San Mateo 4:1 - Bible in Tzeltal de Oxchuc y Tenejapa

¹ Te Jesús ic'ot bael ta jochol taquin q'uinal yu'un te Espiritue, swenta yu'un ya x'ilbot yo'tan yu'un te pucuje.

Nuevo Testamento Tzeltal de Amatenango

¹ Te Jesuse ikꞌot bael ta tꞌantꞌan kꞌinal yuꞌun te Espiritue, yuꞌun ya xꞌilbot yoꞌtan yuꞌun te pukuje.

Bible in Tzeltal Bachajón

¹ Te Jesús ic'ot bahel yu'un te Espíritu ta jochol taquin q'uinal scuenta yu'un tey ya xbaht ta tsajel yu'un a te pucuje.

San Mateo 4:1 Referans Kwoze

Hebreos 2:18

In te bit'il c'ax swocol yu'un ta ilel yo'tane, ta ora to ya xju' yu'un ya scoltay te mach'atic ayic ta ilel yo'tanique.

Romanos 8:14

Spisil mach'a ja' j'ic'wanej yu'unic te Espíritu yu'un te Diose, ja' alnich'anetic yu'un Dios abi.

Ezequiel 43:5

Te yip yu'el Dios, la slicon jajch'el, la yic'on bael ta amac' ta yutil, nojel ta xojobil yutsilal Dios la quil te mero temploe.

San Juan 14:30

“Ma spasix te bayal bi ya calbeyex xane, melel jtalelix te ajwalil yu'un in balumilal to. Ma'yuc bi xju' yu'un te ya spasbon ta jtojole.

Ezequiel 3:14

Te yip yu'el te Dios la sjachon jajch'el, la sloq'ueson tey a. Pero yacon ta mel-o'tan bael, soc jchajp la caiy a te co'tane, pero te Cajwaltic tulan la stsacon ta sc'ab.

Hechos 8:39

Te c'alal loq'uic tel ta ja'e, ora nax ic'ot bael te Felipe yu'un te Espíritu yu'un te Cajwaltique. Jich te winique, ma la yilbey xan sit, ja'uc me to, bayal sbujts' yo'tan te cha'jajch' xan ta beele.

Ezequiel 3:12

Te yip yu'el te Diose la sjachon jajch'el. Ta jpat la caiy ay chicnaj buen tulan c'op te jich la yal: —¡Albeya yutsilal te Cajwaltic te ay ta ch'ulchane! —xi'.

1 Reyes 18:12

Te bi ya xc'ot ta pasele: ja' teme la quijq'uitayat jilel, te espíritu yu'un te Cajwaltic ya me yic'at bael te banti ma jna'e. Te c'alal ya xba calbey yaiy te Acab, teme ma ba ya staate, jich me ya smilon awu'un. Te jo'on awabaton, c'alal to ta jqueremil spisil ora quich'oj ta muc' te Cajwaltique.

2 Reyes 2:16

jich la yalbeyic: —Ilawil, li' ayic ta coliltic te abatetic awu'un, ay lajuneb yoxwinic (50) te mero ay yip yo'tanique. Ac'a bael te ya xba slebat te maestro awu'une, teme repente ja' te espíritu yu'un Dios la slic jajch'el, la xch'oj bael ta ba wits, o ta stenlej xatal q'uinal —xiic. Pero albotic yu'un te Eliseo: —Ma'uc, ma'yuc mach'a x'aticunic —xi'.

Génesis 3:15

Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

Ezequiel 11:24

Ta ora, la slicon jajch'el la caiy te yip yu'el te Diose, la yic'on xan bael ta Babilonia, tey ta banti ayic te yantic mach'atic ic'otic bael ta mosoile. Ja' in to, ja' c'ot ta pasel a te c'alal la yac'bon quil la caiy te espíritu yu'un te Diose. Ta patil, ch'ay ta jsit te bila yacon ta yilel la caiye.

Ezequiel 11:1

Te yip yu'el Dios, la slicon, la yic'on bael yaiyel ta yochibal templo yu'un Cajwaltic ta stojol sloq'uib c'aal. Ta sti' templo tey ayic jo'eb xcha'winic (25) winiquetic a. Tey ay ta yolilic a te Jaazanías, te snich'an Azur, soc te Pelatías, te snich'an Benaías, ja'ic te jwentainwanejetic yu'un te lume.

Ezequiel 8:3

Te winique la stoy bael te sc'ab yilele, la stsacbon te stsotsil jol. Te yip yu'el Dios la slicon jajch'el ta ic' yaiyel. Te Dios la syantesbon q'uinal caiy, la yic'on bael ta Jerusalén la caiy. C'o yac'on ta yochibal ta yutil templo, ta stojol bael norte, te banti ay te loc'omba te ya xjachbot yilimba yu'un te Cajwaltique.

Santiago 1:14

Melel ta swenta sbic'tal yo'tan te mach'a ya sta sujel ta mulile, jich ya xnitot bael ta spasel te bila ma lecuque.