San Mateo 26:65 - Bible in Tzeltal de Oxchuc y Tenejapa

⁶⁵ Te muc' sacerdote la xch'i' sc'u' yu'un te bila la yal te Jesuse. Jich la yal: —La stoybac'optayix te Diose. ¿Bistuc xan yan testigoetic cu'untic? Ta ora to la awaiybeyiquix stojol te stoyba c'ope.

Nuevo Testamento Tzeltal de Amatenango

⁶⁵ Te statal-saserdotee la xchꞌiꞌ skꞌuꞌ-spakꞌ yuꞌun te tuti yal te Jesuse, y la yal: —Te skꞌop winik to ya stoy sba ta stojol te Diose. ¿Tut xan yes kuꞌuntik yan testigoetik abi? Jaꞌex la awaꞌiyik te skꞌop te ya stoy sbae.

Bible in Tzeltal Bachajón

⁶⁵ Ha yu'un te muc'ul sacerdote la sch'i' sc'u', hich la yal: ¡La sbohlc'optayix Dios! ¿Bin xan stuc cu'untic yan testigohetic? La awa'iyiquix te la sbohlc'optay te Diose.

San Mateo 26:65 Referans Kwoze

San Juan 10:36

Jich yu'un teme tsabilon yu'un Dios te la sticunon tel ta balumilale, ¿bistuc ya awalbonic te yacon ta stoybac'optayel Dios a te bit'il la cal te ja' Snich'anone?

San Juan 10:33

Te judioetic la yalic: —Ma ta swentauc lequil at'elil te ya jmilticat ta tone. Ja' nax ta swenta te ya atoybac'optay te Diose. Melel winicat nax te ya acuy aba ta Diose —xiic.

San Mateo 9:3

Ay jts'ibojometic tey a te jich la yal ta yo'tanique: “La stoybac'optay te Diose”, xiic.

Jeremías 36:24

Te muc' ajwalil soc te mach'atic toyol yat'elic te la yaiyic stojole, ma ba nijc' yo'tanic yu'un, ni seña xc'uxul mel-o'tan la yaq'uic ta ilel.

Números 14:6

Te Josué soc Caleb te ja'ic xc'otuc yilic tel te q'uinale, la xch'i' sc'u'ic ta seña xc'uxul mel-o'tan.

Hechos 14:14

Te c'alal la yaiyic stojol te Bernabé soc te Pabloe, la xch'i' sc'u'ic yu'un soc la sten sbaic ochel ta bay yolil te ants-winiquetique. Jich la yalbey yaiyic ta aw:

San Lucas 5:21

Jich te jts'ibojometique soc te fariseoetique jajch' yal ta yo'tanic: “¿Mach'a winiquil in to te yac ta stoybac'optayel te Diose, melel ja' nax stuquel te Dios te ya xju' yu'un xch'ayel te mulile”, xiic.

2 Reyes 18:37

Te Eliaquim mayordomo ta sna muc' ajwalil, Sebna te cronista soc Joa te secretario yu'un te muc' ajwalile, la smel yo'tanic yu'un. La xch'i' sc'u'ic yu'un, bajt'ic ta stojol te Ezequías ta yalel te bi la yal te abat talem ta Asiria.

Levítico 21:20

c'ujul spat, mero ch'in, ay tocal ta sit, ay sac'al chin, ay spintoil ta snujc'ulel, o teme boloben stonil sbaq'uetal.