San Mateo 3:7 - Bible in Tzeltal de Oxchuc y Tenejapa

⁷ Te Juane la yil te tsobol fariseoetic soc saduceoetic te talemic yu'un te ya yac' sbaic ta ich'ja'e. Jich la yalbey yaiyic: —Te ja'exe, ja' sts'umbalex c'oem te jti'awal chanetique. ¿Mach'a la yalbeyex awaiyic te ya xju' ya acoltay abaic loq'uel ta swenta te tulan castigo te nopol ayixe?

Nuevo Testamento Tzeltal de Amatenango

⁷ Te Juane la yil te bayal fariseoetik sok saduseoetik te talik yuꞌun ya skꞌan yichꞌik jaꞌ. La yaltalanbe: —Te jaꞌexe jaꞌ stsꞌumbalex kꞌoem te tiꞌawal chanetike. ¿Machꞌa kꞌa yalbeyex awaꞌiyik te ya xjuꞌ ya akoltay abaik lokꞌel a te tulan kastigo te nopol xtale?

Bible in Tzeltal Bachajón

⁷ C'alal la yil te Juan te tal tsobol fariseohetic soc saduceohetic ta banti yac yac'bel ich'-ha', hich la yalbe: ¡Ha'ex sts'umbalex ti'awal chanetic! ¿mach'a la yalbeyex te ya me x'ahnex bahel ta stojol te ilimba talel yac?

San Mateo 3:7 Referans Kwoze

San Mateo 12:34

Te ja'exe sts'umbalex jti'awal chanetic, ¿bit'il c'an lecuc te ac'opique?, melel amen te awo'tanique. Ta swenta ac'opic chican te bila nojel ta awo'tanique.

1 Tesalonicenses 1:10

Soc yacalic ta yalel te bit'il yacalex ta smaliyel te ya xloc' tel ta ch'ulchan te Snich'ane. Ja' te Jesús te cha'cux tel ta bay te animaetique, soc te ya scoltayotic loq'uel ta tulan castigo te ya xtale.

Romanos 1:18

Melel te yilimba te Diose ya xchicnaj tel c'alal ta ch'ulchan ta stojolic te ants-winiquetic te ma xyich'ic ta muc' te Diose soc te ma stojiluc te bila ya spasique, soc te smacojic a te smelelil c'ope.

San Mateo 23:33

“¡Ts'umbalex jti'awal chanetic! ¿Bit'il c'an acoltay abaic ta castigo ta infierno? ¿Bit'il c'an colanic loq'uel tey a?

Romanos 5:9

Jich yu'un, te bit'il libre c'oemotic yu'un te jmultic te bit'il la smal xch'ich'el te Cristoe, c'axem to xan ya xcolotic ta yilimba te Dios ta swenta te Cristoe.

San Mateo 22:23

Ja' nanix sc'aalelal a te tal sc'oponic Jesús te saduceoetic te ya yalic te ma'yuc cha'cuxele. Jich la sjojc'obeyic in aiyej to:

San Mateo 16:6

Te Jesús jich la yal: —Na'aic me q'uinal ta lec, tsajtaya me abaic ta swenta te levadura yu'un te fariseoetic soc te saduceoetique —xi'.

1 Juan 3:10

Chican ta ilel te mach'atic yal-snich'an te Diose, soc chican ta ilel te mach'atic yal-snich'an te pucuje. Melel te mach'a ma ja'uc yat'elinej spasel te bila leque soc te ma c'uxuc ya yaiy ta yo'tan te yermanoe, ma ja'uc yu'un Dios abi.

San Juan 9:40

La yaiyic stojol cha'oxtul te fariseoetic te sjoinejic tey a. Jich la yalbeyic: —¿Yu'un bal ma'sitotic te jo'otique? —xiic.

Jeremías 51:6

“Ananic loq'uel ta Babilonia, coltaya abaic te mach'a ya xju' yu'une. Ma me xlajex yu'un te smulic stuquelique. Ja' yorail te ya cac'bey spacole, soc ya cac'bey stoj te bit'il ya sc'an te yat'ele.

Jeremías 6:10

La cal te jo'one: —¿Mach'a me ya yaiybon jc'op, teme ya jc'opon, soc teme ya calbey yaiy in c'op to? Cajwal, smacoj xchiquinic, ma xju' ya yaiyic stojol; ya slabanic te ac'ope, ma'yuc yutsil yo'tanic yu'un.

Hebreos 11:7

Ta swenta xch'uunjel yo'tan te Noé, ac'bot sna' yu'un te Dios te ya xc'ot ta pasel te bila ma to chicanuque. Jich jun yo'tan la xch'uun spasel barco te banti col soc sjunal sna. Jich yu'un ta swenta xch'uunjel yo'tan, la yac'bey ta ilel smulic te mach'atic ayic ta balumilale. Yan te Noé ta swenta nax xch'uunjel yo'tan te toj ilot yu'un te Diose.

Hechos 26:5

Te yacuc sc'an yo'tanique, ya xju' ya yalic te bit'il ta jqueremil to tel fariseoon. C'ax jich ya jtsajtay jba a te bila ch'uunbil yu'unic te jlumale.

Hechos 20:31

Wic'a me asitic jiche. Na'ulaya me spisil ora te oxeb ja'wil te c'aal ajc'ubal ma la jcom jba ta jtac'uybelex juju-jtulexe. Bayal oc'on yu'un te yacuc c'otuc ta awo'tanique.

Hechos 15:5

Ja'uc me to, ay fariseoetic te xch'uunejiquix te Jesuse, la stejc'an sbaic. Jich la yalic: —Puersa me ya cac'beytic yich'ic circuncisión te jyanlumetique, soc puersa ya calbeytic mandal te ya yat'elinic xch'uunel te mandalil yu'un te Moisese —xiic.

Hechos 5:17

Jich te muc' sacerdote soc te mach'atic sjoinej sbaic soque te ja' ayic ta swenta te saduceoetic sbiile, lijc' bayal slab yo'tanic.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

San Juan 1:24

Te fariseoetic te ticunbilic tel yu'un te jwolwanej-judioetique,

San Lucas 18:11

Te fariseo teq'uel la sc'opon te Diose. Jich la yal: “Dios cu'un, wocol awal te ma pajaluc co'tan soc te j'eleq'uetique, soc te ma tojuc yo'tanique, soc te jmulwejetic, soc ma jichuc co'tan te bit'il yo'tan in jc'an-patan to.

San Lucas 16:14

Te fariseoetique bic'tajem nax yo'tanic yu'un te staq'uinique, jich yu'un te c'alal la yaiyic stojol te bila la yal te Jesuse jajch' slabanic yu'un.

San Lucas 7:30

Yan te fariseoetic soc te jts'ibojometic te ma ba ac'bot yich'ic ja' yu'un te Juane, la sp'ajic te bit'il c'an yich'ic c'uxtayel yu'un te Diose.

San Marcos 12:18

Ay saduceoetic te tal sc'oponic te Jesuse. Ya yalic te ma'yuc cha'cuxele. Jich la sjojc'obeyic in aiyej to:

San Marcos 12:13

Jich la sticunic ta stojol Jesús cha'oxtul fariseoetic soc te mach'atic jun yo'tan sbaic soc te Herodese, swenta yu'un ya stabeyic smul ta swenta sc'op.

San Marcos 8:15

Te Jesús la spas ta mandal: —Na'aic me q'uinal ta lec, tsajtaya me abaic ta swenta te levadura yu'un te fariseoetic soc uuc te levadura yu'un te Herodese —la yut.

San Mateo 22:34

C'alal la yaiyic stojol te fariseoetic te bit'il la yac' majc'uc sti' te saduceoetic te Jesuse, jich la stsob sbaic.

San Mateo 22:15

Jich yu'un te fariseoetique ba xchap sc'opic te bi ya yut ya yac'beyic jelawuc sc'op te Jesuse.

San Mateo 12:24

Te c'alal la yaiyic stojol te fariseoetique, jich la yalic yu'un: —Ja' in winic to, ya sloq'ues pucujetic ta swenta Beelzebú ja' te mero ajwalil yu'un te pucujetique —xiic.

San Mateo 5:20

Jich yu'un ya me calbeyex te ja'exe, teme ma c'axemuc to xan toj awat'el te bit'il ya spasic te jts'ibojometic soc te fariseoetique, ma xju' ya x'ochex tey a ta banti ay ta ajwalinel te Dios ta ch'ulchane.

Isaías 59:5

Ya sluts'ic ston te chane, soc ya sjal snaic jichuc ametic. Te mach'a ya slo' te ston chane, ya me xlaj yu'un, soc teme ya yich' net'el ston te chane, ya me xloc' milawal chanetic tey a.

Génesis 3:15

Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

Hebreos 6:18

Jich ay cheb te bila ma xch'ay sc'oplal, te melel ma xju' ya spas lot stuquel te Diose. Jich ay yip co'tantic te jayebotic te la jtatiquix coltayel yu'un te Diose soc te jun co'tantic yacotic ta smaliyel te bila yaloje.

San Mateo 15:12

Te jnopojeletic yu'un te Jesuse, noptsajic tel ta stojol. Jich la yalbeyic: —¿La bal awil te ilinic yu'un te fariseoetic te bila la awale? —xiic.

Proverbios 28:4

Te mach'atic ma xch'uunic te mandalile, lec sc'oplal yu'unic te mach'a amen yo'tane; yan te mach'atic xch'uunejique, ya xcontroinot yu'un te mach'a amene.

San Mateo 16:1

Ay fariseoetic soc saduceoetic te ba sc'oponic te Jesuse, yu'un la sc'an yilbeyic yo'tan. Jich la sc'anbeyic te ya yac' ta ilel seña yu'el ta ch'ulchan. [