San Mateo 24:6 - Bible in Tzeltal de Oxchuc y Tenejapa

⁶ Soc ya me awaiyic stojol te ay guerra lum to soc te ay guerra ta c'ubule, ja'uc me to, ma me xnijc' awo'tanic yu'un. Melel puersa me jich ya xc'ot ta pasel, ja'uc me to, ma to ja'uc te slajibal c'aale.

Nuevo Testamento Tzeltal de Amatenango

⁶ Te jaꞌexe ya me awaꞌiyik sluwar te ay guerra liꞌto y lum to. Pero ma me xiꞌanik yuꞌun, porke puersa me jich ya xꞌkot ta pasel. Pero ma to me jaꞌuk te slajibal kꞌaale.

Bible in Tzeltal Bachajón

⁶ Yac awa'iyic te ay guerrahetic soc ya xchicnaj sc'oblal te ya xhahch guerrahetic, pero ma me xnihc awo'tanic yu'un, como ya sc'an ya xc'oht ta pasel spisil ini; pero ma to ha'uc te slajibal c'ahc'ale.

San Mateo 24:6 Referans Kwoze

San Lucas 21:9

Teme ya awaiyic stojol te jajch'emix bayal c'op soc guerra, ma me xnijc' awo'tanic yu'un. Melel puersa me neel ya xc'ot ta pasel, ja'uc me to, ma to ja'uc te slajibal c'aale —xi' te Jesuse.

San Juan 14:1

Te Jesús la yal: —Ma me xawac' woclajuc te awo'tanique. Ch'uunaic te Diose, soc ch'uunawonic uuc te jo'one.

2 Tesalonicenses 2:2

Ma me ayuc yan te bila ora nax ya xyanaj ta nopel awu'unique. Ma me xjajch' amel awo'tanic yu'un teme ay mach'a ya yalbey sc'oplal te c'axix sc'aalelal te Cajwaltique, soc teme ya yalic te jo'on caloj ta sc'opique, soc teme ya yalic te ay carta te pasbil cu'untic te jich ya yal ta sc'opique.

San Juan 14:27

“Ya cac'beyex jilel lamal q'uinal. Ja' ya cac'beyex jilel te lamal q'uinal cu'une. Ma pajaluc soc te bit'il ya yac' te balumilale. Ma me xawac' woclajuc awo'tanic soc ma me xiw awo'tanic.

Salmos 112:7

Ma xiw yu'un teme ay ma lecuc c'op ya xjul ta stojole; ts'unul ta lec yo'tan, ja' smuc'ulinej yo'tan te Cajwaltique.

San Mateo 24:14

Soc ya me yich' puquel te lec yach'il c'op ta spamal balumilal te bit'il ay ta ajwalinel te Dios ta ch'ulchane, swenta testigo ya xc'ot ta stojol spisil nacionetic. Ja' to teme nup' ta puquele, jich me ya xtal te slajibal c'aale.

San Lucas 21:19

Teme cujch' awu'unique, jich me ya xcol ach'ulelic.

Isaías 12:2

Ja' Dios te ya scoltayone, ja' smuc'ulinej co'tan, ma xiwon. Te Cajwale, ja' anjibal cu'un soc ja' me quip, ja' jcoltaywanej cu'un —xaex me.

San Lucas 22:37

Ya calbeyex te puersa ya xc'ot ta pasel te bila ts'ibubil jilel ta bay Sjun te Diose: “La sjoin ta ajtayel te jmulawiletique”, te xie. Ya me xc'ot ta pasel spisil te bit'il ts'ibubil jilel jc'oplale —xi' te Jesuse.

San Mateo 26:54

Ja'uc me to, ¿bit'il ma c'an c'otuc ta pasel te bila ts'ibubil ta Sjun Dios te ya yal te puersa jich ya xc'ot ta jwentae? —xi' te Jesuse.

Ezequiel 21:28

“Ja'at winic, c'opojan ta jwenta, albeya te bila ya cal ta stojol amonetic, te ja'ic te ya yuts'inic ta c'op te Israel soc te loq'uemix ta sna te puñale. Chapalix yu'un te milawe, juxbilix ta lec swenta yu'un xlemet ya yac' xojobil a te ya xlajinwane.

Jeremías 47:6

¡Ja'at spuñal Cajwal! ¿bi ora ya acom aba? Cha'ochan ta ana, ch'aban, ma xatijix aba.

Isaías 7:4

Jich me ya awalbey: “Tsajtaya me aba, ma me xiwat; mero ma me xiwat, ni ma me xnijc' awo'tan yu'un te cheb xutunte'etic xtomet xch'ailique, ja' te Rezín soc te soldado-siriaetic yu'une, soc te snich'an Remalías, te yac ta tilel sc'ajc'al yo'tanique.

San Mateo 2:3

C'alal la yaiy stojol te muc' ajwalil Herodese, nijc' yo'tan yu'un soc spisil lum Jerusalén.

Apocalipsis 6:4

Loc' tel yan tsajal caballo. Te mach'a cajal ta spate ac'bot yat'el ta xch'ayel te lamal q'uinal ta balumilale, swenta yu'un jich me talel c'axel ya smil sbaic. Soc ac'bot smuc'ul puñal.