San Mateo 3:15 - Bible in Tzeltal de Oxchuc y Tenejapa

¹⁵ La yal te Jesuse: —Ac'a yich' pasel, melel ya sc'an ya jc'otestic ta pasel spisil te bila ya sc'an yo'tan te Diose —xi'. Jich la yac'bey yich' ja' te Juane.

Nuevo Testamento Tzeltal de Amatenango

¹⁵ La yal te Jesuse: —Jich me wakꞌ yichꞌ pasel, yuꞌun ya skꞌan jpastik spisil te tut ya skꞌan yoꞌtan te Diose —xchi. Jich a yaꞌbe ichꞌ jaꞌ te Juane.

Bible in Tzeltal Bachajón

¹⁵ La sjac' te Jesús: Hich ac'a c'ohtuc ta ora ini, como hich ya sc'an ya jc'ohtestic ta pasel spisil bin stojil ta pasel, xchi. Hich la sch'uhun te Juan.

San Mateo 3:15 Referans Kwoze

San Juan 4:34

Te Jesús jich la yal: —Te jwe'ele ja' te ya jpasbey sc'anjel yo'tan te mach'a la sticunon tele, ja' to chican ya ju'tes.

San Juan 15:10

Teme ya ach'uunic te mandaliletic cu'une, jich me ya x'ainex tey a ta bay te xc'uxul co'tane. Jich bit'il jo'on te jch'uunejbey te mandaliletic yu'un te Jtate, jich jc'axel ainemon tey a ta bay te xc'uxul yo'tane.

San Juan 13:15

Melel la cac'beyex awilic swenta yu'un jich me ya apasic uuc te bit'il la jpas awilique.

Isaías 42:21

Te Cajwaltic, te bit'il Dios stuquel te ya xcoltaywane, la sc'an yo'tan ya spas muc' soc jelawen yutsil te p'ijubtesel yu'une.

1 Juan 2:6

Teme ay mach'a ya yal te jun ayix soc te Diose, jichuc me xcuxlejal te bit'il c'ax ta q'uinal stuquel te Jesucristoe.

San Lucas 1:6

Ta xchebalic lec yat'elic ta stojol te Diose, soc xch'uunejbeyic spisil smandal te Cajwaltique. Ma xwejt' ta leel te smulique.

San Juan 8:29

Te bit'il sticunejonix tel te Jtate, ma ba pijt'emon yu'un. Sjoinejon te Jtate, yu'un ja' nax ya jpas te bila lec yo'tan yu'un —xi'.

Hebreos 7:26

Jich te Jesuse, ja' Muc' Sacerdote te ya xju' yu'un ya scoltayotique, ch'ul Dios stuquel, ma sna' sleel smul, ma'yuc mulil quechel ta swenta, ma ba slac'oj sba soc te jmulawiletique, soc ic'otix moel c'alal ta stoyolil te ch'ulchane.

San Mateo 3:14

Te Juane wocol la sc'an yac'bey yich' ja' te Jesuse. Jich caj yalbey: —Ya sc'an te jo'on ya awac'bon quich' ja'e. ¿Bit'il ay a te ja'at talat ta jtojole? —la yut.