San Mateo 25:3 - Bible in Tzeltal de Oxchuc y Tenejapa

³ Te mach'atic ma p'ijuc yo'tanique, la yich'ic bael te yawil sc'ajq'uique, ja'uc me to, ma la yich'ic bael yaceiteil te sc'ajq'uique.

Nuevo Testamento Tzeltal de Amatenango

³ Te machꞌatik maꞌyuk spꞌijil yoꞌtanike la yichꞌik bael skantilik, pero maꞌ yichꞌik bael spetrolioik yuꞌun ya snojesik a tem laje.

Bible in Tzeltal Bachajón

³ Te jaytuhl te mayuc sp'ijilic la yich'ic bahel te yawil sc'ahq'uic pero ma ba la yich'ic bahel yan aceite.

San Mateo 25:3 Referans Kwoze

2 Timoteo 3:5

Mero xch'uunejic Dios yilel, ja'uc me to, ta swenta yat'elic, ma xchicnaj ta smelelil te bila xch'uunejique. Ma me xajoin te mach'atic jich yo'tanic in to.

Isaías 58:2

Jujun c'aal ya nax sleonic, bin nax me yo'tanic yilel ta sna'beyel sba te beetic cu'une. Jich me c'oemic te bit'il lum te ya spas te bila leque, te yich'ojic ta muc' te mandaliletic cu'une. Ya sc'anbonic mandaliletic te tojique, soc bin nax yo'tanic yilel te ya xnoptsajic ta jtojole.

Apocalipsis 3:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Sardis: Te mach'a yic'oj juqueb Espirituetic yu'un te Diose soc te yich'oj juqueb eq'uetique, jich la yal: Jo'on quilojbat spisil te awat'ele. “Cuxul”, xi' ac'oplal, ja'uc me to, lajemat ya quil jtuquel.

Hebreos 12:15

Tsajtaya me abaic, ma me ayuc jtuluquex te ma ba ya ataic te yutsil yo'tan te Diose. Ma me ayuc jtuluquex te ay bila ma lecuc ay ta awo'tanique. Melel teme muc'ube, ay me awocolic yu'un, soc jich me ay tsobol ya xbolob yo'tanic yu'un.

Ezequiel 33:3

Te c'alal ya yil te j'il-q'uinal te yac ta noptsajel tel ta slumal te soldadoetique, te ja' te scontroe, ya yoq'uesin yoq'ues, swenta yu'un ya yac'bey sna' a te slumale.

San Mateo 25:1

Soc la yal xan te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te ay lajuntul tec'tojom ach'ixetic te la yich'ic bael sc'ajq'uic te ba staic tel te winic ya xnujbine.

San Mateo 25:2

Ay jo'tul tey a te ma p'ijuc yo'tanique, soc ay jo'tul te p'ij yo'tanique.

San Mateo 25:4

Yan te mach'atic p'ij yo'tanique, la yich'ic bael te yawil sc'ajq'uique, soc la to yich'ic xan bael aceite ta juju-jtul.

Proverbios 31:18

Ya yil, soc ya swentain te jchonbajel yu'une, toyix ajc'ubal a te ya squejch'an yat'el.