San Mateo 26:52 - Bible in Tzeltal de Oxchuc y Tenejapa

⁵² Jesús la yalbey: —Q'ueja ta sna te apuñale, melel te mach'a ya yac' puñal, puñal nix ya yaiy ya xlaj uuc.

Nuevo Testamento Tzeltal de Amatenango

⁵² Te Jesuse la yalbe: —Kꞌeja ta sna te apuñale. Te machꞌa ya yakꞌ puñale, ta puñal me ya xmilot euk.

Bible in Tzeltal Bachajón

⁵² Ha yu'un hich halbot yu'un te Jesús: Otsesa ta yawil te espada awu'un, como spisil te mach'atic ya stsaquic espada, ta espada ya xlajic.

San Mateo 26:52 Referans Kwoze

Apocalipsis 13:10

Te mach'a jich sc'oplal ya yich' chuquel, ya me yich' chuquel. Soc te mach'a jich sc'oplal ya yich' milel ta puñal, ya me yich' milel ta puñal. Ja' in to ja' smuc'ul co'tantic te ya sts'ijc' cu'untic ta swenta xch'uunjel co'tantic soc te mach'atic ch'ul lum yu'un te Diose.

Génesis 9:6

Teme ay mach'a ya smil jtul winic, ja' ni me jich ya xmilot yu'un yan winic, melel te ants-winique la yich' pasel swenta yu'un pajal yilel soc te Diose.

Romanos 12:19

Quermanotac te c'uxex ta co'tane, ma me xawac'beyic spacol te mach'a staoj smul ta atojole. Ijq'uitaybeya ta swenta yilimba te Diose, te melel jich ts'ibubil jilel ta Sjun te Diose: “Jtuquel ay ta jwenta yaq'uel spacol. Jo'on ya cac'bey stoj”, te xi' te Cajwaltique.

1 Pedro 3:9

Teme ay mach'a amen te bila ya spasbeyexe, ma me xasujt'esbeyic spacol. Soc teme ay mach'a ya yixtac'optayexe, ma me xawixtac'optayic uuc. Ja' lec c'anbeyaic bendición ta stojol, melel ana'ojic te ja' swentail te ic'bilex yu'un Dios te ya x'ac'botex bendición uuc te ja'exe.

Apocalipsis 16:6

Yu'un la smalbeyiquix xch'ich'el te mach'atic ch'ul lum awu'une soc te j'alwanejetic awu'une. Jich la awac'beyix yuch'ic ch'ich'. Jich ya sc'an pasbeyel yu'un te bit'il jich la spasique”, xi'.

Salmos 55:23

Dios cu'un, te jmilawetic soc te jpas-lotetic ma ba ya xcuxinic stuquelic, ni yacuc sta olil ya smulanic te xcuxlejalique; ja'at me ya awac' ch'ayuc coel ta sc'ubulil muquenal. Pero te jo'one, ja'at me ya smuc'ulinat co'tan.

1 Tesalonicenses 5:15

Tsajtaya me abaic, ma me ayuc jtuluquex te ya awich'beyic spacol teme ay mach'a amen te bila ya spasbate. Ja' me xapasbey abaic spisil ora te bila leque, soc jich me xapasbey ta spisilic uuc te yantique.

San Mateo 5:39

Ja'uc me to, jo'on ya calbeyex: Teme ay mach'a amen te bila ya spasbate, ma me xasujt'esbey spacol. Teme la smajbat te swa'el achoe, ac'a smajbat xan te yan mejch'e.

Éxodo 21:12

Soc jich la yal xan te Cajwaltique: —Teme ay mach'a ya yejch'entes jtuluc, teme laj bael yu'une, ac'a lajuc uuc.