San Mateo 3:9 - Bible in Tzeltal de Oxchuc y Tenejapa

⁹ Ma me xawalic: “Te jo'otique sts'umbalotic Abraham”, ma me xauquex. Melel xcalbeyex te ya xju' yu'un te Diose te ya sc'atp'un ta sts'umbal Abraham in tonetic to.

Nuevo Testamento Tzeltal de Amatenango

⁹ Jamal ya kalbeyex te ya xjuꞌ yuꞌun te Diose ya sujtes ta stsꞌumbal jꞌAbraham te tonetik to.

Bible in Tzeltal Bachajón

⁹ Ma me hichuc xawal ta awo'tanic: Ha jtatcotic te Abraham, ma me xchihuquex, como ya calbeyex, te Dios ya xhu' ya sutp'in ta yal-snich'an Abraham ha'i tonetic ini.

San Mateo 3:9 Referans Kwoze

San Lucas 3:8

Ac'a me chicnajuc ta ilel ta swenta awat'elic te bit'il sujt'emix awo'tanic ta mero melel yu'un te amulique. Ma me jichuc xawalic: “Te jo'otique sts'umbalotic Abraham”, ma me xauquex. Melel xcalbeyex te ya xju' yu'un te Diose te ya sc'atp'un ta sts'umbal Abraham in tonetic to.

San Juan 8:33

La yalic: —Te jo'otique ja' sts'umbalotic te Abrahame. Jtul ma'yuc bay ochotic ta mosoil yu'un ta namey tel. ¿Bit'il ay a te ya awalbotic te libre ya xc'ootique? —xiic.

Romanos 4:1

¿Bila ya caltic yu'un te Abraham te antiguo jtatique? ¿Bila c'ot ta swenta?

Hechos 13:26

“Quermanotac, te yal-snich'anex te Abrahame soc ja'ex ta apisilic te awich'ojic ta muc' te Diose, julix ta alel ta atojolic te bit'il ay sc'oplal te colele.

San Lucas 16:24

Jich jajch' yawtay: “Tatic Abraham, c'uxtayawon. Ticunbon tel te Lázaroe. Ac'a yajch'es tel jch'ixuc sni'il sbic'tal sc'ab ta ja', yu'un ya xtal sictesbon cac' a. Melel bayal ayon ta woclajel ta c'ajc' li'to”, xi' ta aw.

San Juan 8:53

¿Yu'un bal cajalat yu'un te jtatic Abrahame? Laj te Abrahame. Lajic uuc te j'alwanejetique. ¿Ja'xan te ja'ate, mach'a ya acuy aba a? —la yutic.

San Lucas 5:22

Te Jesús la sna' stojol te bila yacalic ta yalel ta yo'tanique. Jich la yalbey yaiyic: —¿Bi yu'un te jich ya awal ta awo'tanique?

San Marcos 7:21

Melel ta yo'tan ya xloc' tel spisil te bila amene. Ja' te mulweje, te yalel ta mulile, te eleq'ue, te milawe,

Ezequiel 33:24

—Te mach'atic nainemic ta lumetic yu'un Israel te yich'oj jinele, jich yacalic ta yalel: “Jtul nax te Abraham, pero ju' yu'un te la yu'unin te lumq'uinale. Ja'uc balix a te jo'otic te tsobolotique, ya me cu'unintic te lumq'uinal”, xiic.

Hechos 15:14

Te Simone la yalix caiytic te bit'il jajch' ta at'el Dios ta stojol te jyanlumetique, swenta yu'un ya stsa te mach'a lum ya xc'ot yu'un uuc.

San Lucas 19:40

La yal te Jesuse: —Ya calbeyex: Teme ya scom sbaic ta aw ta spisilic in to, ja' ya xjajch'ic ta aw uuc te tonetique —xi'.

San Lucas 7:39

Te fariseo te ic'awan ta we'ele la yil te bila la spas te antse. Jich la yal ta yo'tan: “Te ja'uc j'alwanej yu'un Dios te winique, ya me sna' te bit'il jmulawil-ants te tal ta piquel yacan yu'un te jichuque”, xi' ta yo'tan.

San Lucas 12:17

Jich jajch' snop ta yo'tan: “¿Bi ya sc'an ya jpas in to? Melel ma'yuc banti ya stac' ya jq'uejix te sit cawal-jts'unube”, xi' ta snopel.

San Juan 8:37

Jna'oj stojol te ja' sts'umbalex te Abrahame. Ja'uc me to, ya ac'an amilonic, yu'un ma xawac' ta awo'tan te jc'ope.