San Mateo 24:43 - Bible in Tzeltal de Oxchuc y Tenejapa

⁴³ Na'aic me jich bit'il in to: Te yacuc sna' stojol te yajwal na te bi ora ya xtal te j'eleq'ue, wiq'uil sit ta smaliyel te jichuque, soc ma la yac' ta jamel sna te jichuque, soc ma la yac' bajt'uc ta elc'anel bael te sbiluque.

Nuevo Testamento Tzeltal de Amatenango

⁴³ Jich me xꞌanaꞌik to: Te yajwal nae te yauk snaꞌbe sluwar te tut ora ajkꞌubalil ya xkꞌot te jꞌelekꞌe, xkuxoj yoꞌtan te jichuke, sok maꞌyuk machꞌa ya yakꞌ ochel ta sna te ya xꞌelkꞌanbot bael te stutik yuꞌune.

Bible in Tzeltal Bachajón

⁴³ Na'ahic me, te lajuc sna' te yajwal na te bin ora ya xtal j'elec', la sq'uehlan sit, ma ba la yac' ta elc'anel sbiluc te hichuque.

San Mateo 24:43 Referans Kwoze

San Lucas 12:39

Na'aic me stojol in to: Te yacuc sna' te yajwal na te bi ora ya xtal te j'eleq'ue, wiq'uil me sit ta smaliyel te jichuque, jich ma xyac' loq'uel ta elc'anel te bila ay yu'une.

San Mateo 24:44

Ja' nanix jich te ja'exe, chapaluquex me ta maliywanej. Melel ma na'biluc awu'unic te ya awil talix a te Nich'anile.

San Mateo 20:11

Te j'at'eletic ora jajch' smuquen-ayanic te yajwal at'ele.

Proverbios 7:19

Melel te jmamlale ma ba ay ta jna, loq'uem bael, c'ubul baem.

San Mateo 14:25

Te c'alal nopol sacubix a te q'uinale, noptsaj bael Jesús tey a te banti ayique. Yac ta beel ta ba mar.

San Mateo 24:42

“Jich yu'un te ja'exe, wiq'uiluc me asitic, yu'un ma na'biluc awu'unic te bi ora ya xtal te Awajwalique.

San Mateo 25:10

“Te bit'il baemic ta smanel tel aceite a te jo'tul ach'ixetic te ma p'ijuc yo'tanique, tal ta ora te winic ya xnujbine. Te jo'tul ach'ixetic te chapalic soc sc'ajq'uique, la sjoinic ochel ta na ta bay q'uin swenta nujbinel, soc la yich' maquel te ti'naile.

San Mateo 25:13

Jich yu'un te ja'exe, wiq'uiluc me asitic, yu'un ma na'biluc awu'unic bi c'aalil soc bi ora ya xtal te Nich'anile.

San Marcos 6:48

La yil te ay swocolic ta stijel bael te barcoe, yu'un tulan yac ta tenel sujt'el yu'un te iq'ue. Te c'alal nopol sacubix tel a te q'uinale, te Jesús noptsaj bael tey a te bay ayique. Yac ta beel ta ba mar. Toj nax c'an c'axuc bael yilel.

San Marcos 13:35

Jich yu'un wiq'uiluc me asitic, yu'un ma na'biluc awu'unic te bi ora ya xjul tel te yajwal nae, teme yijc'ubel q'uinal, teme olil ajc'ubal, te c'alal ya x'oc' mut, o ta sacubel q'uinal.

San Lucas 12:38

Chican bi ora te ya xjule, teme olil ajc'ubal o teme nopol sacubel q'uinal, teme wiq'uil sitic ya xjul sta te abatetic yu'une, bin nax me yutsil sc'oplalic yu'un te bit'il lequil abatetique.

San Lucas 21:36

Wiq'uiluc me asitic jiche. C'oponaic Dios ta spisil ora te ayuc me awipic te jich lec ya xc'ax awu'unic spisil te bila ya xc'ot ta pasele, soc te jich me ma'yuc falta awu'unic te ya atejc'an abaic ta stojol te Nich'anile —xi' te Jesuse.

Apocalipsis 3:3

Na'a me xan te bila la awaiy stojol te la ach'uune. Canantaya me, soc sujt'esa me awo'tan. Teme ma x'awic' asite, ya me xtalon ta atojol jich te bit'il ya xtal te j'eleq'ue, yu'un ma na'biluc awu'un te bi ora ya xtalone.

Apocalipsis 16:15

“Aiya awaiyic stojol, jich me ya xtalon te bit'il j'eleq'ue. Bin nax me yutsil te mach'a wiq'uil sit soc te slapoj sc'u' swenta yu'un ma me t'analuc ta comonsitil ya x'ilot yu'un ants-winiquetic te sbaq'uetale”, xi' te Cajwaltique.

Job 24:16

Te j'elec' ya yochintay naetic ta ajc'ubal. Spisilic ya smac sbaic ta na ta c'aaleltic; ja' mero scontroic te saquil q'uinale.