San Mateo 3:16 - Bible in Tzeltal de Oxchuc y Tenejapa

¹⁶ C'alal la yich'ix ja' te Jesuse, loc' tel ta ja'. Ora jam te ch'ulchane. La yil coj tel te Espíritu yu'un Dios, jich bit'il stsumut te jul ta stojole.

Nuevo Testamento Tzeltal de Amatenango

¹⁶ Kꞌalal laj yichꞌ jaꞌ te Jesuse, lokꞌ tal ta jaꞌ. Ora jam te chꞌulchane. Te Jesuse la yil a koj tal te Espíritu yuꞌun Dios, jachik tutꞌil paloma jul ta skuenta.

Bible in Tzeltal Bachajón

¹⁶ Laj nax yich'bel ha' a te Jesús, loc' tal ta ha', jahm te ch'ulchan, soc la yil te Espíritu yu'un Dios yac ta cohel tal hich te bin ut'il stsuhmut soc luhtsaj ta stojol.

San Mateo 3:16 Referans Kwoze

Isaías 11:2

Te Espíritu yu'un Dios spisil me ora ay ta stojol. Ya me yac'bey sp'ijil yo'tan, soc sp'ijil sjol, swenta ya yaiy tojteswanej soc yip yu'el. Ya me sna'bey sba te Cajwaltic soc ya me yich' ta muc'.

San Marcos 1:10

Te c'alal loc' nax tel ta ja' te Jesuse, la yil jam te ch'ulchane, coj tel te Espiritue, jich bit'il stsumut te jul ta stojole.

Isaías 42:1

“Li' ay te cabat, te mach'a ya jwentain, ja' te tsabil cu'une, te mach'a bin nax co'tan yu'une. Cac'ojbey ta stojol te espíritu cu'un swenta yu'un ya me yich' tel te stojil ta chajbanel ta spisil te nacionetique.

Isaías 61:1

Te espíritu yu'un Cajwaltic ay ta jtojol. Melel te Cajwaltic stsaojon soc sticunejon tel ta yalel sc'oplal te lec yach'il c'op ta stojol te me'baetique, tal cac' lamajuc xchamelic te mach'a ay swocolique, tal calbey te ya x'ac'otic ta libre te mach'atic ayic ta mosoile, soc te ya xjilic ta libre mach'atic ayic ta chuquele.

Hechos 7:56

Jich la yal te Estebane: —Ilawilic, jamal ya quil te ch'ulchane. Tey teq'uel ta bay swa'el Dios ya quil te Nich'anile —xi'.

Ezequiel 1:1

Jo'on te sacerdote Ezequiel te snich'anon Buzi. Ay jun c'aal te ayon ta sti'il muc'ja' Quebar a, te ay ta sq'uinal Babilonia, soc ja' nix joy te yantic te ic'oton ta mosoil soque. Ja' yorail a la sjam sba te ch'ulchane, ac'boton quil te Diose. Yo'ebal c'aal a te xchanebal u, te slajunebal xcha'winic (30) ja'wile, jo'eb ja'wil sbael a te ic'ot bael ta chuquel te muc' ajwalil cu'untic Joaquín. Te Cajwaltic la yac' tel yu'el ta jtojol.

San Juan 3:34

Melel te mach'a ticunbil yu'un te Diose, ja' ya yal te sc'op Diose, yu'un ma p'isbiluc nax Espíritu ya yac' te Diose.

Isaías 59:21

Te Cajwaltic ya yal: —Ya jpas jun trato soc te ja'exe, ya calbeyex ta jamal: Te cu'el soc te p'ijubtesel te la cac'beyexe jc'axel ma me xch'ay ta awo'tanic, soc ma me xch'ay ta yo'tanic te ats'umbal ta spisil bael ta sbajt'el q'uinal —xi' te Cajwaltique.

San Juan 1:51

Jesús la yalbey xan: —Jamal ya calbat, ya me awil jamal te ch'ulchane soc ya me awil te ch'ul abatetic yu'un Dios te coel moel ta stojol te Nich'anile —xi' te Jesuse.

Hechos 1:22

ja' to c'alal te bi ora ac'bot yich' ja' yu'un te Juane, ja' to c'alal te ic'ot moel ta ch'ulchane, yu'un testigo ya xc'ootic soc te bit'il cha'cux te Jesuse —xi' te Pedroe.

1 Juan 5:6

Ja' xtaluc te Jesucristo te chicnaj ta swenta ja' soc ta swenta ch'ich'. Ma ja'uc nax chicnaj ta swenta te ich' ja'e, chicnaj xan ta swenta te la smal te xch'ich'ele. Te Espíritu ja' ya yal ta testigo, melel te Espiritue smelelil te bila ya yale.