San Mateo 26:75 - Bible in Tzeltal de Oxchuc y Tenejapa

⁷⁵ Jich jul ta yo'tan ta ora te Pedro te bila albilix yu'un ta neelal te Jesuse: “Ma to x'oc' a te mute te ya amucon ta awo'tan oxeb buelta”, te xie. Jich loc' bael. Ba yoq'uetay sba yu'un.

Nuevo Testamento Tzeltal de Amatenango

⁷⁵ Jich a snaꞌ ta ora te jPedroe te tut albil nail yuꞌun te Jesuse: “Ma to xꞌokꞌ a te tat kꞌoꞌe la amukonix ta awoꞌtan oxmel a” te xchie. Jicha lokꞌ bael teꞌa te jPedroe, ba yokꞌetay sba yuꞌun xpichꞌ yoꞌtan sba.

Bible in Tzeltal Bachajón

⁷⁵ Ha yu'un te Pedro hul ta yo'tan te bin la yal te Jesús: Ma to x'oc' tat mut a te yac amucon ta awo'tan oxeb buelta, te xchihe. Hich loc' bahel soc bayel la yoq'uetay sba yu'un.

San Mateo 26:75 Referans Kwoze

San Mateo 26:34

Jesús la yalbey: —Jamal ya calbat, ja' in ajc'ubal to, ya amucon ta awo'tan oxeb buelta te ma to x'oc' a te mute —xi'.

San Juan 13:38

Jesús la yalbey: —¿Ya bal awac' aba ta lajel cu'un? Jamal ya calbat: Ma to x'oc' mut yo'tic a te ya amucon ta awo'tan oxeb bueltae —la yut.

Gálatas 6:1

Quermanotac, teme ay mach'a la awilic te la staix smule, te ja'ex te wentainbil awo'tanic yu'un te Espiritue, lamaluc me awo'tan ya acoltay ta sujt'esel yo'tan ta stojol Dios. Soc tsajtaya me aba uuc, ma me ja'uc te ya xlajat ta sujel ta mulil uuc te ja'ate.

1 Pedro 1:5

Ya me scanantayex ta yu'el te Diose ta swenta xch'uunjel awo'tanic, swenta yu'un jich me ya ataic te bila chajbanbil te ya yac'beyex awich'ic ta slajibal c'aale.

1 Corintios 4:7

¿Mach'a la yalbat te cajalat yu'un te yantique? ¿Ay bal bila ay awu'un te ma ac'bilucate? Soc teme ja' yac'ojbat spisil te Diose, ¿bistuc te toyol nax q'uinal ya awaiy yu'une? Melel ma atuqueluc te la awejt'ese.

San Mateo 10:33

Yan te mach'a ya smucon ta yo'tan ta stojol te ants-winiquetique, jich nix te jo'one ya jmuc ta co'tan ta stojol te Jtat te ay ta ch'ulchane.

San Mateo 26:74

Jich te Pedro jajch' ta bol c'op, soc la yac' ta testigo yan buelta te Diose: —Yilojon Dios te ma jna'bey sba te winic ya awale —la yut. Ora oc' te mute.