San Mateo 26:29 - Bible in Tzeltal de Oxchuc y Tenejapa

²⁹ Ja'uc me to, ya calbeyex awaiyic te ma ba ya cuch'ix te ya'lel ts'usube ja' to te c'alal ya sta yorail ya joinex ta yuch'el ta banti ay ta ajwalinel te Jtate —xi' te Jesuse.

Nuevo Testamento Tzeltal de Amatenango

²⁹ Pero ya kalbeyex awaꞌiyik te makꞌ ya kuchꞌix a te yaꞌlel tsꞌusube jaꞌ to me te tut ora ya joyinex ta yuchꞌel ta achꞌ te ba ay ta pasaw ta mantal te jTate —xchi te Jesuse.

Bible in Tzeltal Bachajón

²⁹ Ya calbeyex te ma ba ya cuch'ix ha'i ya'lel ts'usub ini ha to ta yorahil te ya joquinex ta yuch'el ta yach'il ta banti ya xcuentahinwan te Jtate, xchi.

San Mateo 26:29 Referans Kwoze

Apocalipsis 7:17

Melel te Alalchij te ay ta bay yolilal te muc'ul nactijibale, ja' me jcanan yu'unic. Ya me x'ic'otic bael yu'un ta bay sloc'ja' te ya xcuxinic yu'une. Soc ya scusbot ya'lel sitic yu'un te Diose —xi' ta c'op.

Hebreos 12:2

Ja' me ya jtojlintic ta ilel te Jesuse te la yac'botiquix quiltic te bit'il ya sc'an ya cac' xch'uunjel co'tantic ta stojol te Diose, soc te ya yac' ju'uc cu'untique. Melel te Jesuse soc sbujts' yo'tan la sts'ic swocol ta milel ta cruz, soc ma'yuc sc'oplal ta yo'tan te sq'uexlal te lajel ta cruz. Yu'un sna'oj stojol teme c'ax swocole, ya me sta bayal sbujts' yo'tan yu'un ta patil, soc la snajc'anix sba ta swa'el smuc'ul nactijib te Diose.

San Marcos 14:25

Jamal ya calbeyex, te ma ba ya cuch'ix te ya'lel ts'usube ja' to bi ora ya cuch' ta yach'il ta bay ay ta ajwalinel te Diose —xi' te Jesuse.

Salmos 40:3

La yac'bon ta co'tan yach'il c'ayoj, sc'ayojil yutsilal te Dios cu'untique. Te mach'a la yilic te bila c'ot ta pasele, ay tsobol xiw yo'tanic yu'un, ja' la yipin yo'tanic te Cajwaltique.

Hechos 10:41

Ma spisiluc te jlumal te ac'bot yilique, jo'on nax soc te jo'taque, te namey tsabilotic yu'un Dios te ja' testigo ya xc'ootic yu'une. La join jbatic soc ta we'el-uch'ajel te c'alal cha'cuxix tel ta bay te animaetique.

San Juan 17:13

“Ta ora to ya xtalonix ta atojol. La calix jilel ta balumilal spisil in to, swenta yu'un ya me xbujts'naj yo'tanic ta jc'axel yu'un.

San Mateo 13:43

Te mach'atic toj yo'tanic ta stojol te Diose, ya me xojobajic jich bit'il te c'aal ta ba ay ta ajwalinel te Jtatique. Te mach'a ay xchiquine, ac'a me yaiy stojol ta lec.

Apocalipsis 14:3

Yacalic ta sc'ajintayel ach' c'ayoj ta stojol te muc'ul nactijibale soc ta stojol te chancojt' bitic cuxajtique soc ta stojol te mamaletique. Jtul ma'yuc mach'a ya xju' yu'un snopel te c'ayoje, ja' nax te waxaclajunwinic ta jbajc' (144,000) ta jtul te coltaybilic loq'uel ta yolil te ants-winiquetique.

San Lucas 15:32

Ja'uc me to, snujp' te ya jpastic q'uine, yu'un ay sbujts' co'tantic. Melel te awijts'ine lajemix, ja'uc me to, cha'cuxemix. Jc'axel ch'ayem ta jc'op, ja'uc me to, la jtaix”, xi' te state —xi' ta yalel te Jesuse.

San Lucas 12:32

“Ma me xiwex ja'ex te chijex cu'un te ma tsoboluquexe. Melel te Jtatique bin nax yo'tan ya yaq'uex tey a ta banti ay ta ajwalinel te Diose.

Isaías 53:11

Te c'alal c'axix yu'un a te bayal swocole, ya me yil te saquil q'uinale, soc bin nax me yo'tan yu'un. Te tojil abat yu'un Cajwaltic, bayal mach'atic ya yac' ta libre, melel ja' ya scuchbey smulic stuquel.

San Juan 15:11

“La calbeyex awaiyic in to, swenta yu'un ya me awich'bonic te sbujts' co'tane, jich me ts'acal ya ataic te sbujts' awo'tanique.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

San Mateo 18:20

Melel te banti stsoboj sbaic cha'oxtul ta swenta te jbiile, tey ayon a ta bay yolilic —xi' te Jesuse.

San Mateo 16:28

Jamal ya calbeyex, ay mach'atic li' ayic to te ma ba ya xlajique ja' to teme la yilic ya xtal ta ajwalinel te Nich'anile —xi' te Jesuse.

Zacarías 9:17

Bayal me yutsil, soc buen t'ujbil me te slumalique. Ya me x'esmaj xan te trigo yu'unic; ya me x'esmaj xan te vino yu'unic. Buen t'ujbil me ya xmuc'ubic te queremetic yu'unique; buen t'ujbil me ya xmuc'ubic te ach'ixetic yu'unique.

Sofonías 3:17

Te Cajwaltic te Dios awu'une, ay me ta awolilic; ay yu'el stuquel soc ya scoltayat. Te Cajwaltic bin nax me yo'tan awu'un. Ta swenta xc'uxul yo'tan ya yac'bat yach'il acuxlejal; ya me xbujts'naj awo'tan ta c'ayoj

Salmos 104:15

ja' te waj te ya x'ac'bot yip yu'un, soc te vino te ya xbujts'naj yo'tan yu'un, soc te aceite te ya x'ach'ub yelaw yu'un.

Salmos 4:7

C'axem to xan awac'ojbon sbujts' co'tan, c'ax jich te bit'il mach'atic ay trigo soc ya'lel ts'usub yu'unique.

San Juan 16:22

Ja' nanix jich te ja'exe, ayex ta mel-o'tan ta ora to. Ja'uc me to, ya me quilbeyex xan asitic soc ya me xbujts'naj ta lec awo'tanic yu'un. Te sbujts' awo'tanique ma xju' ta pojel.

San Mateo 25:34

“Jich yu'un te muc' ajwalile ya me yalbey te mach'a ayic ta swa'el sc'abe: “La'ic te ja'exe te bin nax awutsilic ta stojol te Jtate. Ochanic, u'uninaic te utsilal te chajbanbil ta awentaic ta xjajch'ibal to tel balumilal.

Isaías 25:6

Ta wits Sión te Cajwaltic te Spisil ya xju' yu'un ya me xchajbanbey spisil te nacionetic, te buen muc' we'elil soc vinoetic te ayix c'aal pasbile, te buen bujts'anic te we'elile, soc te mero tsabilic te lequil vinoetique.

Cantares 5:1

Ochonix tel ta nichimaltic cu'un, ja'at jch'ielat, te quinamate. La quich'ix te mirra cu'un soc te perfumeetic cu'une, la jpasix prueba te chab cu'une, la cuch'ix te vino soc te leche cu'une. Ja'ex te jun co'tantique, we'anic soc uch'aic, uch'aic spisil te bi ya ac'anique.

San Mateo 26:28

Ja' jch'ich'el in to, ta swenta te yach'il trato te ya yich' malel swenta perdón yu'un smulic te tsobol ta jtule.

San Mateo 26:30

Te c'alal laj yo'tanic ta sc'ajintayel te salmoe, bajt'ic ta Wits Olivailtic.