San Mateo 26:74 - Bible in Tzeltal de Oxchuc y Tenejapa

⁷⁴ Jich te Pedro jajch' ta bol c'op, soc la yac' ta testigo yan buelta te Diose: —Yilojon Dios te ma jna'bey sba te winic ya awale —la yut. Ora oc' te mute.

Nuevo Testamento Tzeltal de Amatenango

⁷⁴ Jich te jPedroe tulan a lijk kꞌopojuk, y la yakꞌ xan ta testigo te Diose, y la yal: —Yilojon Dios te ma jnaꞌbe sba te winik me to —la yut. Mismo tiempo a okꞌ te tat kꞌoꞌe.

Bible in Tzeltal Bachajón

⁷⁴ Te Pedro hich hahch yalbe chopol sc'oblal soc ta yalel ta jamal: ¡Ma jna'be sba te winique! xchi. Hich ora oc' te tat mute.

San Mateo 26:74 Referans Kwoze

Apocalipsis 3:19

Te jo'one ya jp'ijubtes soc ya jtac'uy spisil te mach'a c'ux ya caiy ta co'tane. Junajuc me awo'tan ta jtojol, sujt'esa me awo'tan.

1 Corintios 16:22

Teme ay mach'a ma c'uxuc ya yaiy ta yo'tan te Cajwaltic Jesucristoe, ac'a bajt'uc ta ch'ayel abi. Ya me xtalix te Cajwaltique.

San Juan 18:27

La smuc xan ta yo'tan te Pedroe. Ora oc' te mute.

San Mateo 10:28

Ma me x'axi'ic te mach'atic ya smilbeyex abaq'uetalique, ja'uc me to, ma xju' yu'un ya smilbeyex stuquel te ach'ulelique. Ja' me x'axi'ic te Mach'a ya xju' yu'un ya yaq'uex ta lajel soc abaq'uetalic soc ach'ulelic ta bay infierno.

Romanos 9:3

Co'tanuc te ya cac' jba ta ch'ayel ta o'tanil yu'un Cristo ta swenta xc'uxul co'tan te jich ya xcolic a te quermanotac te jun jts'umbal soque.

San Lucas 22:60

La yal te Pedroe: —Tatic, ma jna' stojol te bila ya awale —la yut. Yac to ta c'op a te oc' te mute.

San Marcos 14:68

Te Pedro la smuc ta yo'tan: —Ni ya jna'bey sba, ni ya jna' te bi ya awalbone —xi'. Jich loc' bael te Pedroe. Ba stejc'an sba ta bay te ti'naile. [Oc' te mute.]

San Marcos 14:30

Jesús la yalbey: —Jamal ya calbat, te ja' nix in ajc'ubal to ya amucon ta awo'tan oxeb buelta te ma to x'oc' cheb buelta a te mute —xi'.

San Mateo 27:25

Maj nax la yalic te lume: —Jichuc, ac'a jmulintic soc cal-jnich'antic smalbeyel xch'ich'el —xiic.

Jueces 21:18

Te jo'otique ma xju' ya cac'tic xnujbinic soc cantsil-nich'nabtic, melel jpisiltic jo'otic te israelotic, calojtic ta jamal te boloben me sc'oplal te mach'a ya yac'bey yiname te benjaminetique —xiic.

Jueces 17:2

La yal sba ta jamal ta stojol sme': —Te jmil soc jo'winic (1,100) ta jsejp plata te ay mach'atic la yelc'anbate, te la awalbey amen sc'oplal te j'eleq'ue, jo'on quich'oj, jo'on xc'otuc quelc'anbat. Yo'tic ya jsujt'esbat. La caiyix stojol te yacat ta yalel te awac'ojix yu'unin te Cajwaltique, te ya yich' pasel jun loc'omba a te buen pasbil soc pac'bil ta plata —xi'. La sujt'esbey te plata, ja' yu'un te sme' la yal: —Cal, ac'a yac'bat bendición te Cajwaltique —xi'.

San Mateo 26:34

Jesús la yalbey: —Jamal ya calbat, ja' in ajc'ubal to, ya amucon ta awo'tan oxeb buelta te ma to x'oc' a te mute —xi'.

San Mateo 26:73

Ta patil xan noptsaj tel ta stojol te mach'atic tey ayic a: —Melel nix a te ja'at ajoy aba soque, melel chican ta ac'op te ya xc'opojate —xiic.

San Mateo 26:75

Jich jul ta yo'tan ta ora te Pedro te bila albilix yu'un ta neelal te Jesuse: “Ma to x'oc' a te mute te ya amucon ta awo'tan oxeb buelta”, te xie. Jich loc' bael. Ba yoq'uetay sba yu'un.