San Mateo 27:5 - Bible in Tzeltal de Oxchuc y Tenejapa

⁵ Jich la xch'oj jilel ta yutil templo te taq'uine. Ba sjojc'an sba ta te' ta smilbel sba.

Nuevo Testamento Tzeltal de Amatenango

⁵ Jich te Judase la xchꞌoj jilel ta templo te takꞌine y ba sjojkꞌan sba ta teꞌ y teꞌ cham a.

Bible in Tzeltal Bachajón

⁵ Ha yu'un la sch'oj hilel ta Templo te lajuneb scha'winic (30) ta sehp plata, loc' bahel soc baht sjihpan sba ta te'.

San Mateo 27:5 Referans Kwoze

2 Samuel 17:23

Te Ahitofel c'alal la yil te ma ba la yich' ch'uunel te bila la yale, la xchajban sburro, bajt' ta sna ta slumal ta banti ainem. C'alal laj yo'tan ta sc'oponel te mach'atic ay yu'une, la sut' snuc', la sjojc'an sba, jich laj. C'ot ta muquel ta banti mucul te state.

San Lucas 1:21

Yan te lume yacalic ta smaliyel ta yamac'ul templo te ya xloc' tel te Zacariase. Talel c'axel la sjojc'obey sbaic bi yu'un te jalajem ta yutil te temploe.

San Lucas 1:9

Jich te bit'il ay ta spasel yu'unic la yich' tsael ta numeroetic te sacerdote te ya x'och ta xchiq'uel pom ta bay yutil templo yu'un te Cajwaltique. Ja' c'ot ta swenta Zacarías.

Salmos 55:23

Dios cu'un, te jmilawetic soc te jpas-lotetic ma ba ya xcuxinic stuquelic, ni yacuc sta olil ya smulanic te xcuxlejalique; ja'at me ya awac' ch'ayuc coel ta sc'ubulil muquenal. Pero te jo'one, ja'at me ya smuc'ulinat co'tan.

Job 7:15

Ja' wan lec te yacuc asut'bonix te jnuq'ue; ja' ya jc'anix te ya xlajone, ma jc'anix te cuxulone.

Job 2:9

Pero jich albot yu'un te yiname: —¿Puersa acuyoj to aba ta lec? Bolc'optaya te Diose, lajan ta jc'axel —xi'.

1 Reyes 16:18

C'alal la yil te Zimri te ju'ix ta pojel yu'unic te lume, och bael ta anel ta yutil spalacio, la yac'bey sc'aal te sna, tey laj ta c'ajq'uel a.

Jueces 9:54

Te Abimelec la yic' tel ta ora te jcuch-at'ejibal yu'une, jich la yalbey: —Loq'uesa tel te apuñale, milawon a, yu'un ma jc'an teme ya yalic: “Jtul nax ants milot yu'un”, teme xiique —xi'. Jich yu'un te jcuch-at'ejibal yu'une la slow ta puñal, jich a laj.

San Mateo 26:61

te jich la yalique: —In winic to la yal: “Ya xju' ya jin te templo yu'un te Diose, soc ya xju' ya jcha'pas xan ta oxeb nax c'aal”, xi' la caiytic —xiic.

San Mateo 27:6

Te jwolwanej-sacerdoteetique la stamic te taq'uine, soc la yalic: —Ma spas ya cac'tic ta yawil smajt'an Dios in taq'uin to te melel ja' stojol xch'ich'el te jtul winique —xiic.