San Mateo 27:26 - Bible in Tzeltal de Oxchuc y Tenejapa

²⁶ Jich yu'un te Pilatoe la scoltay bael te Barrabase. Yan te Jesuse la yac' ochuc ta majel, swenta yu'un ya xba yich' jijp'anel ta cruz stuquel.

Nuevo Testamento Tzeltal de Amatenango

²⁶ Jich te jPilatoe la skoles bael te Barrabase. Pero la yakꞌ ta majel te Jesuse y la yakꞌ ta entregal te ya xba milek ta kruse.

Bible in Tzeltal Bachajón

²⁶ Hich te Pilato la scoltay bahel te Barrabás, soc la yac' ta majel te Jesús, patil la yac' te ya xlaj ta milel ta cruz.

San Mateo 27:26 Referans Kwoze

Isaías 53:5

Ja'uc me to, la yich' lowel ta scaj jtoybaeltic; c'ax swocol ta scaj te amen cat'eltique. Te castigo te c'ax swocol yu'une la yac' lamajuc q'uinal caiytic yu'un; ta swenta bit'il ejch'enaj stuquel te colotic yu'une.

San Juan 19:1

Jich te Pilato la yac' ta iq'uel bael te Jesuse soc la yac' ta majel.

San Marcos 15:15

Jich yu'un te Pilato ja' la scoltay bael te Barrabase, yu'un la sc'an yo'tan te lecuc yo'tanic te lum yu'une. Soc la yac' ochuc ta majel te Jesuse, swenta yu'un ya xba yich' jijp'anel ta cruz stuquel.

San Lucas 23:16

Ya me cac'bey castigo, patil ya me jcoltay bael —xi'.

Isaías 50:6

Jun co'tan la cac'bey smajbonic te jpate, soc jun co'tan la cac' te ya sbulbonic te quisime. Ma ba la jq'uej bael quelaw ta stojol te mach'atic la yixtac'optayonic soc te la stubtayonic.

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

San Marcos 10:34

Ya me slabanic, ya me stubtayic, ya me yac'beyic majel ta nujc'ul, soc ya me smilic. Ja'uc me to, ta yoxebal c'aal ya me xcha'cux tel —xi' te Jesuse.

San Mateo 20:19

Ya me yaq'uic ta sc'ab te jyanlumetique, swenta yu'un ya me yich' labanel yu'unic, soc ya me yich' castigo ta majel ta nujc'ul, soc ya me yaq'uic ta milel ta cruz, ja'uc me to, ta yoxebal c'aal ya me xcha'cux tel —xi' te Jesuse.

San Juan 19:16

Te Pilato la yac'bey ta sc'abic te ya x'ac'ot ta lajel ta cruz. Jich la yiq'uic bael te Jesuse.