San Mateo 26:26 - Bible in Tzeltal de Oxchuc y Tenejapa

²⁶ Te c'alal yacalic ta we'ele, te Jesús la stsac te waje, soc la yalbey wocol Dios yu'un. Jich la xet' soc la yac'bey te jnopojeletic yu'une. Jich la yal: —Ila, we'aic. Ja' jbaq'uetal in to —xi'.

Nuevo Testamento Tzeltal de Amatenango

²⁶ Yipalik to ta weꞌel a, te Jesuse la stsak xan ta skꞌab te waje sok la yalbe kola yal Dios yuꞌun. La xetꞌ te waje y la yaꞌbe te jnopojeletik yuꞌune. La yal: —Weꞌaik. Jaꞌ to jaꞌ jtiꞌbalul —xchi.

Bible in Tzeltal Bachajón

²⁶ Te c'alal yacalic ta we'el a, te Jesús la stsac te pan, la ya'be bendición, la xet' soc la spucticlambe te jnopojeletic yu'une, hich la yal: Tsaca, we'anic; ha jbaq'uetal ini, xchi.

San Mateo 26:26 Referans Kwoze

Hechos 20:7

Ta sbabial c'aalil yu'un te semanae, la jtsob jbatic soc te jnopojeletic ta swe'el waj ta swenta te Cajwaltique. Te Pablo jajch' sp'ijubtes te jnopojeletique. La sna' te ya xbajt' te pajele, jich jalaj ta c'op ja' to c'alal ta olil ajc'ubal.

1 Corintios 10:4

Soc spisilic la yuch'ic te ja' yu'un te Diose, melel la yuch'ic te ja' loc' tel ta ton yu'un te Diose, joinbilic ta beel yu'un. In te tone, ja' ix te Cristoe.

Hechos 2:46

Jujun c'aal jun nax yo'tan la stsob sbaic ta templo, soc la sjoin sbaic ta swe'el waj ta bay te snaique. Bayal sbujts' yo'tanic ta we'el, soc jun yo'tan sbaic.

San Lucas 24:30

Te c'alal nacalic ta mesa soc, la stsac ta sc'ab te waje. La yalbey wocol Dios yu'un, soc la xet', soc la spucbey.

San Marcos 6:41

Te Jesús la stsac te jo'pejch' waj soc te cha'cojt' chaye. La stoy moel sit ta ch'ulchan. La yalbey wocol Dios yu'un, soc la xet' te waje. La yac'bey ta sc'ab te jnopojeletique te ya xba spucbeyic te ants-winiquetique, soc la yac' ta puquel uuc te cha'cojt' chaye.

San Mateo 14:19

Soc la yalbey mandal te ants-winiquetic te ya snajc'an sbaic ta aquiltique. La stsac te jo'pejch' waje soc te cha'cojt' chaye. La stoy moel sit ta ch'ulchan, la yalbey wocol Dios yu'un, soc la xet'. La yac'bey ta sc'ab te jnopojeletic yu'une, ja'ic la spucbeyic ta stojolic te ants-winiquetique.

San Mateo 26:27

Soc la stsac te vasoe. La yalbey wocol Dios yu'un, la yac'bey te jnopojeletique. Jich la yalbey: —Melaic ta uch'el ta apisilic.

San Lucas 22:17

Soc la stsac ta sc'ab te vasoe, la yalbey wocol Dios yu'un. Soc la yalbey te jnopojeletique: —Ila, melaic ta uch'el ta apisilic.