San Mateo 24:29 - Bible in Tzeltal de Oxchuc y Tenejapa

²⁹ “Teme c'axix sc'aalelal a te woclajel ta uts'inele, ya x'ijc'ub te c'aale, soc ma ba ya yac' xojobil te ue, soc ya me xch'ay coel ta ch'ulchan te eq'uetique, soc ya me yich' tijel te bitic ay yipic ta yolil te ch'ulchane.

Nuevo Testamento Tzeltal de Amatenango

²⁹ “Teme kꞌaxix skꞌaalel a te wokole sok te ikꞌtinele, ya xꞌijkꞌub te kꞌajkꞌale, sok te ue makꞌ xtilix a. Sok ya me xtꞌuxaj ta koel te ekꞌetik ta chꞌulchane, sok ya me xtijtalanot te tutik ay ta yolil te chꞌulchane.

Bible in Tzeltal Bachajón

²⁹ Xc'ax nax a te bayel wocole, ya x'ihc'ub te c'ahc'al, ma xyac' sts'anabul te u, ya xch'ay cohel tal ta ch'ulchan te eq'uetic soc ya me syuc' sbahic te bintic ay ta sjamalil ch'ulchan.

San Mateo 24:29 Referans Kwoze

Amós 8:9

Jamal ya yal te Cajwaltique: —Te c'alal ya sta yorail, ya me x'ijc'ub q'uinal ta olil c'aal, ta c'aaleltic ya cac' x'ijc'ub q'uinal ta balumilal.

Joel 3:15

Ya me x'ijc'ub c'aal, ya me x'ijc'ub u, ya me xtup' xojobil te eq'uetique.

Isaías 13:10

Te eq'uetic soc te tsojboltsojp eq'uetic ta ch'ulchan ma me xyaq'uix xojobilic; ya me x'ijc'ub te c'aal te c'alal ya xloq'ue, te u ma xyaq'uix xojobil.

Isaías 24:23

Te Cajwaltic te Spisil ya xju' yu'une, ya me x'at'ej jichuc muc' ajwalil ta wits Sión, ta Jerusalén; te c'aal soc te u ya me xch'ay xojobilic, te jtsobwanejetic yu'un te lume, ya me yilbeyic yutsil xojobil te Cajwaltique.

2 Pedro 3:10

Ma na'biluc cu'untic te bi c'aalil ya xtal te Cajwaltique cu'untic, jich bit'il ma na'biluc cu'untic te ay ajc' nax ya xtal j'elec' ta ajc'ubale. Te bi c'aalil ya xtal te Cajwaltique, xnililet nax me ya xlaj bael te ch'ulchane. Soc ya me xlilaj ta c'ajq'uel spisil te c'aale, te ue, te eq'uetique. Soc te balumilale ya me xlaj ta chiq'uel soc spisil te bitic ay tey ae.

Isaías 34:4

Spisil te bitic xlemlajan ta ch'ulchan ya me sjin sbaic. Te ch'ulchane, ya me sbal sba, jich bit'il balal jun; soc spisil te eq'uetic ya me xtup' xojobilic, jich ya xch'ayic te bit'il ya xch'ay coel yabenal te sts'usub o te yabenal higuerae.

Apocalipsis 8:12

Te xchanebal ch'ul abate la yoq'uesin te oq'uese. Bolob jxejt' ta yox-xejt'el te c'aale soc jxejt' ta yox-xejt'el uuc te ue soc jteb ma oliluc uuc te eq'uetique. Jich ijc'ub jxejt' ta yox-xejt'el te q'uinale. Jich ay chanebuc ora tup'en xojobil c'aal ta c'aaleltic soc jich nix te u ta ajc'ubal.

Joel 2:10

Te lumq'uinal ya stij sba ta stojolic, te ch'ulchan ya syuc' sba yu'unic, te c'aal te u ya xch'ay xojobil, te eq'uetic ya x'ijc'ub yu'unic.

Amós 5:20

Melel nix a, te sc'aalelal Cajwaltic ijc' me, ma me saquil q'uinaluc; pimil ijc' q'uinal, xujt' ma me xchicnaj jtebuc.

San Mateo 24:21

Ya me xtal bayal woclajel, te ma'yuc bay jich c'oem ta pasel ta xjajch'ibal to tel balumilal, soc ta ora to, soc ta patil bael.

San Mateo 24:8

Ta spisil in to xjajch'ibal to nax xc'uxul te woclajel ya xtale.

Eclesiastés 12:2

Pasbeya yat'el Dios ta ora yo'tic, c'alal ma to xtup' ta asit te xojobil te c'aal, te u, soc te eq'uetique, soc te c'alal ma to stsob sba te awocole.