San Mateo 3:4 - Bible in Tzeltal de Oxchuc y Tenejapa

⁴ Te sc'u' te Juane pasbil ta stsotsil camello, soc xchucoj xch'ujt' ta nujc'ul. Ja' la swe'elin te c'ulub soc aja-chab.

Nuevo Testamento Tzeltal de Amatenango

⁴ Te skꞌuꞌ-spakꞌ te Juane pasbil ta stsotsil kameyo y xchukoj xchꞌujt ta nujkul. Jaꞌ a sweꞌelin te kꞌulube sok chab yuꞌun wits.

Bible in Tzeltal Bachajón

⁴ Te Juan sc'u'inej stsotsel camello, soc nuhcul schucoj sch'uht a; ha swe'el te c'ulub soc chab.

San Mateo 3:4 Referans Kwoze

2 Reyes 1:8

La sjaq'uic: —Te winique sc'u'inej nujc'ul te ay stsotsil, soc xchucoj xch'ujt' ta nujc'ul —xiic. —Ja' jiche te Elías, te talem ta Tisbe —xi' te muc' ajwalile.

Levítico 11:22

Ja'ic ya xju' ya ati'ic in to: spisil ta jchajp c'ulubetic, muc'ul c'ulubetic, masan, chil, soc p'irich.

San Marcos 1:6

Te sc'u' te Juane pasbil ta stsotsil camello, soc xchucoj xch'ujt' ta nujc'ul. Ja' la swe'elin te c'ulub soc ajaw-chab.

San Mateo 11:8

Teme ma ja'uque, ¿bila xc'otuc awilic? ¿O ja' xc'otuc awilic jtul winic te jelawen yutsilal te sc'u'-spac' slapoje? Ya calbeyex, te mach'a jelawen yutsil sc'u'-spac' ya slape, ay ta sna muc' ajwalil stuquel.

Zacarías 13:4

“Te c'alal ya sta sc'aalelal ya me xq'uexawic te j'alwanejetic te ay bi la yil ta sc'opique. Ma me ayuc mach'a ya slo'lay teme ya slapic te c'u'il nujc'ul yu'un j'alwanejetic,

San Lucas 1:17

Ya me xneelaj ta yalel sc'oplal te Cajwaltique. Ja' me ya spajbey yo'tan soc yip yat'el te j'alwanej Eliase, swenta yu'un ya yac' junajuc yo'tanic te sme'-static ta stojol te alnich'anetique, soc swenta yu'un ya me yac'bey snopic xch'uunel mandal te jc'axintayej-c'opetique. Jich me chapalix yo'tanic ta lec a te lume te ya yic' ta stojolic te Cajwaltique c'alal ya xtale —xi' te ch'ul abate.

Malaquías 4:5

“Aiya awaiyic, ya jticunbeyex te j'alwanej Elías te c'alal ma to xc'ot sc'aalelal te Cajwaltic, te mero muc' sc'aalelal te xiweltic sbae.

Apocalipsis 11:3

Soc ya me jticun cheb testigoetic cu'un te ya xc'opojic ta j'alwanej cu'un oxbajc' soc oxwinic (1,260) c'aal te slapojic ch'ixal pac' swenta mel-o'tan —xi' la caiy.

San Mateo 11:18

Melel te c'alal tal te Juane ma ba we'-uch'aj ta lec. “Ay pucuj ta yo'tan”, xaex yu'un.

Deuteronomio 32:13

La yic' ta beel ta tsalaw, la yic' moel ta stoyolil te lumq'uinale. La yac'bey swe'elinic te bitic sitin ta q'uinal; la yac'bey yuch'ic chab te loq'uesbil ta tontiquil. Soc la yac'bey aceite loq'uem ta tulanil ton,

Isaías 20:2

Jich yorail a te c'opoj te Cajwaltic ta swenta te Isaías te snich'an Amoz, jich la yalbey: —Loq'uesa te ch'ixal pac' alapoje, soc te xanabil te ayic ta awacane —xi'. Te Isaías jich la spas, ma la slap xanab soc t'anal la yac' sba.