San Mateo 28:8 - Bible in Tzeltal de Oxchuc y Tenejapa

⁸ Jich te antsetique la yijq'uitayic te muquenale. Bajt'ic ta ora. Ayic ta xiwel soc ay bayal sbujts' yo'tanic yu'un te bila la yaiyiquix stojole. Animajic bael yu'un ba yalbey yaiyic te jnopojeletique.

Nuevo Testamento Tzeltal de Amatenango

⁸ Jich te antstike la sjilesik te ba mukule, bajtik ta ora. Ben jun yoꞌtanik yuꞌun, aunke ya xiꞌik chꞌinuk te tuti altalanbote. Xyalajan kꞌoel ta yalbeyel te jnopojeletike.

Bible in Tzeltal Bachajón

⁸ Hich loq'uic tal ta muquenal te antsetic soc xiwel soc bayel yutsil yo'tanic, bahtic ta ahnimal ta yalbeyel te jnopojeletic te bin yach'il c'ohtix ta pasel. Te c'alal yacalic ta behel bahel ta yalbeyel a te jnopojeletic te bin yach'il c'ohtix ta pasel,

San Mateo 28:8 Referans Kwoze

Salmos 2:11

Binuc nax me awo'tan ya aquejan abaic ta stojol Cajwaltic soc ich'aic ta muc'; nijc'uc me awo'tanic, tinana abaic ta stojol, ma me xawac' x'ilin ta atojolic, teme repente ya xlajex jilel ta be yu'un, melel ma me wocoluc ya xtil jichuc c'ajc' te yilimbae. ¡Bin nax me yutsil te mach'a ya sle canantayel yu'un te Cajwaltique!

San Marcos 16:8

Jich loq'uic tel ta muquenal te antsetique. Bajt'ic ta anel, melel bayal yac ta nijq'uel yo'tanic yu'un xiwel. Ma'yuc mach'a la yalbey yaiy jtuluc, yu'un xiwen te yo'tanique. [

San Juan 16:20

Jamal ya calbeyex, ya me x'oq'uex cu'un soc bayal me ya amel awo'tanic. Yan te mach'atic te ayic ta swenta te balumilale, ya xbujts'naj yo'tanic yu'un, ja'uc me to, te mel-o'tan ya awaiyique, ya me xc'atp'uj ta sbujts' awo'tanic.

San Juan 16:22

Ja' nanix jich te ja'exe, ayex ta mel-o'tan ta ora to. Ja'uc me to, ya me quilbeyex xan asitic soc ya me xbujts'naj ta lec awo'tanic yu'un. Te sbujts' awo'tanique ma xju' ta pojel.

San Mateo 28:7

Baanic ta ora, albeya yaiyic te jnopojeletic yu'un te bit'il cha'cuxix tel ta bay te animaetic, soc te ya xneelaj bael awu'unic ta sq'uinal Galilea. Tey me ya xc'o awilic a. La me calbeyex —xi' te ch'ul abate.

San Mateo 28:9

Ja'uc me to, Jesús la sta sba soc ta be, soc c'oponotic yu'un: —Talon —xi'. Jich noptsajic tel ta stojol Jesús te antsetique. La squejan sbaic ta yich'el ta muc' soc la spetbeyic te yacane.