San Mateo 27:43 - Bible in Tzeltal de Oxchuc y Tenejapa

⁴³ Teme ja' smuc'ulinej yo'tan te Diose, ac'a coltayotuc yu'un ta ora to teme jich yo'tane, melel jich yaloj: “Ja' Snich'anon te Diose”, te xie —xiic.

Nuevo Testamento Tzeltal de Amatenango

⁴³ Teme jaꞌ xchꞌuunej te ya xkoltayot yuꞌun te Diose, aꞌ me koltayek yuꞌun ora to teme jich ya skꞌan te Diose. Jich a yal te jaꞌ Xnichꞌan Dios ta skꞌope —xchiik.

Bible in Tzeltal Bachajón

⁴³ La smuc'ulin yo'tan te Diose, ac'a coltayec yu'un teme ya sc'ane, como yaloj te ho'on Snich'anon Dios, xchihic.

San Mateo 27:43 Referans Kwoze

Salmos 22:8

soc jich ya yalic: “Ja' smuc'ulinej yo'tan te Cajwaltique; ja' yu'un ac'a yich' canantayel yu'un. Ac'a scoltay, melel bayal c'ux ta yo'tan”, xiic.

San Juan 10:36

Jich yu'un teme tsabilon yu'un Dios te la sticunon tel ta balumilale, ¿bistuc ya awalbonic te yacon ta stoybac'optayel Dios a te bit'il la cal te ja' Snich'anone?

San Juan 19:7

La yalic te judioetique: —Te jo'otique ay mandaliletic cu'untic te ya yal tey a te bit'il ya yich' milel, melel la yal sba te ja' Snich'an Diose —xiic.

San Juan 10:30

Te jo'one soc te Jtate jun nax ayon soc —xi'.

San Mateo 27:40

—Ja'at te ya ajin te templo soc te oxeb nax c'aal ya acha'pas xan ta ac'ope, coltaya aba atuquel. Teme melel te ja'at Snich'anat te Diose, coan tel ta cruz —xiic ta slabanel.

Isaías 37:10

“Te Dios awu'un te smuc'ulinej awo'tane, yalojbat te ma x'och ta jc'ab te Jerusalén; ja'uc me to, ma xawac' aba ta lo'layel ta stojol.

Isaías 36:18

Teme ya yalbat te Ezequías te ya scoltayex te Dios te Awajwalique, ma me xawac' abaic ta lo'layel yu'un. ¿Ay bal jtuluc te diosetic yu'un te lumetic te la scoltaybey ta sc'ab te muc' ajwalil yu'un Asiria?

Isaías 36:15

Teme ya sc'an yalantesbat awo'tanic te Ezequías, te ja' ya smuc'ulin awo'tan te Awajwalique, soc teme ya yalbeyex: “Ta mero melel ja' ya scoltayotic te Cajwaltique; ma xju' ya yac'bey ta sc'ab Asiria te lume”, teme xie,

Salmos 71:11

Jich la yalic ta jtojol: “Nutsa, tsacaic, melel pijt'esotix yu'un Dios, ma'yuc mach'a ya xcoltayotix yu'un”, xiic.

Salmos 42:10

C'alal ta jbaquel c'oem xc'uxul te uts'inel yu'un te jcontrotaque; spisil ora ya sjojc'obonic: “¿Banti ay te Dios awu'une?” xiic.

Salmos 14:6

Ya slabanic te bi ya sc'an yo'tan te mach'a peq'uelique; ja'uc me to, te Cajwaltic ya me scanantay.

Salmos 3:2

Bayal te mach'atic yacal ta yalel ta jtojol: “Ma xcoltayot yu'un te Diose”, xiic.

San Mateo 27:54

Te centurión yu'un soldadoe soc te mach'atic sjoineje te yacalic ta scanantayel Jesús soque, bayal xiwic yu'un te la yilic te bit'il nijc' te balumilale soc te bayal bila c'ot ta pasele. Jich la yalic: —Melel nix a te ja' Snich'an Dios in winic to —xiic yu'un.

San Lucas 23:35

Spisil te lume, yacalic ta yilel te bila c'ot ta pasele. Soc te jtuuneletic la slabanic te Jesuse. Jich la yalic: —La scoltay yantic. Ta ora to ac'a scoltay sba uuc teme ja' Cristo te tsabil yu'un te Diose —xiic ta slabanel.

San Lucas 23:37

Soc jich la yalbeyic: —Teme ja'at te muc' ajwalilat yu'un te judioetique, coltaya aba quiltic —xiic ta slabanel.