San Mateo 26:49 - Bible in Tzeltal de Oxchuc y Tenejapa

⁴⁹ Toj tel ta stojol Jesús te Judase. Jich c'o yalbey: —Talon, Maestro —xi'. Soc la sbujts'iy.

Nuevo Testamento Tzeltal de Amatenango

⁴⁹ Te Judase tijilaj tal te ba ay te Jesuse. Jicha yal: —Chꞌul ajkꞌubal, maestro —xchi, y la yujtsꞌiy.

Bible in Tzeltal Bachajón

⁴⁹ Ora nohpoj tal ta stojol te Jesús, hich la yal: ¡Talon, Maestro! xchi c'ohel; soc la yuhts'uy.

San Mateo 26:49 Referans Kwoze

1 Tesalonicenses 5:26

Patbeya aba awo'tanic soc te quermanotactic ta swenta te ch'ul bujts'iyele.

San Mateo 26:25

C'opoj uuc te Judase, te j'ac'awal ta c'abale: —Maestro, ¿jo'on bal ya cac'at ta c'abal? —xi'. La yal te Jesuse: —Ja'at nax —la yut.

San Juan 19:3

Jich la yalbeyic: —¡Viva! ¡Mero muc' ajwalilat cati yu'un te judioetique! —xiic ta labanwanej. Soc la spac'beyic ta majel te yelawe.

San Lucas 7:45

Te ja'ate ma la abujts'iyon. Yan te antse, ja' to c'alal ochon tel ta ana, ma ba scomoj sba ta sbujts'iybelon cacan.

San Marcos 15:18

Jich la yawtayic ta labanwanej: —¡Bin nax yutsil te muc' ajwalilat yu'un te judioetique! —xiic ta slabanel.

Proverbios 27:6

Ya to xju' ya smuc'ulin co'tantic te jpat-jxujc'tic te ya yejch'entesotic te sc'opique; ja' ma xju' ya smuc'ulin co'tantic te jcontrotic te bin nax yo'tan ya spat co'tantic yilele.

2 Samuel 20:9

Te Joab la sjojc'obey te Amasa: —¿Lec bal ayat hermano? —la yut. La stsacbey ta yisim ta swa'el c'ab, la sbujts'i.

1 Samuel 10:1

Te Samuel la stsac jun ch'in oxom aceite, la smalbey ta sjol te Saule. Te c'alal yac ta smalbeyel ta sjol a, jich la yal: —Yo'tic la awich'ix aseña yu'un Cajwaltic, swenta yu'un ya me awich'ix awat'el ta ajwalil ta stojol te lum Israel yu'une. Ja'at me ya awentainotic, soc ya me acoltayotic ta sc'ab te jcontrotic te ay ta sjoylejal. Jich me ya ana' te la yalatix ta jamal te Cajwaltic te ya x'ochat ta ajwalil ta stojol te lum yu'une:

Génesis 27:26

Te Isaac la yalbey te snich'ane: —La' me, jnich'an, bujts'iyon —la yut.

San Mateo 23:7

Soc ya smulanic te ya xpatbot yo'tanic ta comonsitil ta bay yolil ch'iwich, soc ya smulanic te “maestro” ya x'utotic yu'un te ants-winiquetique.

San Mateo 23:8

“Yan te ja'exe, ma me x'ac'anic te “maestro” xi' ac'oplalique. Melel awermano abaic ta apisilic soc jtul nax maestro ay awu'unic.

San Mateo 26:48

Te Judas te ac'awan ta c'abale, la yalix tel ta be te bila seña ya yac' ta ilel a te Jesuse: —Te mach'a ya xc'o jbujts'iye, ja' me abi. Chucaic me —xi'.

San Juan 4:31

Te c'alal baem ta lum ta yalel sc'oplal Jesús a te antse, te jnopojeletique la yalbeyic wocol te Jesuse: —Maestro, we'an —xiic.