San Mateo 26:55 - Bible in Tzeltal de Oxchuc y Tenejapa

⁵⁵ Jich la sc'opon te mach'atic te talemic ta tsacawe: —¿Yu'un bal j'elec'on te tal atsaconic soc apuñalic soc ate'ic? Melel jujun c'aal nacalon ta p'ijubteswanej ta templo ta awolilic te jo'one. Ma la atsaconic tey a.

Nuevo Testamento Tzeltal de Amatenango

⁵⁵ Jich a sjojkꞌolanbe te genteetik te talemik ta tsakawe: —¿Me yuꞌun jꞌelekꞌon te tal atsakikon sok apuñalik sok ateꞌike? Jujun kꞌaal ayon ta pꞌijuteswane ta templo y ma la atsakikon teꞌa.

Bible in Tzeltal Bachajón

⁵⁵ Ta hich ora te Jesús hahch yalbe te winiquetic: ¿Talex bal soc espadahetic soc ate'ic yu'un yac atsaconic hich te bin ut'il jtuhl j'elec'? Jujun c'ahc'al la juhcan jba ta awohlilic ta p'ijubteswanej ta Templo, ma ba la atsaconic.

San Mateo 26:55 Referans Kwoze

San Juan 8:2

Ta yan c'aal ta sab cha'tal xan ta templo. Spisil lum noptsajic tel ta stojol. Jich la snajc'an sba. Jajch' ta p'ijubteswanej.

San Marcos 12:35

Te c'alal yac ta p'ijubteswanej ta templo te Jesuse, jich jajch' yal: —¿Bit'il ay te ya yalic te jts'ibojometic te ja' sts'umbal David te Cristoe?

San Juan 7:28

Te c'alal yac ta p'ijubteswanej ta templo te Jesuse, tulan caj ta c'op: —¿Melel bal te ya ana'bon jba soc te ya ana' te banti talemone? Ja'uc me to, ma jtuquel-o'tanuc te talemone. Ja' ticunbilon tel yu'un te mach'a smelelil ya xc'opoje te ma x'ana'beyic sbae.

San Juan 7:14

Te q'uine col oliluc ayix a te och bael ta templo te Jesuse. Tey jajch' ta p'ijubteswanej a.

San Mateo 21:23

C'alal tal ta templo te Jesuse. Jajch'emix ta p'ijubteswanej a te tal ta c'oponel yu'un te jwolwanej-sacerdoteetique soc te principaletic yu'un te lume. La sjojc'obeyic: —¿Banti la awich' awat'el ta spasel spisil in to? ¿Mach'a la yac'bat awat'el? —xiic.

San Mateo 26:47

Yac to ta c'op a te Jesús te tal te Judase, te jtul ta slajchaytulul te jnopojeletic yu'un te Jesuse. Sjoinej tel tsobol ta jtul te yich'ojic tel spuñalic soc ste'ic. Ja' ticunbilic tel yu'un te jwolwanej-sacerdoteetic soc te principaletic yu'un te lume.

San Marcos 10:1

Te Jesús la yijq'uitay jilel te lum Capernaúm. Bajt' ta sq'uinal Judea soc ta bay te q'uinal te ay ta stojol sloq'uib c'aal ta jejch' muc'ul ja' Jordán. Yan buelta la stsob sbaic tel te lume. Jich jajch' sp'ijubtes jich bit'il te c'aem ta spasele.

San Lucas 4:20

La smac te jun te la yile, soc la yac'bey te mach'a swentainej te junetique. Jich la snajc'an sba ta p'ijubteswanej ta stojol spisilic. Spisil te mach'atic ayic ta sinagoga la yilbeyic sit te Jesuse.

San Lucas 19:47

Jujun c'aal la yaiy p'ijubteswanej ta templo te Jesuse. Te jwolwanej-sacerdoteetic soc te jts'ibojometique soc uuc te mach'atic ich'bilic ta muc' yu'un te lume caj sleic bi ya yut ya smilic te Jesuse.

San Lucas 20:1

Ay jun c'aal te Jesús yac ta sp'ijubtesel ta templo te ants-winiquetic soc yac ta yalel te lec yach'il c'ope, talic ta stojol te jwolwanej-sacerdoteetic soc te jts'ibojometique soc uuc te principaletic yu'un te lume.

San Juan 8:20

Jich la yal ta p'ijubteswanej te Jesús ta bay nopol yawil smajt'an Dios ta templo. Ja'uc me to, jtul ma'yuc mach'a yal sc'ab ta tsaquel, yu'un ma to sta te yoraile.