San Mateo 3:12 - Bible in Tzeltal de Oxchuc y Tenejapa

¹² Te mach'a ya xtale, jich c'oem te bit'il mach'a stsacojix ta sc'ab te sajp'ujibal sulil te strigoe. Patil ya me stsob ochel ta bay sq'uejibal te sbaq'ue. Yan te sulile ya me xchic' ta c'ajc' te ma xtup' sbajt'el q'uinal —xi' te Juane.

Nuevo Testamento Tzeltal de Amatenango

¹² Te machꞌa xtale yichꞌoj spala teꞌ ta skꞌab yuꞌun ya sajpꞌubey lokꞌel skꞌapalel te triwue. Patil ya me skꞌej ochel ta yawil te striwue. Yan te skꞌapalele ya me xchikꞌ ta kꞌakꞌ te ma xtupꞌ sbajtel kꞌinale —xchi te Juane.

Bible in Tzeltal Bachajón

¹² Stsacojix ta sc'ab te sweluyojibal, ya yic'ay a te bin busul ta amac' yu'une. Ya me yotses ta yawil te trigo yu'un, soc te sts'ubil ya me schic' ta c'ahc' te mayuc bin ora ya xtup', xchi sc'oblalic.

San Mateo 3:12 Referans Kwoze

Malaquías 4:1

Te Cajwaltic te Spisil ya xju' yu'un ya yal: —Yaquix ta talel sc'aalelal te xpulpon ta tilel jichuc sc'aal horno; spisil te toybaetic soc te mach'a amen yo'tanic, ya me xtilic jichuc ac ta yawil c'ajc'. Te bi c'aalil ya xtale ya me jchic'; ma'yuc jtuluc ya xjil ta jyalel.

San Mateo 13:30

Tey ac'a jiluc ta ch'iel soc a, ja' to teme la sta yorail te ya yich' tsobele. Te c'alal ya sta yoraile, ya me calbey te j'at'eletique te ja' neel ac'a stsobic loq'uel tel te cizaña-aque. Ac'a xchuquic ta tomoltom, swenta yu'un ya yich' chiq'uel ta c'ajc'. Yan te trigoe ya me stsobic ochel ta bay snail cu'un”, ya me yut —xi' te Jesuse.

San Lucas 3:17

Te mach'a ya xtale, stsacojix ta sc'ab te yic'ojibal sulil trigo. Patil ya stsob ochel ta sq'uejibal te sbaq'ue. Yan te sulile ya me xchic' ta c'ajc' te banti ma xtup' sbajt'el q'uinal —xi' te Juane.

Jeremías 51:2

Te Babilonia ya me cac' te jich ya spasbot yu'un scontro te bit'il ya yich' wilesel ta ic' te trigoe; ya me cac' te ma'yuc yajwal ya xjil te sq'uinale. C'alal ya xc'ot sc'aalelal te swocole, ya me x'ac'bot guerra ta bayuc ta sjoylejal.

Isaías 41:16

Ya me ach'oj moel, ya me yich' bael te iq'ue; te sutu-iq'ue ya me spuc bael. Jich yu'un te ja'ate bin nax me awo'tan ta stojol te Cajwaltique, toyol nax me q'uinal ya awaiy yu'un te Ch'ul Dios yu'un Israel.

San Mateo 13:41

Te Nich'anile, ya me sticun te ch'ul abatetic yu'une. Ya xba stsobic loq'uel te mach'atic ya syaleswanic ta mulile soc te mach'atic ya spasic bayal ta jten muliletique.

Salmos 1:4

Ma jichuc stuquelic te mach'atic amen yo'tanique, jichic me te bit'il sulil trigo te ya xlicotic bael yu'un ic'.

Jeremías 7:20

Jich yu'un te jo'on Ajwalilon ya me cal ta smelelil te ya jloq'ues tel spisil te quilimba ta stojol in templo to soc ta stojol te ants-winiquetic, soc ta stojol te chambalametic, te te'etic ta q'uinal, soc te trigo. Jich me yilel te bit'il tojc'al te ma xtup'e —xi' te Cajwaltique.

San Juan 15:2

Spisil te sc'abc'ab te bay ma xyac' site, ya me sloq'ues. Spisil te banti ya yac' site, ya yutstes xan stuquel swenta yu'un ya yac' xan bayal sit ta lec a.

Jeremías 15:7

La jpuc bael te ants-winiquetic jich bit'il taquin ac; la jloq'ues tel ta lumetic te ay ta slumalique. Ma'yuc snich'nab la quijq'uitaybey te lum cu'une, la jlajin ta spisilic. Melel ma la yijq'uitayic te bol cuxlejal yu'unique.

Jeremías 17:27

Yan teme ma xach'uunbonic jmandal te ja'exe, te ma xawac'bonic cu'unin te bi c'aalil yu'un cux-o'tanil, soc te ya awaq'uic ochel bael ijc'atsil a ta ochibaletic yu'un sts'ajc'ul Jerusalén, jich yu'un ya me cac'bey c'ajc' te ochibaletic yu'un te lume, ja' te c'ajc' te ya sjin spisil te palacioetic yu'un Jerusalén, soc ma'yuc mach'a ya xju' yu'un stup'el’, xi' te Cajwaltique”, uta me —xi'.

Isaías 30:24

Soc ay lec swe'elic te jelawen sbujts' ya yaiyic te j'at'el-wacaxetic soc te burroetic te ya x'at'ejic ta aq'uinale.

Isaías 17:13

Ja'uc me to, c'alal ya yich' comel yu'un Dios, ya xloq'uic ta anel ta c'ubul jich bit'il te taquin ac, ya xlicot bael yu'un ic' ta witstiquil, soc jich nix te bit'il tan te ya smes ta wilesel te sutu-iq'ue.

Isaías 5:24

Ja' yu'un, jich te bit'il ya xc'ajc' te aque, soc ora ya xlaj bael ta c'ajq'uel te staquin yabenal te te'etique, ja' ni me jich ya xch'ayex bael te ja'exe. Ja' me pajalat soc te te'etic ya xc'a'ic te yisime, te jich ya xc'atp'uj te bit'il tan te sniche. Melel la awilayic te p'ijubtesel soc te mandaliletic yu'un te Cajwaltic te Spisil ya xju' yu'un, ja' te Ch'ul Dios yu'un Israel.

Isaías 1:31

Te tulanil winic jich ya xc'ot te bit'il taquin ac, te yat'ele, jich bit'il snichc'ajc': ta xchebalic pajal nax ya xc'ajq'uic soc ma me ayuc mach'a ya stup' —xi' te Cajwaltique.

Salmos 35:5

Jichuc me c'oemic te bit'il ac te ya xlicotic bael yu'un ic'; ac'a yich'ic ch'ojel bael yu'un ch'ul abat yu'un te Cajwaltique.

Job 21:18

¿Ay bal bi ora ya yich'ic puquel bael jichuc taquin ac yu'un yip te sutu-iq'ue?

San Mateo 13:43

Te mach'atic toj yo'tanic ta stojol te Diose, ya me xojobajic jich bit'il te c'aal ta ba ay ta ajwalinel te Jtatique. Te mach'a ay xchiquine, ac'a me yaiy stojol ta lec.

Amós 9:9

Ya me cal mandal te ya yich' chijch'anel sts'umbal Israel, jich bit'il ya yich' chijch'anel trigo ta bay sloq'uesjibal, xujt' ma ba ya xch'ay jp'ijuc ta lum.

Oseas 13:3

Ja' yu'un, jichic me te bit'il sjab lum ta sacubel q'uinale; jichic me te bit'il ts'ujul ta ijc' to q'uinale. Ta sab ya xch'ay jc'axel, jich bit'il taquin ac ya slic bael te iq'ue, jich bit'il ya xloc' ta sbe te ch'aile.

Jeremías 4:11

Te Cajwaltic ya yal: —Te bi ora te jich ya xc'ote, jich ya x'albot te lum Jerusalén: “Q'uixin ic' ya xtal ta jochol taquin q'uinal, stojlinej ya xtal ta stojol te lume”, xi' me. Ma me ja'uc te c'unil ic' te ya xtuun ta swenta sloq'uesel spat trigo;

Isaías 66:24

“Ya xtalic soc ya yilic te lajem sbaq'uetalic te ants-winiquetic te la stoy sbaic ta jtojole. Te yaljaetic te ya xti'otic yu'une, ma xlajic, soc ma xtup' te c'ajc' te bay ya x'ainique. Ilaybil nax ya xc'ot yu'un spisil te ants-winiquetique —xi' te Cajwaltique.

Isaías 27:4

Ma ba ilinemon ta stojol. Te ayuc ch'ixetic soc te yaq'uenale ya me xloc'on bael ta yac'beyel guerra, soc ya me jchic' ta jc'axel.

San Mateo 13:42

Ya me xch'ojic ochel ta bay yawil c'ajc' te yac ta tilele. Tey me ya xc'o yoq'uetay sbaic a, soc tey ya sjets'ulay yeic a.

San Lucas 3:16

Ja'uc me to, la yal te Juane: —Melel te jo'one ja' nax ya cac'beyex awich'ic ja' ta swenta nax te ja'e. Yan te mach'a ya xtale, ja' me ya yac'beyex awich'ic te Ch'ul Espíritu soc c'ajc'. Ja' tulan yat'el yich'oj stuquel. Jichon ta stojol ya caiy te bit'il ma'yuc jtuul ta jyalele, ni yacuc xju' ya jtilbey sc'ab te xanabe.

Isaías 28:28

Te trigo ya yich' teq'uel ta chambalam, pero ma yu'unuc ma xcom ta pasel; ya yich' tselel c'axel carreta ta sba, jich ya xwuy loq'uel spat, ma'yuc ba ya stsacot ta juch'el te site.