San Mateo 27:18 - Bible in Tzeltal de Oxchuc y Tenejapa

¹⁸ Melel sna'oj stojol te bit'il lab-o'tantaybil yu'unic te Jesuse te ja' swentail te la yaq'uic ta c'abale.

Nuevo Testamento Tzeltal de Amatenango

¹⁸ Jicha sjojkꞌolanbe yuꞌun snaꞌojbe sluwar te tutꞌil laꞌoꞌtantaybil yuꞌunik te Jesuse te jaꞌ sluwar te la yakꞌik entregale.

Bible in Tzeltal Bachajón

¹⁸ Como sna'oj te ta scaj yil-o'tantaybelic te la yaq'uic ta c'abal.

San Mateo 27:18 Referans Kwoze

Proverbios 27:4

Te ilimba ya yac' wocol, te sc'ajc'al-o'tanil ya xjinawan; pero ma xju' ta comel te paichale.

Hechos 5:17

Jich te muc' sacerdote soc te mach'atic sjoinej sbaic soque te ja' ayic ta swenta te saduceoetic sbiile, lijc' bayal slab yo'tanic.

San Marcos 15:10

Yu'un sna'oj stojol te Pilato te lab-o'tantaybil yu'unic te Jesuse, ja' swentail te ac'ot ta c'abal yu'un te jwolwanej-sacerdoteetique.

Santiago 4:5

Ja' swentail te jich ts'ibubil jilel ta Sjun te Diose: “Te Espíritu te yac'oj snainbotic co'tantic te Diose, bayal sc'anoj ta yo'tan”, te xie.

Hechos 13:45

Te judioetique la yilic te ay bayal mach'atic la stsob sbaique, jich jajch' slab-o'tantayic. Jajch' yalic te ma meleluc te bi ya yal te Pabloe, soc la scontroc'optayic soc la stoybac'optayic.

Hechos 7:9

“Te snich'nab Jacobe, ja' te antiguo tatiletic cu'untique, la sbic'tal-o'tantayic te José te yijts'inique. La xchonic. Jich ic'ot bael ta sq'uinal Egipto, ja'uc me to, te Joseje joinbil yu'un te Diose.

Génesis 37:11

Te José lab-o'tantayot yu'un sbanquiltac ta scaj te swaiche. Yan te state bayal bi la snop yu'un.

Isaías 26:11

Cajwal, chapalix awu'un te castigo; ja'uc me to, ma sc'an sna'ic stojol. C'alal ya yilic te yip xc'uxul awo'tan ta stojol te lum awu'une, ya me xjilic ta q'uexlal yu'un. Ayuc laj bit'il ya xlajic ta c'ajq'uel yu'un sc'aal te awilimbae.

Eclesiastés 4:4

La quil te bayal ya x'at'ejotique, te bayal ya x'esmaj jbiluctic swenta bit'il muc' at'el ya jchajbantique, talel c'axel ya xjajch' bic'tal-o'tantay jbajtic yu'un. Ja' nix jich mero tojol ta jyalel, soc te ja' pajal soc te yacuc jtsactic te iq'ue.

Salmos 106:16

Ta scampamentoic la sbic'tal-o'tantayic te Moisés soc te Aarón, te ch'ultesbilic yu'un te Cajwaltique.

San Mateo 27:17

Te c'alal stsoboj sbaiquix tel ta spisilique, te Pilato la sjojc'obey yaiy: —¿Mach'a ya ac'anic te ya jcoltay bael ta chuquele? ¿Ja' bal te Barrabase, o ja' te Jesús te Cristo xi' sc'oplale? —xi'.

San Mateo 27:19

Te bit'il nacal ta bay chajbajibal te Pilatoe, la sticun tel aiyej te yiname te manchuc ya yac' sba a, te melel ma'yuc smul te winique. “Yu'un c'ax jwocol ta swaichinel ta ajc'ubal”, xi' tel te sc'ope.