San Mateo 24:42 - Bible in Tzeltal de Oxchuc y Tenejapa

⁴² “Jich yu'un te ja'exe, wiq'uiluc me asitic, yu'un ma na'biluc awu'unic te bi ora ya xtal te Awajwalique.

Nuevo Testamento Tzeltal de Amatenango

⁴² “Jaꞌ yuꞌun te jaꞌexe, wikꞌa me asitik, yuꞌun ma xꞌanaꞌik tut ora xtalon joꞌon te awajwalonike.

Bible in Tzeltal Bachajón

⁴² Cuxuluc me awo'tanic, como ma na'biluc awu'unic bin ora ya xtal te Ajwalil awu'unique.

San Mateo 24:42 Referans Kwoze

San Lucas 21:36

Wiq'uiluc me asitic jiche. C'oponaic Dios ta spisil ora te ayuc me awipic te jich lec ya xc'ax awu'unic spisil te bila ya xc'ot ta pasele, soc te jich me ma'yuc falta awu'unic te ya atejc'an abaic ta stojol te Nich'anile —xi' te Jesuse.

1 Tesalonicenses 5:6

Jich yu'un ma me xwayotic jich bit'il wayalic te yantique. Ya sc'an te wiq'uil jsitic soc te cuxul co'tantique.

San Mateo 25:13

Jich yu'un te ja'exe, wiq'uiluc me asitic, yu'un ma na'biluc awu'unic bi c'aalil soc bi ora ya xtal te Nich'anile.

Apocalipsis 16:15

“Aiya awaiyic stojol, jich me ya xtalon te bit'il j'eleq'ue. Bin nax me yutsil te mach'a wiq'uil sit soc te slapoj sc'u' swenta yu'un ma me t'analuc ta comonsitil ya x'ilot yu'un ants-winiquetic te sbaq'uetale”, xi' te Cajwaltique.

1 Corintios 16:13

Wiq'uiluc me asitic spisil ora. Junuc me awo'tanic te ya awac' xch'uunjel te awo'tanique. Ayuc me stulanil awo'tanic soc yip awo'tanic.

San Mateo 24:36

“Ja'uc me to, ma'yuc mach'a ya sna' stojol te bi ora soc te bi c'aalil ya xc'ot ta pasele. Ma sna' uuc te ch'ul abatetic te ayic ta ch'ulchane. Ja' nax ya sna' stuquel te Jtate.

Romanos 13:11

Spisil in to ja' me ya apasic, yu'un ana'ojic te bin ja'wil ayotic ta ora to. Ac'a wijc'uquix jsitic yu'un te jwayeltique, melel te jcoleltique nopol ayix tel. Ma jichuquix te bit'il najt' to xan sc'an a te c'alal la jch'uuntic te sc'op Diose.

San Mateo 24:44

Ja' nanix jich te ja'exe, chapaluquex me ta maliywanej. Melel ma na'biluc awu'unic te ya awil talix a te Nich'anile.

1 Pedro 5:8

Ich'a me ap'ijilic, wiq'uiluc me asitic. Melel te awajcontroe, ja' te pucuje, jich bit'il león-choj te yac ta aw ta sleel ta bayuc te mach'a ya sti'e.

1 Pedro 4:7

Nopol sta yorail te ya xlaj spisil. Jich yu'un, ya me sc'an te ya ana'ic q'uinal ta leque. Wiq'uiluc me asitic spisil ora soc c'oponaic me te Diose.

San Mateo 24:43

Na'aic me jich bit'il in to: Te yacuc sna' stojol te yajwal na te bi ora ya xtal te j'eleq'ue, wiq'uil sit ta smaliyel te jichuque, soc ma la yac' ta jamel sna te jichuque, soc ma la yac' bajt'uc ta elc'anel bael te sbiluque.

San Mateo 25:10

“Te bit'il baemic ta smanel tel aceite a te jo'tul ach'ixetic te ma p'ijuc yo'tanique, tal ta ora te winic ya xnujbine. Te jo'tul ach'ixetic te chapalic soc sc'ajq'uique, la sjoinic ochel ta na ta bay q'uin swenta nujbinel, soc la yich' maquel te ti'naile.

San Lucas 21:34

“Tsajtaya me abaic, ma me xawac' te ya xbic'taj awo'tanic yu'un te yacubele soc spisil te bitic biq'uit nax o'tanil yu'une, soc te bitic ay ta pasel jujun c'aal ta balumilal. Yu'un ma me ch'ayemuc atsaic a te ya sta yoraile.