San Mateo 26:69 - Bible in Tzeltal de Oxchuc y Tenejapa

⁶⁹ Te Pedro nacal ta fuera ta yamac'ul na. Tey noptsaj tel jtul criada ta stojol te jich albot yu'une: —Te ja'ate ja' ajoy aba soc te Jesús te talem ta sq'uinal Galilea —xi'.

Nuevo Testamento Tzeltal de Amatenango

⁶⁹ Te jPedroe nakal ta juera te ba yamakꞌul te nae. Tijilaj tal ta stojol teꞌa jtul kriarail y jicha albot yuꞌun: —Te jaꞌate jaꞌ ajoy aba sok te Jesus te talem ta Galilea —xchi.

Bible in Tzeltal Bachajón

⁶⁹ Te Pedro hucul ta amac' a, nohpoj tal jtuhl criada, hich la yalbe: Ha'at nix ajoquinej te Jesús talem ta Galilea, xchi.

San Mateo 26:69 Referans Kwoze

San Mateo 26:71

Te Pedro yaquix ta loq'uel bael ta ti'nail a te ilot yu'un yan criada te jich caj yalbey te mach'atic tey ayic a: —In winic to la sjoin uuc te Jesús te Nazarete —xi'.

1 Reyes 19:13

C'alal la yaiy te Elías, la smac sit ta smeyil pac'. Loc' tel ta sti'il te nailch'ene. Jich ora jul c'op ta stojol, te jich la yal: —¿Bi ya apas, Elías? —xi'.

Hechos 5:37

Patil jich la spas uuc ta yorail censo te jtul Galileo-winic te Judas sbiile. La slo'lay tsobol ta jtul te ba sjoin sbaic soque, ja'uc me to, ja' nanix jich laj ta milel uuc. Spisil pujq'uic bael te swinictaque.

San Juan 7:52

La yalbeyic: —¿Ja'at bal Galileaat uuc? Nopa ta lec te Sjun Diose. Tey me ya awil a te ma'yuc jtuluc j'alwanej ya xtal ta Galilea —la yutic.

San Juan 7:41

Te yantique la yalic: —Ja'ix in to te Cristoe —xiic. Ja'uc me to, yan la yalic: —¡Bay xtal! ¿Ya bal c'an taluc ta sq'uinal Galilea te Cristoe?

San Juan 1:46

Te Natanaele jich la yal: —¿Yu'un bal ay bila lec ya xloc' tel ta Nazaret? —xi'. Jich la yal te Felipee: —Ya xba quiltic awil jiche —la yut.

San Mateo 26:58

Jich te Pedroe nam ts'ajc' la yil bael ta sts'aclinel, ja' to c'alal ta bay yamac'ul sna te muc' sacerdotee. Tey och bael uuc a, soc la sjoin ta naclej te policiaetic yu'un te temploe, yu'un ya yil te bit'il ya xc'ot ta loq'uel te Jesuse.

San Mateo 26:3

Ja' yorail te la stsob sbaic te jwolwanej-sacerdoteetique soc te jts'ibojometic soc te principaletic yu'un te lume. Tey la stsob sbaic a ta bay yamac'ul sna te muc' sacerdote Caifase.

San Mateo 21:11

Ta spisil te ants-winiquetique jich la yalic: —Ja' te j'alwanej yu'un Dios te Jesús sbiil te talem ta lum Nazaret ta sq'uinal Galilea —xiic.

Salmos 1:1

Bin nax me yutsil te ants-winic te ma st'unbey sbe te mach'atic amen yo'tanique, te ma sc'ainbey yat'elic te mach'atic yat'elinejic sleel smulique, soc te ma junuc yo'tan sba soc te mach'atic ya slabanic te Diose,

1 Reyes 19:9

C'alal c'ot, och bael ta nailch'en, tey c'ax yu'un a te ajc'ubale. Pero te Cajwaltic c'oponot yu'un, jich albot: —¿Bi ya apas li'to, Elías? —xi' sc'oplal.

San Mateo 26:70

Te Pedro la smuc ta yo'tan ta stojolic: —Ma jna' te bila ya awalbone —xi'.