San Mateo 3:11 - Bible in Tzeltal de Oxchuc y Tenejapa

¹¹ Melel te ich'ja' ya caq'ue, ja' nax ta swenta seña te bit'il sujt'emix awo'tanic yu'un te amulique. Ja'uc me to, te mach'a patil ya xtal cu'une, ja' me ya yac'beyex awich'ic ja' ta swenta Ch'ul Espíritu soc c'ajc'. Ja' tulan yat'el yich'oj stuquel. Xujt' ma xtuunon ta abatinel yu'un ya caiy, ni yacuc xju' ya quich'bey bael te xanabe.

Nuevo Testamento Tzeltal de Amatenango

¹¹ Spisil te teꞌetik te ma bujtsꞌanuk te site ya me yichꞌ tsꞌetel sok ya me yichꞌ chikꞌel. Te joꞌone ya kaꞌbeyex awichꞌik jaꞌ yuꞌun te sujtemix awoꞌtanik ta stojol Dios. Pero te machꞌa patil ya xtal kuꞌune, jaꞌ me ya yaꞌbeyex awikꞌik te Chꞌul Espíritu sok kꞌakꞌ. Jaꞌ mas tulan stukel; yan te joꞌone mas pekꞌ ayon. Ni ya kujan jba ta slikel bael te swawe.

Bible in Tzeltal Bachajón

¹¹ Melel te ho'one ha nax ya ca'beyex awich'ic ha' ta scuenta suhtesel-o'tanil, yan te mach'a yac ta talel ta jpat, te ma xtuhunon yu'un yich'beyel bahel step, ha toyol xan ya'tel a te bin ut'il te ho'one. Ha me ya ya'beyex awich'ic te Ch'ul Espíritu soc c'ahc'.

San Mateo 3:11 Referans Kwoze

San Lucas 3:16

Ja'uc me to, la yal te Juane: —Melel te jo'one ja' nax ya cac'beyex awich'ic ja' ta swenta nax te ja'e. Yan te mach'a ya xtale, ja' me ya yac'beyex awich'ic te Ch'ul Espíritu soc c'ajc'. Ja' tulan yat'el yich'oj stuquel. Jichon ta stojol ya caiy te bit'il ma'yuc jtuul ta jyalele, ni yacuc xju' ya jtilbey sc'ab te xanabe.

Isaías 4:4

C'alal ya yal mandal Cajwaltic te ya x'ochic ta castigo, soc te c'alal ya xc'ot ta pasele, ya me spocbey loq'uel sbolil ta Jerusalén a te bit'il la smal ch'ich', soc ya spocbey loq'uel smul te ants-winiquetic te wentainbilic yu'un Jerusalén.

Hechos 1:5

Melel te Juane, ja' nax te la yac' ich'ja'. Yan te ja'exe, ma ba bayal xan c'aal te ya x'ac'botex awiq'uic te Ch'ul Espiritue —xi' te Jesuse.

Tito 3:5

Melel te jo'otique, ma ta swentauc cat'eltic te la scoltayotique; ta swenta nax xc'uxul yo'tan te la quich'tic atintesel yu'un, la yac' cha'ayinucotic xan, soc la yac'botic quich'tic yach'il cuxlejal ta swenta te Ch'ul Espiritue.

1 Corintios 12:13

Yu'un te c'alal la quich'tic ja' ta swenta te Espiritue, jich jun nax jbaq'uetaltic c'ootic ta jpisiltic. Manchuc teme judioetic o teme jyanlumetic o ayic ta mosoil o teme libre ayique, jun nax te Ch'ul Espíritu te la quich'tic ta jpisiltique.

San Mateo 3:6

Te mach'atic la yalic ta jamal te smulique, jich ac'bot yich'ic ja' ta bay muc'ja' Jordán yu'un te Juane.

Hechos 19:4

La yal te Pabloe: —Te Juane la yac' ich'ja' ta swenta sujt'esel-o'tanil yu'un mulil. Soc la yalbey yaiyic te lum te ja' ya xch'uunic te Mach'a patil ya xtal yu'une, ja' bi ja' te Jesús te Cristoe —xi'.

San Lucas 1:17

Ya me xneelaj ta yalel sc'oplal te Cajwaltique. Ja' me ya spajbey yo'tan soc yip yat'el te j'alwanej Eliase, swenta yu'un ya yac' junajuc yo'tanic te sme'-static ta stojol te alnich'anetique, soc swenta yu'un ya me yac'bey snopic xch'uunel mandal te jc'axintayej-c'opetique. Jich me chapalix yo'tanic ta lec a te lume te ya yic' ta stojolic te Cajwaltique c'alal ya xtale —xi' te ch'ul abate.

San Juan 1:30

Ja' in to, ja' te la calbey sc'oplale: “Patil ya xtal cu'un jtul winic te cajal sc'oplal cu'une, te melel stalel ayix stuquel a te c'alal ma to xchicnajon te jo'one”, te xoone.

San Marcos 1:4

Jich te Juane tal ta yaq'uel ich'ja' ta jochol taquin q'uinal. Soc jich la yalbey te ants-winiquetic te ac'a sujt'es yo'tanic ta stojol te Diose, soc ac'a yac' sbaic ta ich'ja', yu'un jich me ya spasbot perdón yu'un te smulique.

Efesios 3:8

Te jo'one peq'uel ayon yu'un spisil te mach'atic ch'ul lum yu'un te Diose. Ja'uc me to, ya jcholbey yaiyic te jyanlumetic te lec yach'il c'ope, ja' te sc'oplal te jelawen to xan ay yutsil yo'tan te Cristoe.

Isaías 44:3

Melel ya me cac' oquinuc ja' ta jochol taquin q'uinal, bebe-ja'etic ya xc'ot ta bay te taquin q'uinale. Jo'on ya cac'bey yach'il xcuxlejal te ats'umbale, te bendición cu'une ya jticunbey ta stojol.

1 Pedro 5:5

Ja'ex uuc te jch'ielexe: Junuc me awo'tan ch'uunbeyaic smandal te ancianoetic te yich'oj yat'elique. Soc ta apisilic talel c'axel me xach'uunbey aba amandalic. Peq'uel me xawac' abaic, te melel: “Dios scontroinej te mach'atic stoyoj sbaique. Yan te mach'a peq'uel yac'oj sbaique, ya xc'uxtay stuquel”, te xie.

San Juan 1:15

Te Juan la yalbey sc'oplal ta testigo, jich la yal: —Ja' in to, ja' te mach'a la calbey sc'oplal, te patil ya xtal, te cajal sc'oplal cu'un stuquele, melel stalel ayix stuquel a te c'alal ma to xchicnajone —xi' te Juane.

San Lucas 3:3

Jich la yoclin spisil te ti'ti'ja' Jordán. La yalbey te ants-winiquetic te ac'a sujt'es yo'tanic ta stojol te Diose, soc ac'a yac' sbaic ta ich'ja', yu'un jich me ya spasbot perdón yu'un a te smulique.

Hechos 8:36

Te c'alal yacalic ta beele, ay ja' la staic. Jich la yal te eunucoe: —Ilawil, ay ja' li'to. ¿Ya bal xju' te ya quich' ja'e? —xi'. [

Hechos 8:38

Jich yu'un la yal mandal ta comel ta beel te scarretae. Co bael xchebalic ta bay te ja'e. Te Felipe la yac'bey yich' ja' te eunucoe.