San Mateo 27:2 - Bible in Tzeltal de Oxchuc y Tenejapa

² Jich la xchuquic bael. C'o yac'beyic ta sc'ab te Gobernador Poncio Pilato.

Nuevo Testamento Tzeltal de Amatenango

² Xchukojik bael sok kꞌo yakꞌik entregal ta skꞌab te Poncio Pilatoe te ay ta gobiernoil yuꞌun a te Romae.

Bible in Tzeltal Bachajón

² Chucul a la yiq'uic bahel, c'oht ya'beyic ta sc'ab te gobernador Poncio Pilato.

San Mateo 27:2 Referans Kwoze

Hechos 3:13

Ja' te Dios yu'un Abraham, Isaac, Jacob te ja' Dios yu'un te antiguo jme'-jtatique, la yaq'uix ta ich'el ta muc' te Snich'ane, ja' te Jesús te la awaq'uic ta c'abale. Te c'alal c'an yich' coltayel yu'un te Pilatoe, te ja'exe ma la ac'anic.

San Mateo 20:19

Ya me yaq'uic ta sc'ab te jyanlumetique, swenta yu'un ya me yich' labanel yu'unic, soc ya me yich' castigo ta majel ta nujc'ul, soc ya me yaq'uic ta milel ta cruz, ja'uc me to, ta yoxebal c'aal ya me xcha'cux tel —xi' te Jesuse.

1 Timoteo 6:13

Ta ora to ya jpasat ta mandal ta stojol Dios te yac'ojbey xcuxlejal spisil te bitic aye, soc ta stojol Jesucristo te jamal la yal sba ta stojol te Poncio Pilatoe.

San Lucas 13:1

Jich ora ay mach'atic ba yalbeyic yaiy te Jesuse te bit'il ay galileaetic te ticunotic ta milel yu'un te Pilatoe, soc tey mero malbot xch'ich'elic a te banti yacalic smilbel smajt'an te Diose.

Hebreos 13:3

Juluc me ta awo'tanic te mach'atic ayic ta chuquele. Jichuc me c'oem ta awo'tanic te bit'il pajal chuculat soque. Ja' nix me jich te mach'atic ayic ta uts'inele, jichuc me c'oem ta awo'tanic te bit'il pajal ayat ta uts'inel soque.

2 Timoteo 2:9

Ja' ta swenta in lec yach'il c'op to te ayon ta woclajele. Melel chuculon ta cadena jich bit'il te mach'a baquel mulil staoj ta stojol te ajwalile, ja'uc me to, ma xju' ta chuquel stuquel te sc'op Diose.

Hechos 28:20

Jich yu'un la quiq'uex tel te ya xc'opojon ta atojolique. Melel te bit'il chuculon ta cadena ya awilique, ja' nax ta scaj te bila smuc'ulinej co'tantic ta smaliyel jo'otic te israelotique —xi' te Pabloe.

Hechos 24:27

Cheb ja'wil jich la spasulay te Felixe. Jich loc' ta ajwalil. Ja' la sjelolin jilel ta ajwalil te Porcio Festo. Te Félix la sc'an yo'tan te lecuc yo'tan ya xjilic yu'un te judioetique, jich la yijq'uitay ta chucjibal te Pabloe.

Hechos 22:29

Te mach'atic c'an smajic te Pabloe, ora la sq'uej sbaic ta stojol. In te bit'il la yaiy stojol te coronele te ja' romano-winic te Pabloe, bayal xiw yu'un te bit'il chuculix yu'une.

Hechos 22:25

Te c'alal la xchucbeyic sc'ab te Pabloe swenta yu'un ya yich' majel ta nujc'ul yu'unic, ja'uc me to, te Pabloe la sc'opon te centurión te tey ay a: —¿Ya bal stac' te ya yich' majel ta nujc'ul te mach'a romanoe? Ni ja'uc teme ay smule —xi' te Pabloe.

Hechos 21:33

Te c'alal c'ot te coronele, la yac' ta tsaquel ta ora te Pabloe. La yal mandal ta chuquel ta cha'lijc' cadena, soc la sjojc'obey te mach'a a te winique soc te bila amen spasoje.

Hechos 12:6

Te Herodes pajel xanix te ya yic' loq'uel ta chucjibal a te Pedroe, swenta yu'un ya stejc'an ta comonsitil ta stojol te lume. Ja'uc me to, ta ajc'ubal wayal ta chucjibal te Pedroe, lapal ta olilal yu'un cheb soldadoetic, soc chucul ta cha'lijc' cadena. Te yan soldadoetique scanantayejic te ti'chucjibale.

Hechos 9:2

La sc'anbey carta te ya xc'o yac'bey te mach'atic swentainejic te sinagogaetic ta bay lum Damasco, swenta yu'un jich me ya sle te mach'atic xch'uunejic te yach'il nopjibale, chican teme winiquetic o antsetic, te jich me chucul ya yic' tel ta Jerusalén.

Hechos 4:27

“Jich nix la spas a te Herodese soc te Poncio Pilatoe. La stsob sbaic li'to ta lum soc te jyanlum winiquetique soc uuc te jlumaltique. La scontroinic te Ach'ul-nich'ane te ja' te Cristo awu'une.

San Juan 18:24

Jich yu'un te Anás chucul la sticun bael Jesús ta stojol te muc' sacerdote Caifase.

San Juan 18:12

Ta stijq'uilic te soldadoetique soc te coronel yu'unique soc te policiaetic yu'un te judioetique, la sjumtayic ta tsaquel te Jesuse. Chucul la yiq'uic bael.

San Lucas 20:20

Jich yu'un la sticunic jtsajtaywanejetic te scuyoj sbaic ta lec yo'tanic ta ilel ta stojol te Jesuse, swenta yu'un jich me ya yac'beyic yal te bila amene. Yu'un jich me ya yaq'uic ta sc'ab a te ajwalile.

San Lucas 3:1

Yo'lajunebalix ja'wil yochel ta muc' ajwalil a te Tiberio Cesare, ja' ay ta Gobernador ta bay sq'uinal Judea te Poncio Pilatoe. Te Herodese ja' ay ta ajwalil ta bay sq'uinal Galilea. Soc ay ta ajwalil ta sq'uinal Iturea soc ta sq'uinal Traconite te Felipe te yijts'in te Herodese. Soc ja' ay ta ajwalil ta sq'uinal Abilinia te Lisaniase.

Génesis 22:9

C'alal c'otic ta bay q'uinal albot yu'un te Diose, jich yu'un te Abraham la spasbey scajtijib ta chiq'uel smajt'an Dios. La xchajbanbey si'il te c'ajq'ue, la sc'ol ta chuquel te Isaac, la sjawan ta sba si' ta scajtijib te smajt'an Dios te la spase.

San Mateo 28:14

Soc teme la yaiy stojol te ajwalile, jo'otic me ya xba c'opojucotic awu'unic. Jich me ma'yuc awocolic ya xc'oex —xiic.

San Lucas 23:1

Jich jajch'ic bael ta spisilic, la yiq'uic bael ta stojol Pilato te Jesuse.

San Lucas 23:12

Jich ora te junaj yo'tan sbaic c'ot soc Pilato te Herodese, yu'un ayix c'aal te scontroinej sbaique.

San Juan 18:28

La yiq'uic loq'uel ta sna Caifás te Jesuse soc la yiq'uic bael ta stojol ajwalil ta bay Pretorio. Yaquix sacubel tel a te q'uinale. Te judioetic ma ba ochic bael ta bay te Pretorioe. Ja' la sna'ic te ma lecuc sc'oplalic ya xc'ot teme ya x'ochique. Jich ma xju' sti'ic te chij swenta q'uin Pascua.

Jueces 15:12

Jich la yalbeyic: —Te jo'otique tal jchucticat bael, yu'un ya awich' aq'uel ta sc'ab te filisteoetique —xiic. Te Sansón la yal: —Albonic ta jamal te ma ja'uc ya amilonic te ja'exe —xi'.