaltic Diose, soc ja' nax me ya awac' aba ta abatinel ta stojol stuquel”, te xie —xi'.

1 Samuel 7:3

Ja' yu'un te Samuel jich la yalbey te israeletic: —Teme mero spisil awo'tanic ya sujt'ex ta stojol te Cajwaltic, ya me sc'an jiche te ya ach'ojic loq'uel te diosetic yu'un jyanlumetic soc te loc'ombaetic yu'un Astarté te awich'ojique. Ja' xan meix ya sc'an ya awac' yabatinbeyex acuxlejalic te Cajwaltic, ja' nax ya sc'an ya ach'uunic. Jich to me ya scoltayex loq'uel ta sc'ab te filisteoetic te Cajwaltique —xi'.

Santiago 4:7

Jich yu'un, ac'a abaic ta sc'ab te Diose. Pasaic ta contro te pucuje, jich me ya yijq'uitayat jilel.

1 Pedro 5:9

Aiyaic me tsalaw ta swenta te xch'uunjel awo'tanique. Na'aic me te jich nix yac ta c'oel ta pasel ta stojol te quermanotactic te ayic ta spamal balumilale.

San Mateo 16:23

Te Jesús la sujt'es sba sc'opon te Pedroe: —¡Q'ueja aba ta jtojol, Satanás! Ja'at jcojch'inwanejat. Ma'yuc ta awo'tan te bila ya sc'an yo'tan te Diose. Ja' nax ay ta awo'tan te bila ya sc'an yo'tan te ants-winiquetique —la yut.

Job 2:1

C'alal c'ot sc'aalelal te ya stejc'an sbaic ta stojol Cajwaltic te abatetic yu'un ta ch'ulchan, c'o stejc'an sba uuc te Satanase.

Job 1:12

Te Cajwaltic jich la yalbey te Satanase: —Lec ay jiche, pasa spisil te bila ya sc'an awo'tan ta stojol te sbiluc te Job, pero ma me ayuc bila amen xapasbey stuquel —la yut. Jich te Satanás loc' bael ta stojol te Cajwaltique.

1 Crónicas 21:1

Te Satanás jajch' ta scontroinel te israeletic, la stijbey yo'tan te David te ya yac' ta censo te Israel.

Job 1:6

Ay jun c'aal te la sta yorail te ba stejc'an sbaic ta stojol Cajwaltic spisilic te abatetic yu'un te ayic ta ch'ulchane. Tey c'ot uuc a te Satanase.

Salmos 109:6

Ac'beya ta sc'ab jtul juez te amen yo'tane; ja' nix me ac'a c'otuc ta lajel yu'un te mach'a teq'uel ta c'op yu'une.

Éxodo 23:25

Ja' nax me xaquejan abaic ta jtojol jo'on te Ajwalilon te Dioson awu'unique, melel ja' ya cac'bat bendición yu'un awe'el soc te ja' ya awuch'ique. “Ma xcac' xnoptsaj chamel ta atojol.

Isaías 30:22

Soc ya me awilay te loc'ombaetic te apasoj ta plata, soc te apotsoj ta oro, jichuc me ya xc'ot ta asitic te bila mero c'ax bolobene. Ya me ach'oj bael, bolobuc sc'oplal awu'un, jich me ya xc'ot ta awo'tan te bila amene.

San Marcos 1:13

Cha'winic c'aal ilbot yo'tan tey a yu'un te Satanase. Te Jesús ja' nax sjoinej tey a te ja'mal chambalametique, soc tal yac' sbaic ta abatinel yu'un te ch'ul abatetique.

San Lucas 10:18

La yal te Jesuse: —Jich na'ax, melel yacon ta yilel te ch'ay coel tel ta ch'ulchan te Satanase. Jich la quil te bit'il xlememet ya xco tel te chawuque.

San Lucas 11:18

Ja' nanix jich te Satanase teme ya xjajch' xat sbaique, ¿bit'il c'an jalajuc ta at'el soc te yu'ele? Te bit'il jich ya calbeyexe, ja' yu'un te ya awalbonic te yacon ta sloq'uesel pucuj ta swenta yu'el Beelzebú.

San Lucas 13:16

¿Ja' xan in ants to te sts'umbal Abraham te ayix waxaclajuneb (18) ja'wil te chucbil yu'un te Satanase? ¿Ma bal lecuc te la yich' coltayel uuc ta sc'aalelal te cux-o'tane? —la yut.

San Lucas 22:3

Ja'uc me to, och Satanás ta yo'tan te Judas te Iscariote yan sbiile, te ja' jtul ta slajchaytululic te jnopojeletique.

San Lucas 22:31

“Simón, Simón, aiya awaiy stojol. C'anbilatix yu'un te Satanase, yu'un ya xchijch'anat jich bit'il trigo.

San Juan 13:27

C'alal la stsac te Judase, och Satanás ta yo'tan ta ora. Te Jesús la yalbey: —Te bila ya apase, pasa me ta ora —la yut.

Hechos 5:3

Te Pedro caj yalbey: —Ananías, ¿bi yu'un te Satanás la snojesbat awo'tan ta spasel ta lot te Ch'ul Espíritu te bit'il la awijq'uitay jilel olil te stojol aq'uinale?

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

1 Corintios 5:5

Jich me ya awaq'uic ta sc'ab Satanás te winique, swenta yu'un ya me xc'ax swocol ta sbaq'uetal. Jich me ya xcol xch'ulel te c'alal ya xtal te Cajwaltique.

1 Corintios 7:5

Ma me wocoluc xawac'bey abaic. Ja' nax teme ay ya achap ac'opic ta achebalic te jayeb c'aal te ma ba ya ac'opon abaique, swenta yu'un jich me ya awat'elinic sc'oponel te Diose. Teme loq'uix te jich yipal c'aal te la achapique, joina me abaic ts'iin, swenta yu'un ma me teyuc ya xlajex ta lo'layel yu'un a te Satanás, te bit'il ma xju'ix awu'unic te ya acom abaique.

2 Corintios 2:11

Swenta yu'un jich ma ba ya stsalotic tey a te Satanase, melel quilojtic te bayal smaña stuquele.

2 Corintios 11:14

Tojol teme q'uejel nax q'uinal ya caiytic yu'un te bila ya spasique, melel jich uuc te Satanase, ya scuy sba ta ch'ul abat yu'un saquil q'uinal.

2 Corintios 12:7

Te bila ac'boton jna' stojole jelawen nax yutsilal stuquel. Ja'uc me to, swenta yu'un ma me jtoy jba yu'un, jich ac'boton te bila c'ux ta jbaq'uetal te pajal soc muc'ul ch'ix te ts'apal ta jbaq'uetal ya caiye. Ja' yat'ejib Satanás te la yejch'entesone.