San Mateo 27:25 - Bible in Tzeltal de Oxchuc y Tenejapa

²⁵ Maj nax la yalic te lume: —Jichuc, ac'a jmulintic soc cal-jnich'antic smalbeyel xch'ich'el —xiic.

Nuevo Testamento Tzeltal de Amatenango

²⁵ Spisil te genteetike la yalik: —Joꞌotik sok te kuntikiltike, ya jmulimbetik te ya xchame —xchiik.

Bible in Tzeltal Bachajón

²⁵ Hich la sjac' spisil te pueblo: Ac'a c'ohtuc ta jtojolcotic soc ta stojol te cal-jnich'ancotic te sch'ich'ele, xchihic.

San Mateo 27:25 Referans Kwoze

Josué 2:19

Teme ya xloc' jtuluc ta ana, jich nix me ya xc'ot lajel ta swenta, ma me jmulticuc ya xc'ot te jo'otique. Yan teme ay mach'a ya yochintay te anae, jo'otic me jmultic ya xc'ot stuquel.

Hechos 5:28

—¿Ma bal tulanuc mandal la caltic ta atojolic te ma x'awaiyiquix p'ijubteswanej ta swenta sbiil te Jesuse? Ja'uc me to, amen te bila la apasique, melel ta spamal Jerusalén, la apuquiquix te nopjibal awu'unique, soc ya ac'an awac'botic jcuchtic te bit'il laj ta milel te winique —xi'.

Hechos 7:52

¿Ay bal jtuluc j'alwanej yu'un Dios te ma la scontroinique? La smilic te mach'atic la yalbeyic sc'oplal te ya xtal te Mach'a toj yo'tane. Ja'uc me to, te c'alal tale, ja'ex la awaq'uic ta c'abal soc la amilic.

Deuteronomio 19:10

Jich me ma ba tojol ya yich' malel xch'ich'el te mach'a ma'yuc bila amen spasoj ta bay lumq'uinal te ya yac'beyex awu'uninic te Cajwaltic te Dios cu'untique, soc swenta yu'un jich ma ba ya amulinic a teme ay mach'a laje.

Números 35:33

“Ma me xaboltesbeyic sc'oplal ta swenta smalel ch'ich' te lumq'uinal ta bay ya x'ainexe, melel te ch'ich' ya sboltesbey sc'oplal te lumq'uinale. Ma xju' te ya yac' taq'uin swenta scoltayel ta libre te jtul jmilawale, jich yu'un puersa me ya yich' milel te mach'a la smal ch'ich' swenta yu'un ya xlecub sc'oplal te lumq'uinale.

1 Reyes 2:32

Te Cajwaltic ja' ni me ya yac'bey c'otuc ta swenta te Joab te bit'il ja' nix ta scaj smul te laje. Melel te Joab ma smandaluc jtat te la smil ta puñal te cheb buen lequil winiquetic te c'axem lec yat'elic te bit'il yat'el stuquel. Ja'ic te Abner snich'an Ner, general yu'un soldado-israeletic, soc te Amasa te snich'an Jeter, general yu'un soldadoetic ta Judá.

2 Samuel 1:16

Te David jich yac ta yalel: —Ja'at nix ta amul te lajate, melel ja'at nix la awal ta jamal te amul, te ja'at la amil te muc' ajwalil tsabil yu'un te Cajwaltique —xi'.

Deuteronomio 19:13

Ma me x'ana'beyic yo'bolil sba, jich me ma'yuc mach'a tojol ya yich' malel xch'ich'el ta bay slum-sq'uinal Israel. Jich me spisil lec ya xc'ot a te bila ya apasique.

Éxodo 20:5

Ma me xaquejan aba ta stojolic, ma me xach'uunic. Melel jo'on Ajwalilon te Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal.

San Mateo 21:44

In te ton ya cale, teme ay mach'a ya syales sba a, ya me xlilaj tey a. Soc teme ya xnet'ot yu'un te tone, jc'axel me tan ya xjil yu'un] —xi' te Jesuse.

Hechos 18:6

Ja'uc me to, te judioetic jajch' scontroinic te Pabloe soc la stoybac'optayic. Te Pablo jich la yal ta slilanel te sc'u'e: —Ay ta awenta atuquelic teme ch'ayel ya xbaexe. Te jo'one, ma jwentauc ya xc'ot. Ta ora to, ja' ya xba calbey yaiy lec yach'il c'op te jyanlumetique —la yut jilel.