San Mateo 27:6 - Bible in Tzeltal de Oxchuc y Tenejapa

⁶ Te jwolwanej-sacerdoteetique la stamic te taq'uine, soc la yalic: —Ma spas ya cac'tic ta yawil smajt'an Dios in taq'uin to te melel ja' stojol xch'ich'el te jtul winique —xiic.

Nuevo Testamento Tzeltal de Amatenango

⁶ Te statal-saserdoteetike la stamik te takꞌine y jich a yalik: —Te takꞌin to ma spas ya kakꞌtik ta yawil te ofrendae, yuꞌun jaꞌ stojol xchꞌichꞌel jtul winik te chonbil yuꞌun te ya xmilote —xchiik.

Bible in Tzeltal Bachajón

⁶ Te principal sacerdotehetic la stamic te lajuneb scha'winic (30) ta sehp plata, hich la yalic: Ma xpas te ya x'och ta yawil smahtan Dios ha'i taq'uin ini, como ha stojol ch'ich', xchihic.

San Mateo 27:6 Referans Kwoze

Deuteronomio 23:18

Ma me xawac' permiso teme winic o teme ants te ya yich' tel ta templo yu'un Cajwaltic Dios te taq'uin staoj ta swenta mulil ta stojel bila chapal yu'unic. Melel ilaybil me yu'un Cajwaltic stuquel.

San Juan 18:28

La yiq'uic loq'uel ta sna Caifás te Jesuse soc la yiq'uic bael ta stojol ajwalil ta bay Pretorio. Yaquix sacubel tel a te q'uinale. Te judioetic ma ba ochic bael ta bay te Pretorioe. Ja' la sna'ic te ma lecuc sc'oplalic ya xc'ot teme ya x'ochique. Jich ma xju' sti'ic te chij swenta q'uin Pascua.

San Mateo 23:24

¡Ma'sit j'ic'wanejex! Ja' ma x'ac'an ya abiq'uic te ch'in use, yan te camelloe, ja' ya abiq'uic coel scojt'ol stuquel.

Isaías 61:8

Melel te Cajwaltic bin nax yo'tan yu'un te toj-o'tanile; ja' ya yilay te elec' soc te bila amen ta pasele. Jun yo'tan ta yac'beyel sjelol swocol; soc ya me spas trato soc ta swenta sbajt'el q'uinal.

San Mateo 27:5

Jich la xch'oj jilel ta yutil templo te taq'uine. Ba sjojc'an sba ta te' ta smilbel sba.

San Mateo 27:7

La scomon-nopic te ja' ya smanbeyic te sq'uinal te Jpac'jome, swenta yu'un jich me ay yawil smuquenal te mach'atic jyanlumetique.

San Marcos 7:11

Yan te ja'exe jich ya awalic: “Teme ay mach'a ya yalbey te state o teme ja' te sme'e: ‘Ma xju' cu'un te ya jc'uxtayate, melel spisil te bila ay cu'une ja' Corbán’, teme ya yute,