San Mateo 27:11 - Bible in Tzeltal de Oxchuc y Tenejapa

¹¹ Te Jesús la yich' tejc'anel ta stojol te Gobernador. Jich jojc'obot yu'un: —¿Ja'at bal Muc' Ajwalilat yu'un te judioetique? —xi'. La yal te Jesuse: —Ja'at te jich la awale —xi'.

Nuevo Testamento Tzeltal de Amatenango

¹¹ Te Jesuse ikꞌot bael ta stojol te gobiernoe. Jich jojkꞌobot: —¿Me jaꞌat te reyat yuꞌun te juriyoetike? —xchi. La yal te Jesuse: —Jaꞌat te jich ya awale —xyut.

Bible in Tzeltal Bachajón

¹¹ Teq'uel ta stojol gobernador te Jesús, hich joc'obot yu'un: ¿Ha'at bal te Ajwalilat yu'un te judíohetique? xchi sc'oblal. Ha'at nix yac awal, xchi te Jesús.

San Mateo 27:11 Referans Kwoze

San Mateo 26:25

C'opoj uuc te Judase, te j'ac'awal ta c'abale: —Maestro, ¿jo'on bal ya cac'at ta c'abal? —xi'. La yal te Jesuse: —Ja'at nax —la yut.

San Marcos 14:62

La yal te Jesuse: —Jo'on abi. Ya me awilic te Nich'anil nacal ta swa'el sc'ab Dios te ay yu'ele, soc te ya xtal ta tocal ta sjamalul ch'ulchane —xi' te Jesuse.

San Mateo 26:64

La sjac' te Jesuse: —Jich te bit'il la awale. Soc ya calbat, ta ora bael to ya me awil te Nich'anil nacal ta swa'el sc'ab Dios te ay yu'ele, soc te ya xtal ta tocal ta sjamalul ch'ulchan —xi'.

San Mateo 2:2

Jul sjojc'oyic: —¿Banti ay te muc' ajwalil yu'un te judioetic te ayinemixe? La quilbeytic te ec' yu'un te banti talemotic ta stojol sloq'uib c'aale, jich yu'un tal quich'tic ta muc' —xiic.

1 Timoteo 6:13

Ta ora to ya jpasat ta mandal ta stojol Dios te yac'ojbey xcuxlejal spisil te bitic aye, soc ta stojol Jesucristo te jamal la yal sba ta stojol te Poncio Pilatoe.

San Mateo 10:25

Jich te jnopojele tic'uc me ya yaiy a teme pajal ya xc'ot soc te yajmaestroe. Soc jich uuc te mach'a ay ta abate, tic'uc me ya yaiy a teme pajal ya xc'ot soc te yajwale. Teme Beelzebú xi' sc'oplal te jwolwanej yu'un te jwol nae, ¿ja'uc to bal a te mach'atic ay yu'un ta snae?

San Mateo 10:18

soc ya me yiq'uex bael ta stojol ajwaliletic soc ta stojol muc' ajwaliletic ta jo'on jwenta. Jich me ya awalic testigo-c'op ta stojolic soc ta stojol te jyanlumetique.

San Lucas 22:70

Spisilic la sjojc'obeyic: —¿Yu'un bal ja'at Snich'anat te Diose? —la yutic. La yal te Jesuse: —Jichon te bit'il la awalique —xi'.