San Mateo 27:42 - Bible in Tzeltal de Oxchuc y Tenejapa

⁴² —La scoltay yantic, ja'uc me to, ma xju' ya scoltay sba stuquel. Teme melel te ja' muc' ajwalil yu'un te Israele, couc tel ta cruz ta ora to. Jich me ya jch'uuntic.

Nuevo Testamento Tzeltal de Amatenango

⁴² —La skoltay te yanetik, pero ma xjuꞌ yuꞌun ya skoltay sba stukel. Teme jich te jaꞌ rey kuꞌuntik joꞌotik te jꞌisraelotike, aꞌ kouk tal te ba kruse. Jich me ya jchꞌuuntik euk.

Bible in Tzeltal Bachajón

⁴² La scoltaylan yantic, laj'a ma xhu' ya scoltay sba stuquel. Teme ha te Ajwalil yu'un Israel, ac'a cohuc tal ta cruz, hich ya jch'uhuntic a.

San Mateo 27:42 Referans Kwoze

San Juan 1:49

Te Natanael la yal: —Maestro, ja'at Snich'anat te Diose, soc ja'at muc' ajwalilat yu'un te lum Israele —xi'.

San Mateo 27:37

Soc la slejch'anbeyic ta bajel ta sjol te cruz te bay ts'ibubil te bila smulineje: “IN TO JA' TE JESÚS TE MUC' AJWALIL YU'UN TE JUDIOETIQUE”, xi' te ts'ibubile.

Hechos 4:14

Te bit'il teq'uel ta sitic te winic te colemixe, majc' sti'ic yu'un.

San Juan 12:47

Te mach'a ya yaiybon stojol te jc'ope, teme ma xyich' ta muq'ue, ma jo'ocon ya cal te bila castigo ya yich' yu'une. Melel ma ja'uc talemon yu'un ta yac'beyel castigo te mach'atic ayic ta balumilale, ja' talemon yu'un te ya jcoltaye.

San Juan 12:13

Jich yu'un la sbojtilayic tel yabenal palmera. Jich loc' staic ta be te Jesuse. Jich la yalic ta aw: —¡Jelawen yutsil! ¡Bin nax yutsil te mach'a talem ta swenta te Cajwaltique! ¡Bin nax yutsil te Muc' Ajwalil yu'un te Israele! —xiic ta aw.

San Juan 9:24

Jich yu'un te judioetique la xcha'yiq'uic xan tel te winic te ma'sit ta neelale. Jich la yalbeyic: —Albotic ta jamal ta stojol Dios te mach'a la sjambat te asite, yu'un jna'ojtic stojol jo'otic te jmulawil te winic ya awale —xiic.

San Lucas 19:38

—¡Bin nax yutsil te Muc' Ajwalil te talemix ta swenta te Cajwaltique! ¡Lamalix q'uinal ta ch'ulchan! ¡Jelawen yutsil te Mach'a ay ta ch'ulchane! —xiic ta aw.

San Mateo 2:2

Jul sjojc'oyic: —¿Banti ay te muc' ajwalil yu'un te judioetic te ayinemixe? La quilbeytic te ec' yu'un te banti talemotic ta stojol sloq'uib c'aale, jich yu'un tal quich'tic ta muc' —xiic.

San Mateo 27:40

—Ja'at te ya ajin te templo soc te oxeb nax c'aal ya acha'pas xan ta ac'ope, coltaya aba atuquel. Teme melel te ja'at Snich'anat te Diose, coan tel ta cruz —xiic ta slabanel.

San Mateo 27:41

Ja' nanix jich la slabanic uuc te jwolwanej-sacerdoteetique, soc te jts'ibojometique, soc te fariseoetique, soc te principaletique. Jich la yalbey sbaic:

San Marcos 15:31

Ja' nanix jich la slabanic uuc te jwolwanej-sacerdoteetic soc te jts'ibojometique. Jich la yalbey sbaic: —La scoltay yantic, ja'uc me to, ma xju' ya scoltay sba stuquel.

San Marcos 15:32

Teme melel te ja' Cristo te Muc' Ajwalil yu'un te Israele, couc tel ta cruz ta ora quiltic. Jich me ya jch'uuntic —xiic. Soc la slabanic uuc te mach'atic pajal jipilic ta cruz soque.

San Lucas 23:35

Spisil te lume, yacalic ta yilel te bila c'ot ta pasele. Soc te jtuuneletic la slabanic te Jesuse. Jich la yalic: —La scoltay yantic. Ta ora to ac'a scoltay sba uuc teme ja' Cristo te tsabil yu'un te Diose —xiic ta slabanel.

San Lucas 23:37

Soc jich la yalbeyic: —Teme ja'at te muc' ajwalilat yu'un te judioetique, coltaya aba quiltic —xiic ta slabanel.