San Mateo 24:9 - Bible in Tzeltal de Oxchuc y Tenejapa

⁹ “Ya me x'ac'otex ta uts'inel, soc ay me ya xlajex ta milel. Ya me awich'ic ilayel yu'un spisil ants-winiquetic ta swenta jbiil.

Nuevo Testamento Tzeltal de Amatenango

⁹ “Ya me yakꞌelex ta utel sok ya me yakꞌelex ta milel. Ya me awichꞌik pꞌajel yuꞌun spisil genteetik joꞌon ta jkaj.

Bible in Tzeltal Bachajón

⁹ Ya me yaq'uex ta c'abal scuenta uts'inel, ya smilex soc yac awich'ic ihlayel yu'un spisil ants-winiquetic ta scaj te jbihile.

San Mateo 24:9 Referans Kwoze

San Juan 16:2

Ya me stenex loq'uel ta sinagogaetic, soc ya me sta yorail te mach'auc ya smilexe, yu'un scuyojic te ja' yat'el Dios te ya spasique.

Apocalipsis 2:10

Ma me xiwat yu'un te bit'il ya xc'ax bayal awocole. Melel te pucuje ya me yaq'uex ta chucjibal swenta yu'un jich me ya yilbeyex awo'tanic ta apisilic. Tey me ya xc'ax awocolic lajuneb c'aal a. Ja'uc me to, junuc me awo'tan ta jtojol, manchuc teme ya xlajat tey a. Jich me ya cac'bat acorona swenta cuxlejal.

San Lucas 21:12

“Soc neel me ya stsaquex soc ya me snutsex. Ya me yaq'uex ta chajbanel ta sinagogaetic, soc ya me yaq'uex ta chucjibal, soc ya me yiq'uex bael ta stojol muc' ajwaliletic soc ta stojol gobernadoretic ta swenta jbiil.

Apocalipsis 7:14

La calbey: —Tatic, ja'at ya ana' —la cut. Jich la yalbon: —Ja'ic in to te mach'atic c'axix yu'unic te bayal uts'inele. Sac'ojiquix sc'u'-spaq'uic. Ja' la sacubtesic a te xch'ich'el te Alalchije.

1 Pedro 4:16

Yan teme ya ata awocolic yu'un te bit'il ach'uunejic te Cristoe, ma'yuquex ta q'uexlal yu'un. Ja' ya sc'an te ya awalbey yutsilal Dios yu'un te bit'il ayex ta woclajel ta swenta te Cristoe.

Apocalipsis 2:13

Jo'on quilojbat te awat'ele, soc ya jna' te banti nainemate soc ta banti ay smuc'ul nactijib te Satanase. Ja'uc me to, jun awo'tan awich'ojbon ta muc' te jbiile, ma ba amucojon ta awo'tan te bit'il ay xch'uunjel awo'tan cu'une, ni ja'uc te bi ora ac'ot ta lajel ta awolilic te Antipase, te jun yo'tan ta jtojol te la xch'uun milel tey a ta banti nainem te Satanase.

Hechos 7:59

Te c'alal yacalic ta xch'ojel ta tone, te Esteban la sc'opon Dios. Jich la yal: —Cajwal Jesús, ic'bon jch'ulel —xi'.

San Lucas 11:49

“Jich yu'un te Dios te ay sp'ijil stuquele, jich la yal: “Ya jticunbeyex j'alwanejetic soc jpuc-c'opetic. Ay ya amilic soc ay ya anutsic”, te xie.

San Mateo 23:34

Jich yu'un ya me jticunbeyex tel te j'alwanejetic soc te mach'atic ay sp'ijilique soc te jp'ijubteswanejetique. Ja'uc me to, ay jtul te ya amilic ta cruz, soc ay yan ya amajic ta sinagogaetic, soc te ya anutsic loq'uel ta alumalique.

Hechos 28:22

Ja'uc me to, co'tan caiytic stojol te nopjibal awu'une, yu'un caiyojtic stojol te controinbil ta bayuc te mach'atic yac'oj sbaic ta xch'uunel te ach' nopjibale —xiic.

San Mateo 22:6

In te yantique la stsaquic te abatetic yu'un te muc' ajwalile. La yuts'inic soc la smilic.

Proverbios 29:27

Te mach'atic lec yo'tanic, ma smulanic te mach'atic amen yo'tanique; ja' nix jich te mach'atic amen yo'tanique, ma smulanic te mach'atic lec yo'tanique.

Daniel 11:33

Te mach'atic ay sp'ijilic tey ta slumalic ya me sp'ijubtes tsobol ants-winiquetic, pero ora me ya yich'ic milel, ya me yich'ic chiq'uel, soc ya me x'elc'anbotic bael te biluc yu'une, ya x'ic'otic bael ta mosoil ta yantic lumetic. Ja' me in to ya me xjalaj jtebuc.

San Juan 15:18

“Teme ya yilayex te mach'atic ayic ta swenta te balumilale, na'aic me stojol te jo'on neel la yilayonique.

San Juan 15:21

Spisil in to ya spasbeyex ta jo'on jwenta, melel ma sna'beyic sba te Mach'a la sticunon tele.