San Mateo 26:18 - Bible in Tzeltal de Oxchuc y Tenejapa

¹⁸ La yal te Jesuse: —Baanic ta bay te muc'ul lume. Tey me ya xc'o ac'oponic a te jtul winique. Jich me xawalbeyic: “La yal tel te Maestroe: ‘Nopolix te coraile. Ya me xtalon ta ana ta we'el soc te jnopojeletic cu'un ta spasel te q'uin Pascuae’ xi' tel te maestroe”, ya me awutic —xi' te Jesuse.

Nuevo Testamento Tzeltal de Amatenango

¹⁸ Te Jesuse la sjak; —Baanik te ba mukꞌul jtejklume. Te ba sna te jtul winike jich me xꞌawalbeyik: “La yal te maestroe: ‘Xnopetix te koraile. Ya me xtalon ta ana yuꞌun teꞌ ya xtal weꞌukon sok a te jnopojeletik kuꞌune ta spasel te kꞌin Pascuae’”, ya me awutik —xchi te Jesuse.

Bible in Tzeltal Bachajón

¹⁸ Hich halbotic yu'un: Ochanic bahel ta pueblo, ta stojol jtuhl winic tey a, hich me ya xc'oht awalbeyic: Hich ya yal te Maestro: Nopolix corahil; ya jpas te Q'uin Pascua ta ana soc te jnopojeletic cu'une, xchi.

San Mateo 26:18 Referans Kwoze

San Juan 7:6

Te Jesús jich la yalbey yaiyic: —Ma to sta yorail cu'un. Yan te ja'exe biluc ora ya stac' xbaex atuquelic.

San Juan 17:1

C'alal laj yo'tan ta yalel in to te Jesuse, la stoy moel sit ta ch'ulchan soc jich la yal: —Jtat, c'otix yorail te ya awac' ta ilel yutsilal te Anich'ane, swenta yu'un ya me yac' ta ilel uuc te awutsilale.

San Juan 13:1

Nopol ya sta yorail te q'uin Pascuae. Te Jesús sna'oj te c'otix yorail te ya yijq'uitay jilel in balumilal to soc te ya xbajt'ix ta stojol te State. Spisil ora c'ux la yaiy ta yo'tan te mach'atic ay yu'un ta balumilale, soc la yac'bey xan yilic te c'uxbajem ta yo'tan c'alal ta slajibal.

San Juan 7:30

Yo'tan c'an stsaquic ta ora, ja'uc me to, ma'yuc mach'a yal sc'ab, yu'un ma to xc'ot te yoraile.

San Juan 7:8

Baanic ta yilel q'uin te ja'exe. Yan te jo'one, ma ba ya xboon, yu'un ma to sta yorail cu'un —xi'.

San Juan 12:23

Te Jesús la yalbey yaiyic: —C'otix yorail te ya x'ac'ot ta ilel yutsilal te Nich'anile.

San Lucas 22:53

Melel jujun c'aal la joinex ta templo. Ma ba yal ac'abic ta jtojol. Ja'uc me to, la staix yorail te ya xju' awu'unic soc yip te ijc' q'uinale —xi' te Jesuse.

San Juan 11:28

Te c'alal laj yo'tan ta yalel in to te Martae, ba yic' tel te María ja' te yijts'ine. Jich c'o yalbey ta muquen: —Te Maestroe li' ayix to. Ya me yic'at —xi'.

San Marcos 5:35

Yac to ta c'op a te Jesuse, ay mach'a talic ta bay sna te jwolwanej yu'un te sinagogae. Jich jul yalbeyic yaiy te stat te ach'ixe: —Te awantsil-nich'ane lajix. ¿Bistuc ya awac'bey xan swocol te Maestroe? —xiic.

San Mateo 26:2

—Ana'ojic stojol te cheb xanix c'aal sc'an te q'uin Pascuae. Te Nich'anile tey ya x'ac'ot ta c'abal a, yu'un ya me smilic ta cruz —xi'.

San Mateo 23:10

Ma me xamulanic te “ajwalil” xi' ac'oplalique, melel jtul nax Ajwalil ay awu'unic, ja' bi, ja' te Cristoe.

San Mateo 23:8

“Yan te ja'exe, ma me x'ac'anic te “maestro” xi' ac'oplalique. Melel awermano abaic ta apisilic soc jtul nax maestro ay awu'unic.

San Mateo 21:3

Teme ay mach'a ay bi ya yalbeyexe, albeya: “Ja' ya xtuun yu'un te Cajwaltique,” utaic. Jich me ora nax ya yac'beyex tel a —xi' te Jesuse.

San Juan 20:16

La yal te Jesuse: —¡María! —xi'. Te antse la sujt'es sba. La sc'opon ta hebreo-c'op: —¡Raboni! —xi'. (“Maestro”, xi' c'oem.)

San Mateo 26:49

Toj tel ta stojol Jesús te Judase. Jich c'o yalbey: —Talon, Maestro —xi'. Soc la sbujts'iy.

San Mateo 26:19

Te jnopojeletique la spasic te bit'il albotic mandal yu'un te Jesuse. Tey c'o xchajbanic a te we'elil swenta te q'uin Pascuae.