San Mateo 26:53 - Bible in Tzeltal de Oxchuc y Tenejapa

⁵³ ¿Acuyoj bal te ma xju' cu'un ya jc'anbey Jtat te ya scoltayone? Ya me sticunbon tel ta ora c'axem ta lajchaytijc' te ch'ul abatetic te jichuque.

Nuevo Testamento Tzeltal de Amatenango

⁵³ ¿Meꞌn ma xꞌanaꞌ te ya xjuꞌ kuꞌun te ya jkꞌanbey te jTat te ya skoltayone? Ya me stikonbon tal ta ora mas ta lajchaytijkꞌ te chꞌul angeletik te jichuke.

Bible in Tzeltal Bachajón

⁵³ ¿Yu'un bal ma xana' te ya xhu' ya jc'opon te Jtat te ora ya ya'bon talel c'axem ta lahchaychahp ch'ul a'batetic te hichuque?

San Mateo 26:53 Referans Kwoze

San Mateo 4:11

Jich te Jesuse, ijq'uitayot yu'un te pucuje. Ja' tal yac' sbaic ta abatinel yu'un te ch'ul abatetique.

2 Reyes 6:17

La sc'opon te Cajwaltic te Eliseo, jich la yalbey: —Ya calbat wocol, Cajwal, jambeya sit te querem, swenta yu'un ya me yil —xi'. Te Cajwaltic la sjambey sit te abate. Te abate la yil te wits te nojel ta bayal caballoetic soc carretaetic yu'un c'ajc', joytabil yu'un te Eliseo.

San Lucas 8:30

Te Jesús la sjojc'obey te winique: —¿Bi abiil? —xi'. Te winique la yal: —Te jo'one Tsobolon xi' te jbiile —xi'. Jich la yal yu'un tsobol te pucujetic te ochem ta yo'tane.

Daniel 7:10

jun muc'ul c'ajc' yac ta loq'uel tel jichuc ja' tey a. Bayal ta jmil te mach'atic ya yac' sbaic ta abatinel yu'une; bayal ta millón tec'ajtic ta stojol. Te jtsojp jchajbanwanejetic, jajch'ic ta at'el, la yich' jamel te libroetique.

Judas 1:14

Jich nix la yalbey sc'oplal uuc te Enoc te ja' sjuccumul sts'umbal te Adane. Jich la yal: “La quil te Cajwaltique, sjoinej tel bayal ta jmil te ch'ul abatetic yu'une.

2 Tesalonicenses 1:7

Yan te ja'ex, te awich'ojic controinele, ya me yac'beyex awich'ic lewa yu'un awocolic, soc uuc te jo'otic, te bi ora ya xchicnaj tel ta ch'ulchan te Cajwaltic Jesuse. Joytaybil ta yat c'ajc' ya xtal soc te ch'ul abatetic yu'une te ay bayal yipique.

San Mateo 25:31

“Te c'alal ya xtal soc yutsilal te Nich'anile, ya me sjoin tel te ch'ul abatetique. Ya xjul snajc'an sba ta bay yutsilal te smuc'ul nactijibe.

San Marcos 5:9

Soc la sjojc'obey te Jesuse: —¿Bi abiil? —la yut. La yal: —Te jo'one Tsobolon xi' te jbiile, yu'un mero bayalotic —xi' te winique.

San Marcos 5:15

Te c'alal c'otic ta bay te Jesuse, la yilic nacal tey a te winique. Slapojix sc'u'-spac', soc ya sna'ix q'uinal. Ja' nix te mach'a tsobol pucujetic ta yo'tan ta neelale. Te ants-winiquetique xiw yo'tanic yu'un.

San Juan 10:18

Ma'yuc mach'a ya spojbon jcuxlejal. Jo'on ya cac' jba ta spasemal co'tan. Ya xju' cu'un ya cac' jcuxlejal, soc ya xju' cu'un ya jcha'quich' xan jcuxlejal. Jich spasojon ta mandal te Jtate —xi' te Jesuse.

San Juan 18:36

La yal te Jesuse: —Te bit'il ajwalilone, ma ja'uc ta swenta in balumilal to. Te yu'unuc ja'uque, ya me spasic guerra te abatetic cu'un te jichuque, swenta yu'un ma ba ac'oton ta sc'ab te judioetic te jichuque. Melel ma ja'uc ta swenta in balumilal to te bit'il ajwalilone —xi'.