San Mateo 27:3 - Bible in Tzeltal de Oxchuc y Tenejapa

³ Te Judas te ac'awan ta c'abale la yil te bit'il chajbajix sc'oplal ta milel yu'unic te Jesuse. Jich la sujt'es sc'op. Ba sujt'esbey te lajuneb xcha'winic ta jsejp plata-taq'uin ta stojol te jwolwanej-sacerdoteetic soc te principaletique.

Nuevo Testamento Tzeltal de Amatenango

³ Te Judas, te akꞌawan entregale, la yil te tutꞌil chapbotix skꞌoplal ta milel yuꞌunik te Jesuse. Jicha sujt skꞌop. Ba sujtesbey te treinta ta sejp plata-takꞌin te statal-saserdoteetike sok te moletike.

Bible in Tzeltal Bachajón

³ Hich te Judas, te ac'awan ta c'abal, c'alal la yil te chapalix sc'oblal ta milel te Jesús, la sut sc'op, baht sutbe hilel te lajuneb scha'winic (30) ta sehp plata te a'bot yu'un te principal sacerdotehetic soc te mamaletic,

San Mateo 27:3 Referans Kwoze

2 Corintios 7:10

Yu'un teme ya jmel co'tantic ta stojol te Diose, jich me ya yac' sujt'es co'tantic, soc tey me ya xcolotic a. Jich ma ba ya caiytic xan mel-o'tan ta patil. Yan teme ja' ya jmel co'tantic ta swenta nax te balumilale, ya yac'otic ta lajel stuquel.

San Juan 18:3

Jich te Judas tal soc te jtijc' soldadoetique soc uuc te policiaetic yu'un te templo te ticunbilic tel yu'un te jwolwanej-sacerdoteetic soc te fariseoetique. Chapalic tel soc slámparaic soc sc'ajq'uic soc yat'ejibic.

San Juan 13:27

C'alal la stsac te Judase, och Satanás ta yo'tan ta ora. Te Jesús la yalbey: —Te bila ya apase, pasa me ta ora —la yut.

San Juan 13:2

Och pucuj ta yo'tan te Judas te snich'an Simón Iscariote, albot ta yo'tan te bit'il ya yac' ta c'abal te Jesuse. Te Jesús ay ta yo'tan te talem ta stojol Dios, soc te ya sujt' bael ta stojol Dios, soc te bit'il spisil ac'bilix ta sc'ab yu'un te State. Jich yu'un te c'alal yac ta we'el ta mesa, la stejc'an sba jajch'el. La sloq'ues sc'u', soc la xchuc toalla ta xch'ujt'.

Job 20:5

te yutsil q'uinal yaiy te j'amen-o'tane ma ba ya xjalaj bayal c'aal; te yutsil yo'tan ma ba najt'.

Éxodo 21:32

Teme ay ya xluchot ta wacax te manbil abat, manchuc teme ants o winic, ya me yich' milel ta ch'ojel ta ton te wacaxe. Te yajwale ya me x'ac'bot lajuneb xcha'winic (30) ta jsejp taq'uin swenta stojol te yabate.

Zacarías 11:13

Te Cajwaltic jich la yalbon: —Ich'a te taq'uin in to, ja' te buen t'ujbil jtojol yu'unique, ac'a ochel ta stsobjibal taq'uin yu'un templo —xi'. Jich la jtsac te lajuneb xcha'winic (30) ta jsejp platae, la cac' ochel ta stsobjibal taq'uin yu'un templo.

Hechos 1:18

Te Judas tojot yu'un te bila amen la spase, soc la smanic q'uinal a. Tey coel bajt' sjol a, soc t'om te xch'ujt'e, soc spisil chepc'uj loq'uel te sbiquile.