San Mateo 26:41 - Bible in Tzeltal de Oxchuc y Tenejapa

⁴¹ Wic'a me asitic, c'oponaic Dios, swenta yu'un ma ba ya xyalex yu'un te yiljibal awo'tanique. Melel ay yip stuquel te awo'tanique. Ja' nax te abaq'uetalic te ma'yuc yipe —xi'.

Nuevo Testamento Tzeltal de Amatenango

⁴¹ Wikꞌa me asitik, kꞌoponaik me Dios yuꞌun. Jich me makꞌ ya ataik il-oꞌtantayel yuꞌun te pukuje. Porke ay spuersa te awoꞌtanike. Jaꞌ nax te atiꞌbalulik te maꞌyuk yipe —xchi.

Bible in Tzeltal Bachajón

⁴¹ Cuxuluc me awo'tanic soc c'oponahic Dios, scuenta yu'un ma ba yac atahic sujel ta mulil a; melel te espíritu ya sc'an stuquel, pero te baq'uet jteb nax stahel, la yut.

San Mateo 26:41 Referans Kwoze

San Lucas 22:46

Jich la yalbey yaiyic: —¿Bistuc te wayexe? Jajch'anic, c'oponaic Dios, swenta yu'un ma ba ya xyalex yu'un te yiljibal awo'tanique —xi' te Jesuse.

San Marcos 14:38

Wic'a me asitic, c'oponaic Dios, swenta yu'un ma ba ya xyalex yu'un te yiljibal awo'tanique, melel ay yip stuquel te awo'tanique. Ja' nax te abaq'uetalic te ma'yuc yipe —xi'.

Efesios 6:18

C'oponaic Dios spisil ora. Albeyaic wocol soc c'anbeyaic Dios te ya scoltayex ta spisil orae. Albeyaic wocol ta swenta te Espiritue. Wiq'uiluc me asitic, ma me xch'ajubex ta sc'oponel Dios ta stojolic te mach'atic ch'ul lum yu'un te Diose.

San Mateo 6:13

Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene. [Melel te ja'ate muc' ajwalilat atuquel, soc ay awu'el, soc ay awutsilal sbajt'el q'uinal. Jichuc]”, xaex me ta sc'oponel te Diose.

San Lucas 21:36

Wiq'uiluc me asitic jiche. C'oponaic Dios ta spisil ora te ayuc me awipic te jich lec ya xc'ax awu'unic spisil te bila ya xc'ot ta pasele, soc te jich me ma'yuc falta awu'unic te ya atejc'an abaic ta stojol te Nich'anile —xi' te Jesuse.

Apocalipsis 16:15

“Aiya awaiyic stojol, jich me ya xtalon te bit'il j'eleq'ue. Bin nax me yutsil te mach'a wiq'uil sit soc te slapoj sc'u' swenta yu'un ma me t'analuc ta comonsitil ya x'ilot yu'un ants-winiquetic te sbaq'uetale”, xi' te Cajwaltique.

1 Corintios 16:13

Wiq'uiluc me asitic spisil ora. Junuc me awo'tanic te ya awac' xch'uunjel te awo'tanique. Ayuc me stulanil awo'tanic soc yip awo'tanic.

1 Pedro 5:8

Ich'a me ap'ijilic, wiq'uiluc me asitic. Melel te awajcontroe, ja' te pucuje, jich bit'il león-choj te yac ta aw ta sleel ta bayuc te mach'a ya sti'e.

1 Corintios 10:13

Te yiljibal awo'tanic te ya xtal ta atojolique, pajal ay ta atojolic soc te yantic ta bayuc. Ja'uc me to, jun yo'tan ta jtojoltic te Diose. Jich ma xyac' jelawuc xan yip ta atojolic te yiljibal awo'tanique, ma xyac' jelawuc a te bit'il ya xcujch' awu'unique. Yu'un te c'alal ya xtal te yiljibal awo'tanique, ya me slebeyex uuc te bit'il ya xju' ya xcolex loq'uele, swenta yu'un jich me ya xcujch' awu'unic.

2 Pedro 2:9

Jich chican ta jamal te ya xju' yu'un te Cajwaltic te ya yac' ta libre yu'un sujel te mach'atic jun yo'tan yac'oj sbaic ta stojol. Soc ya to sq'uej te mach'atic ma tojuc yo'tanique, swenta yu'un ya yac'bey castigo c'alal ya sta sc'aalelal te ich'el ta c'ope.

San Mateo 24:42

“Jich yu'un te ja'exe, wiq'uiluc me asitic, yu'un ma na'biluc awu'unic te bi ora ya xtal te Awajwalique.

Apocalipsis 3:10

Scaj te ach'uunejbon te bila la calbat te jun me awo'tan ya ats'ic awocole, jo'on me ya jcanantayat te c'alal ya xtal prueba ta spamal balumilal, swenta yu'un ya me x'ilbot yo'tanic spisil te mach'atic ainemic ta balumilale.

1 Pedro 4:7

Nopol sta yorail te ya xlaj spisil. Jich yu'un, ya me sc'an te ya ana'ic q'uinal ta leque. Wiq'uiluc me asitic spisil ora soc c'oponaic me te Diose.

San Lucas 22:40

Te c'alal c'ot tey a te banti bajt'ique, jich la yalbey: —C'oponaic Dios, swenta yu'un ma ba ya xyalex ta mulil yu'un te il-o'tantayel yu'un te pucuje —xi'.

Gálatas 5:24

Te mach'atic yu'unix te Cristoe, la yaq'uix ta lajel ta cruz te bila ya smulan spasel te sbaq'uetalique.

1 Corintios 9:27

Te jo'one ya cac' c'axuc swocol te jbaq'uetale, soc ya jsuj jba ta abatinel, swenta yu'un ma me xch'ayon jilel te jo'one, te bit'il jo'on nix la jcholbey yaiyic sc'oplal colel te yantique.

San Mateo 25:13

Jich yu'un te ja'exe, wiq'uiluc me asitic, yu'un ma na'biluc awu'unic bi c'aalil soc bi ora ya xtal te Nich'anile.

Salmos 119:32

Ya me jsuj jba ta spasel te mandaliletic awu'un, melel ya anojesbon yutsil co'tan.

San Mateo 26:38

Jich la yal: —Bayal ayon ta mel-o'tan. Jlajelonix ya caiy. Jilanic li'to te ja'exe. Pajal me ac'a jwic' jsitic —xi' te Jesuse.

Salmos 119:1

Bin nax me yutsil te mach'atic mero ma'yuc smulic te yich'oj ta yo'tanic te p'ijubtesel yu'un te Cajwaltique.

Romanos 8:3

Melel ma ju' yu'un te la scoltayotic te mandalile, ta scaj te ma'yuc yip te jbaq'uetaltique. Jich yu'un Dios la sticun tel te Snich'ane, jich bit'il milbil majt'anil yu'un mulil. Pajal sbaq'uetal c'ot soc te jmulawil ch'ich'-baq'uete. Jich ta swenta sbaq'uetal ju' yu'un te la yac' ta lajel te mulil te ay ta jbaq'uetaltique.

San Lucas 11:4

Pasbotic perdón yu'un jmultic, jich nix te bit'il ya jpasbeytic perdón uuc te mach'atic ay smul ta jtojoltique. Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene,” xaex me ta sc'oponel te Diose —xi' te Jesuse.

San Lucas 8:13

Te awalil te c'ot ta ba tontiquile, ja' sc'oplal te mach'atic bin nax yo'tanic yu'un te sc'op Diose, ja'uc me to, ma ba c'uben coel yisim c'oem. Ja' nax ya xch'uunic che'oxeb c'aal. Yu'un te c'alal ya xtal ta stojolic te yiljibal yo'tanique, ora ya xchebaj yo'tanic yu'un.

Salmos 119:117

Coltayawon, jich me ya xcolon; jich me ya jc'otes ta pasel spisil ora te mandaliletic awu'une.

Salmos 119:115

Q'ueja abaic ta jtojol te amenexe, te jo'on ya jc'an ya jch'uunbey te mandaliletic yu'un te Dios cu'une.