San Mateo 24:49 - Bible in Tzeltal de Oxchuc y Tenejapa

⁴⁹ Soc ya xjajch' smaj te sjo'tac ta abatile, soc ya xcaj sjoin ta we'el-uch'bajel te yacubeletique.

Nuevo Testamento Tzeltal de Amatenango

⁴⁹ ya xlijk yilbajin te sjoꞌtak ta aꞌtele, sok ya xlijk soyin ta weꞌel-uchꞌbajel te jyakꞌubeletike.

Bible in Tzeltal Bachajón

⁴⁹ hich ya xhahch smajticlan te smohlol ta a'batil soc ya sjoquin ta we'el ta uch'el jyacubeletic,

San Mateo 24:49 Referans Kwoze

Apocalipsis 17:6

La quil te antse yacuben yu'un xch'ich'el te mach'atic ch'ul lum yu'un te Diose soc te xch'ich'el te mach'atic la yich'ic milel yu'un te la yalic ta jamal te xch'uunejic te Jesuse. Te c'alal la quile, cham nax la caiy yu'un.

Apocalipsis 16:6

Yu'un la smalbeyiquix xch'ich'el te mach'atic ch'ul lum awu'une soc te j'alwanejetic awu'une. Jich la awac'beyix yuch'ic ch'ich'. Jich ya sc'an pasbeyel yu'un te bit'il jich la spasique”, xi'.

San Mateo 7:15

“Tsajtaya me abaic yu'un te mach'atic lotil j'alwanejetique. Scuyoj sbaic ta chijetic yilel, ja'uc me to, pajalic soc jti'awal ja'mal ts'i'etic.

Miqueas 3:5

Te lum cu'un jowejem ta be; ja' smul te j'alwanejetic te la slo'layique. Ya yalbeyic sc'oplal lamal q'uinal ta stojol te mach'atic ya x'ac'bot swe'elic yu'une; yan te mach'atic ma'yuc bi ya xnojesbot yeic yu'une, ya yalbeyic sc'oplal guerra. Te Cajwaltic ya yalbey te j'alwanejetic:

Apocalipsis 13:7

Soc ac'bot permiso te ya spas guerra soc te mach'atic ch'ul lum yu'un te Diose, ja' to teme la stsale. Soc ac'bot yich' yat'el ta stojol spisil ta jchajp sts'umbal te ants-winiquetique soc spisil ta jchajp lum te yanyantic sc'opique soc te yanyantic nacionetique.

Judas 1:12

Ja' nax ya sboltesbeyex ac'oplalic te bit'il sjoinejex ta spasel te q'uin swenta c'uxul-o'tanile. Melel xchinchon nax q'uinal yu'unic tey a te yacalic ta we'el-uch'ajele. Ja' nax ya sle stuquelic te bila ya xtuun yu'unique. Pajalic soc tocal te ma'yuc ya'lel, te bayuc ya x'eanot bael yu'un te iq'ue. Pajalic soc te'etic te ma xyac' sit ta yoraile, te cheb buelta lajemique, soc te bulbil loq'uel soc te yisime.

1 Pedro 5:3

Ma me xacuy abaic ta ajwalil ta stojol te mach'atic acanantayejique. Yu'un ja' ejemploex yu'un te chijetique.

Filipenses 3:19

Te c'alal ya xlajique, ch'ayel me ya xbajt'ic. Melel ja' dios yu'unic te sbaal xch'ujt'ique, soc ja' yutsilal ya yaiyic te bila swenta q'uexlale, soc ja' baem ta yo'tanic te bitic swenta nax te balumilale.

2 Corintios 11:20

Melel ya xcujch' awu'unic te mosoinele, soc teme ya slajinbeyex te bila ay awu'unique, soc teme ya slo'layexe, soc teme muc' ya yac' sbaic ta atojolique, soc teme ya smajbeyex achoique.

Romanos 16:18

Melel te mach'atic jich yo'tanique, ma ja'uc yac'oj sbaic ta abatinel yu'un te Cajwaltic Jesucristoe. Ja' nax baem ta yo'tanic sleel te sbaal xch'ujt'ique. Bin nax yutsil ya xc'opojic, soc xcholchon nax yu'unic ta alel. Jich ya slo'laybey yo'tanic a te mach'atic ma sna'ic stsajtayel te aiyeje.

Ezequiel 34:3

Te ja'exe ya awuch'beyic sleche, ya apas ac'u'inbeyic stsotsil, soc ya amil ati'ic te banti mero jujp'enique. Pero ma ba ya acanantayic ta stsojbol te chijetique.

Isaías 66:5

Aiybeya awaiyic stojol sc'op te Cajwaltique, ja'ex te awich'ojbeyic ta muc' te sc'ope: —Te ja'exe ay alumalic nix te ya slab-o'tantayex soc ya yuts'inex, melel ya atabonic ta alel te jbiile. Jich ya yalic: “Ac'a yac' ta ilel yutsilal ta atojolic te Cajwaltique; ya jc'antic te binuc nax awo'tanic ya quiltique”, xiic. Ja'uc me to, ya xq'uexawic jilel.

Isaías 56:12

Jich ya yalic: —Conic jletic vino soc trago swenta yu'un ya me xyacubotic. Ya me jpastic pajel ta yan buelta, jich nix te bit'il yacotic ta spasel ta ora to, o c'axem to xan ya jpastic a —xiic.

1 Samuel 2:29

¿Bi yu'unix a jiche te mero ma'yuc sc'oplal ta awo'tanic te scojt'ol chic'bil jmajt'an soc te yan jmajt'ane, te bit'il jo'on caloj mandal te ya yich' aq'uele? ¿Bi yu'un te ja' bayal sc'oplal ta awo'tan ya awaiy te anich'nab, c'ax jich a te bit'il te jmajt'ane? Melel yacat sjujp'esel ta buen lequil jmajt'an yu'un te israeletic, ja' te lum cu'une”, xi' ac'oplal yu'un te Cajwaltique.

Proverbios 23:20

Ma me xat'un te jyacubeletique; soc ma me xajoin te mach'atic lom bayal ya xwe'ique.

San Mateo 18:28

“Ja'uc me to, te abate loq'uel to bael a te la sta sba soc jtul sjoy ta abatil te ay sbet jo'winic denario yu'une. La stsac soc la spich'bey snuc': “Tojbon te abete”, la yut.

San Mateo 24:48

“Yan teme amen yo'tan te abate, jich ya xcaj yal ta yo'tan te ma xtal ta ora te yajwale.

San Mateo 24:50

Jich te yajwale ya me xtal ta bi c'aalil soc ta bi ora te ch'ayem stsa ta maliywanej a te abate.

San Juan 2:10

Jich la yalbey: —Spisil ants-winiquetic c'aemic a te ja' neel ya yich' puquel te lequil vinoe. Te c'alal la yuch'iquix bayal a te mach'atic ic'bilique, patil ya yich' puquel ts'iin te ma'yuc sbujts'e. Yan te ja'ate aq'uejoj te lequil vinoe. Ja' to nax la awac' ta ilel ta ora to —la yut.