San Mateo 24:3 - Bible in Tzeltal de Oxchuc y Tenejapa

³ Te c'alal ayiquix ta Wits Olivailtique, te Jesús la snajc'an sba tey a. Te jnopojeletic yu'une, stuquel nax tal sc'oponic. Jich la yalic: —Albotic caiytic te bi ora ya xc'ot ta pasel te bila la awalbotique, soc te bi señail ya xchicnaj ta ilel a te c'alal ya xtalatixe soc te ja'ix a te slajibal c'aale —xiic.

Nuevo Testamento Tzeltal de Amatenango

³ Laj abi, bajtik ta wits Olivailtik. Teꞌ kꞌo snajkan sba a te Jesuse. Te jnopojeletik yuꞌune tal skꞌoponik ta parte. Jich a yalik: —Ya jkꞌantik ya awalbotik te tut ora ya xkꞌot ta pasel te tut la awalbotike. ¿Tut señail ya xchiknaj ta ilel te tut ora ya xchaꞌtalate sok teme jaꞌix te slajibal kꞌaale? —xchiik.

Bible in Tzeltal Bachajón

³ C'alal hucul ta Wits yu'un Olivohetic a te Jesús, stuquel nohpojic tal te jnopojeletic, hich la yalbeyic: Hala ca'iycotic, ¿bin ora ya xc'oht ta pasel ini soc bin señahil yu'un te ya xtalat soc yu'un te slajibal c'ahc'al? xchihic.

San Mateo 24:3 Referans Kwoze

Hechos 1:7

La yal te Jesuse: —Te ja'exe, ma'yuc ta awentaic sna'el te bi orae soc te bi c'aalile. Ja' ay ta swenta te Jtat te tulan yat'el stuquele.

San Mateo 24:37

“Jich bit'il ta yorail te Noeje, ja' nanix jich te c'alal ya xtal te Nich'anile.

San Mateo 13:49

Jich me ya xc'ot ta pasel ta slajibal c'aal. Ya me xtal te ch'ul abatetique. Ya me stsaic loq'uel te mach'atic ma lecuc ta bay yolil te mach'atic toj yo'tanic ta stojol te Diose.

San Lucas 21:7

Jich la sjojc'obeyic: —Maestro, ¿bi ora ya xc'ot ta pasel te bila la awale? ¿Bi señail ya xchicnaj te c'alal tey ya xc'otix ta pasele? —xiic.

San Mateo 21:1

Nopol xc'otiquix ta Jerusalén a, c'otic ta ch'in lum Betfagé te ay ta bay te Wits Olivailtique. Te Jesús la sticun bael cha'tul te jnopojeletic yu'une:

San Mateo 24:39

Ma la sna'ic stojol te bila ya xc'ot ta pasele, ja' to te tal te pulemale. Jich lajic ta spisilic. Ja' nanix jich te c'alal ya xtal te Nich'anile.

San Mateo 24:27

Melel te c'alal ya xtal te Nich'anile, jich me ya xchicnaj tel te bit'il tsantsewal te ya xlem tel ta sloq'uib c'aal c'alal to ta smalib c'aal.

Hebreos 9:26

Te jichuque bayal buelta la yac'ulayix sba ta lajel ta xjajch'ibal to tel balumilal te jichuque. Ja'uc me to, te bit'il slajibalix c'aale, jun nax buelta xtaluc te la yac' sba ta lajel ta xch'ayel jmultic te Cristoe.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

San Mateo 17:19

Patil te jnopojeletic yu'une la sc'oponic ta stuquel te Jesuse. La sjojc'obeyic yaiy: —¿Bi yu'un te ma ju' cu'untic sloq'uesel jo'otic te pucuje? —xiic.

San Mateo 24:43

Na'aic me jich bit'il in to: Te yacuc sna' stojol te yajwal na te bi ora ya xtal te j'eleq'ue, wiq'uil sit ta smaliyel te jichuque, soc ma la yac' ta jamel sna te jichuque, soc ma la yac' bajt'uc ta elc'anel bael te sbiluque.

San Mateo 15:12

Te jnopojeletic yu'un te Jesuse, noptsajic tel ta stojol. Jich la yalbeyic: —¿La bal awil te ilinic yu'un te fariseoetic te bila la awale? —xiic.

San Mateo 13:36

Jich te Jesús la sticun bael te ants-winiquetique, soc bajt' ta na. Te jnopojeletic yu'une noptsajic tel ta stojol. Jich la yalic: —Cholbotic xan sc'oplal caiytic te seña-c'op te cizaña-ac te la yich' ts'unel ta bay te q'uinale —xiic.

San Mateo 16:27

Melel te Nich'anile ya me xtal soc yutsilal te State soc te ch'ul abatetic yu'une. Ya xtal yac'bey stojol sc'ab juju-jtul chican bi yilel te yat'el spasoje.

San Mateo 16:28

Jamal ya calbeyex, ay mach'atic li' ayic to te ma ba ya xlajique ja' to teme la yilic ya xtal ta ajwalinel te Nich'anile —xi' te Jesuse.

San Mateo 24:30

Jich me ya xchicnaj ta yolil ch'ulchan te seña yu'un te Nich'anile. Spisil ta jchajp ants-winiquetic te ayic ta balumilale ya me xcaj yoq'uetay sbaic, soc ya me yilic te Nich'anile. Ya me yilic te ya xtal ta bay tocal ta sjamalul ch'ulchan soc yu'el soc ay bayal xojobil te yutsilale.