San Mateo 26:67 - Bible in Tzeltal de Oxchuc y Tenejapa

⁶⁷ Jich caj stubtaybeyic sit yelaw soc la yac'beyic majel, soc yan la spac'beyic ta majel te site,

Nuevo Testamento Tzeltal de Amatenango

⁶⁷ Jich lijk stubutayik ta sit y lijk smajik. Te yanetik la smakbeyik sit

Bible in Tzeltal Bachajón

⁶⁷ Ha yu'un hahch stuhbataybeyic sit yelaw te Jesús soc la spujic ta majel; ay yantic la smajbeyic scho,

San Mateo 26:67 Referans Kwoze

Isaías 50:6

Jun co'tan la cac'bey smajbonic te jpate, soc jun co'tan la cac' te ya sbulbonic te quisime. Ma ba la jq'uej bael quelaw ta stojol te mach'atic la yixtac'optayonic soc te la stubtayonic.

Isaías 53:3

te ants-winiquetique la yilayic, ma la yich'ic ta wenta. Jich yilel sit-yelaw te nojel ta yo'tan te bila c'uxe, c'aem ta woclajel. Jich c'oem te bit'il mach'a ma'yuc ta ilele, la quilaytic, ma la quich'tic ta wenta.

San Juan 18:22

C'alal la yal jich te Jesuse, te jtul policia yu'un templo te teq'uel tey a la spac'bey ta majel yelaw te Jesuse. Soc la yalbey: —¿Jich bal ya asujt'esbey sc'op te muc' sacerdote? —la yut.

San Mateo 27:30

La stubtayic soc la stsacbeyic te jalale, la smajbeyic ta sjol.

San Marcos 14:65

Jich jajch' stubtayic, soc la smacbeyic sit ta pac', soc la yac'beyic majel. Jich la yalbeyic: —¡Ala caiytic te mach'a la smajate! —xiic. Soc uuc te policiaetique la spac'beyic ta majel yelaw.

San Mateo 5:39

Ja'uc me to, jo'on ya calbeyex: Teme ay mach'a amen te bila ya spasbate, ma me xasujt'esbey spacol. Teme la smajbat te swa'el achoe, ac'a smajbat xan te yan mejch'e.

Hebreos 12:2

Ja' me ya jtojlintic ta ilel te Jesuse te la yac'botiquix quiltic te bit'il ya sc'an ya cac' xch'uunjel co'tantic ta stojol te Diose, soc te ya yac' ju'uc cu'untique. Melel te Jesuse soc sbujts' yo'tan la sts'ic swocol ta milel ta cruz, soc ma'yuc sc'oplal ta yo'tan te sq'uexlal te lajel ta cruz. Yu'un sna'oj stojol teme c'ax swocole, ya me sta bayal sbujts' yo'tan yu'un ta patil, soc la snajc'anix sba ta swa'el smuc'ul nactijib te Diose.

San Juan 19:3

Jich la yalbeyic: —¡Viva! ¡Mero muc' ajwalilat cati yu'un te judioetique! —xiic ta labanwanej. Soc la spac'beyic ta majel te yelawe.

San Marcos 15:19

La smajbeyic jalal ta sjol, soc la stubtayic, soc la squejan sbaic ta swenta yich'el ta muc' ta sc'opic.

Lamentaciones 3:30

Ya me sc'an te jun yo'tan ya yac' ta majel yelaw yu'un te mach'a ya x'ejch'entesot yu'une, soc te jun yo'tan ya sc'ases te bayal bolc'optayele.

Isaías 52:14

Ja'uc me to, bayal xiw yo'tanic yu'un te la yilique; melel te yelawe yanajem ta ilel, ma pajaluquix soc ch'ich'-baq'uet yilel.

1 Corintios 4:13

Ya sbolc'optayotic, ja'uc me to, lec ya jsujt'esbeytic sc'opic. Jich c'oemotic ja' to c'alal ora to, te bit'il sts'ubil c'a'palotic yu'un te balumilale, te ma'yuc sc'oplal ta jc'axele.

San Marcos 10:34

Ya me slabanic, ya me stubtayic, ya me yac'beyic majel ta nujc'ul, soc ya me smilic. Ja'uc me to, ta yoxebal c'aal ya me xcha'cux tel —xi' te Jesuse.

Miqueas 5:1

La yal te Cajwaltic: —Yan ta ora yo'tic, Jerusalén, chajbana me te ajoyob ts'ajc'ul, melel joytaybilatix yu'un te acontro, soc ya me yac'bey tulan castigo te jtsobwanej yu'un Israel.

Lamentaciones 3:45

La awac'otic ta ilayel ta stojol spisil te ants-winiquetique.

Jeremías 20:2

la yal mandal te ya yich' majel, soc te ya yich' xojel jilel yacan ta te' te ay ta Cajal Yochibal yu'un Benjamín, te nopol yiloj sba soc templo.

1 Reyes 22:24

Te Sedequías snich'an Quenaaná noptsaj bael ta sts'eel te Micaías, c'o yac'bey majel, jich la yalbey: —¿Banti la yijq'uitayon te Espíritu yu'un Cajwaltic swenta yu'un ya sc'oponat te ja'ate? —xi'.

Deuteronomio 25:9

ya me xnoptsaj bael te antse. Ta comonsitil ta stojol te mamaletique ya me sloq'uesbey ta yacan te stepe, ya me stubtaybey yelaw, soc jich me ya yalbey ta stojol: “¡Jich ya yich' pasel ta stojol te winic ma sc'an ya yac'bey sts'umbal te yermanoe!” ya me yut.

Números 12:14

Te Cajwaltic la sjac': —Teme ya stubtaybey yelaw te state, ya me xq'uexaw juquebuc c'aal. Jich me c'oem. Ac'a yich' loq'uesel ta campamento juqueb c'aal, ta patil ac'a sujt'uc tel —xi' te Cajwaltique.

San Mateo 26:68

Soc la yalbeyic: —Teme ja'at te Cristoat ta ac'ope, ala caiytic te mach'a la smajbat te asite —la yutic.