San Mateo 24:36 - Bible in Tzeltal de Oxchuc y Tenejapa

³⁶ “Ja'uc me to, ma'yuc mach'a ya sna' stojol te bi ora soc te bi c'aalil ya xc'ot ta pasele. Ma sna' uuc te ch'ul abatetic te ayic ta ch'ulchane. Ja' nax ya sna' stuquel te Jtate.

Nuevo Testamento Tzeltal de Amatenango

³⁶ “Pero maꞌyuk machꞌa ya snaꞌbey sluwar te tut orae sok te tut kꞌaalil te ya xkꞌot ta pasele ni ma snaꞌ euk te chꞌul angeletike sok ma jnaꞌ euk joꞌon te Nichꞌanilone. Jaꞌ nax ya snaꞌ stukel te jTatik Diose.

Bible in Tzeltal Bachajón

³⁶ Pero mayuc mach'a ya sna' bin c'ahc'alil soc bin orahil, ni ha'uc te ch'ul a'batetic ta ch'ulchan ni ha'uc te Nich'anil, ha nax stuquel te Tatile.

San Mateo 24:36 Referans Kwoze

San Marcos 13:32

“Ja'uc me to, ma'yuc mach'a ya sna' stojol te bi ora soc te bi c'aalil ya xc'ot ta pasele. Ma sna' uuc te ch'ul abatetique, soc ma sna' uuc te Nich'anile. Ja' nax ya sna' stuquel te Jtatic Diose.

Hechos 1:7

La yal te Jesuse: —Te ja'exe, ma'yuc ta awentaic sna'el te bi orae soc te bi c'aalile. Ja' ay ta swenta te Jtat te tulan yat'el stuquele.

San Mateo 24:44

Ja' nanix jich te ja'exe, chapaluquex me ta maliywanej. Melel ma na'biluc awu'unic te ya awil talix a te Nich'anile.

2 Pedro 3:10

Ma na'biluc cu'untic te bi c'aalil ya xtal te Cajwaltique cu'untic, jich bit'il ma na'biluc cu'untic te ay ajc' nax ya xtal j'elec' ta ajc'ubale. Te bi c'aalil ya xtal te Cajwaltique, xnililet nax me ya xlaj bael te ch'ulchane. Soc ya me xlilaj ta c'ajq'uel spisil te c'aale, te ue, te eq'uetique. Soc te balumilale ya me xlaj ta chiq'uel soc spisil te bitic ay tey ae.

1 Tesalonicenses 5:2

melel ana'ojic stojol ta lec te bit'il ya xc'ot sc'aalelal te Cajwaltique. Jich ay te bit'il ya xtal j'elec' ta ajc'ubale.

Apocalipsis 16:15

“Aiya awaiyic stojol, jich me ya xtalon te bit'il j'eleq'ue. Bin nax me yutsil te mach'a wiq'uil sit soc te slapoj sc'u' swenta yu'un ma me t'analuc ta comonsitil ya x'ilot yu'un ants-winiquetic te sbaq'uetale”, xi' te Cajwaltique.

San Mateo 24:42

“Jich yu'un te ja'exe, wiq'uiluc me asitic, yu'un ma na'biluc awu'unic te bi ora ya xtal te Awajwalique.

San Mateo 25:13

Jich yu'un te ja'exe, wiq'uiluc me asitic, yu'un ma na'biluc awu'unic bi c'aalil soc bi ora ya xtal te Nich'anile.

Apocalipsis 3:3

Na'a me xan te bila la awaiy stojol te la ach'uune. Canantaya me, soc sujt'esa me awo'tan. Teme ma x'awic' asite, ya me xtalon ta atojol jich te bit'il ya xtal te j'eleq'ue, yu'un ma na'biluc awu'un te bi ora ya xtalone.

Zacarías 14:7

Ma'yuc yan c'aal te pajal soque, ja' nax sna'oj Dios te bi ora ya xc'ote. Ma ba ya xchicnajix c'aaleltic, soc ma ba ya xchicnajix ajc'ubal, melel manchuc me ajc'ubaluc, pero puersa me ay saquil q'uinal tey a.